1 Pita 2:19 - U Bulunagana U Niga

¹⁹ Te ngilin katoe mia limiou u ngilngil tere Sunahan ba limiou te sagoho kamits silemen, e Sunahan e haniga koru ranou limiou.

1 Pita 2:19 Referans Kwoze

1 Pita 2:20

Tego katoe mia limiou ta markato ta omi ba nori te singata rariou limiou, e möa tegi solosei merai limiou tara ka teka. Kaba tego katoe mia limiou a markato a niga ba nori te hakamits rariou limiou tara markato teka, ba limiou tema ranga palis ramien, e Sunahan e haniga koru ranou limiou.

1 Korin 15:10

Kaba tara nihitaguhu tere Sunahan ba lia temar butu uagu teka, na nikalala i tanen ema la pukpuku nei. Alia e kui hatagala bala regu a palair u aposol hoboto, kaba ema lia nei. E Sunahan te ka gono menou lia.

U Bulungana u Niga tere Iesu Kristo te kolotein e Luk 6:32

“Te ngil puku ramia lö u katuun te ngile rioulö, gaha tegi kalala silei lö? U katuun u omi e ngil has raier u katuun te ngil raren.

U pas te koloto menai e Pol turu kristenira i Rom 13:5

Na limiou ego kukute mia tara gamman, taraha alimiou e atei silemiou a ka te nigana, na e atei sil hasemiou e Sunahan e raharaha rena u katuun te kato homir.

U Bulungana u Niga tere Iesu Kristo te kolotein e Jon 15:21

Kaba nori e kato sila naroua a manka teka tara solor te söate milimiou, taraha nori ema atei sileri e Sunahan te tula na moulia.

2 Timoti 1:12

Na nonei a ka te sagoho sila nagia lia a kamits. Kaba alia ema matsingologi, taraha, alia e atei silegu esi te hamana gia lia, na lia e atei sil hasegu nonei e antunan tara kap haniga nena a mamanaka te hataratara kap naien lia, e antunana turu Lan Pan tere Sunahan.

2 Korin 8:1

A matsi hahatoulana, alam e hatei rami limiou temar kalala merai e Sunahan a man hun katuun tere Kristo i Masedonia.

2 Korin 1:12

U mana nitöa, alam e tatei sasaalam bate ranga mem u hakats u gogoso nitöa ti marka uu lam tara niniganiga te hala railam e Sunahan, ba lam te kato hamatsköm bate kato haniga mia tara han i puta teka na i mata milimiou has. Alam uma kato mei a manka teka a niatei i tamulam, kaba tara niatei tere Sunahan.

Aposol 11:23

Pöata tena tukuien, ba nonei e tarena a nihitaguhu tere Sunahan e ka gono meraien, ba nonei e sasaalana. Na nonei e kato hatagali u hakats turu katuun hoboto tegi hatagala menaien a toriren bate hamana nitöa uaier tere Sunahan.

Hibru 10:2

Sanena u katuun te hatsunoner e Sunahan ti hagalus ba hakapein a man markato a man omi i taren, nori sane ma tatei hakats lel nari a man markato a man omi i taren, na u haats e tatei kapa hasina.

1 Pita 4:15

Kaba, tego sagoho kamits ia lö, alö goma here ii a katuun a hihipuli, na katuun a kopkop, na katuun a herheroko, na taina katuun te kato homina.