1 Korin 9:18 - U Bulunagana U Niga

¹⁸ Ga saha hihol te tatei lue gulia? A ka te niga bala nena a hihol nonei teka: te habulungana pukpuku mena gilia u Bulungana u Niga. Taraha, alia ema kato silegi a hihol te matsköna turu katuun te rarareier u Bulungana u Niga.

1 Korin 9:18 Referans Kwoze

1 Tesalonaika 2:6

Alam ema kui silemi a solo pan te aposol uamulam. E möa. Alam ema ngilemi alimiou go hapan ramou lam na lam ema ngil hasemi a tana katuun ega hapan raiou lam. E möa.

1 Korin 8:9

Kaba hakats hanigaiam a niatei i tamilimiou ena mots kato homiena a katuun, ba u hakats i tanen tema tagala balanei banonei te rus uana tara markato a omi.

2 Korin 4:5

Alam ema habulungana nami a peisamulam. E möa. Alam e habulungana nem e Iesu Kristo nonei a Tsunono, na lam u katunun kui i tamilimiou e ka silem nonei e Iesu.

1 Korin 10:33

Nonei teka te torohanan markato has uagou lia. Tara mamanaka te katoe gulia, alia e torohanan kato haniga gia i matar u katuun hoboto. Alia ema hakats nagi a ka te niga peisana i tar. E möa. Alia e hakats has negu a ka te nigana i taren. Alia e kato silegu nori egi haniga be Sunahan te lu pouts ranen.

1 Korin 7:31

Na u katuun te katoeier a man toukuina i puta, egima pile hakarapoto nai a mankana i puta. Taraha, a markato tara han i puta teka e sukusukun taiana.

U pas te koloto menai e Pol turu kristenira i Rom 14:15

Te omi silana a hahatoulana i tamölö tara ka te noue mölö, e hatei nena alö ema ngil hamane mien. Taraha, nonei e kukutiena a markato i tamölö bate kato homiena a torinen. Kaba e Kristo e mate sil hasi a hahatoulana i tamölö. Tara kap haniga talein a ka te noue mölö. Nonei e namots kukutiena a markato i tamölö bate kato homi hasena a peisanen.

U Bulungana u Niga tere Iesu Kristo te kolotein e Jon 4:36

A katuun te harengena a kui e lu taleiena a hihol i tanen na e lu gögono sil hase nei a kannou, a kannouna tara nitöatöa teka nitöana. Ba u katunun leba na u katunun harenge te sasaala hobotor te lu mena rien a hihol. Ba u raranga ti halani te butu hamana talana. ‘A töa katuun ena lebaleba nou ba tai tena harenge nou.’

Aposol 18:3

Nori u mun tahol i ka mei a töa mar toukui te ka has mei e Pol, be Pol e ka gono mera nen ba nori te kui hobotor. Nori i atein kuin a luma labalaba.

1 Korin 3:8

A katuun te halebana na katuun te haramununa e kuieier a töa puku a toukui. E Sunahan e hol ranoien a man tötöa, e antunana timar kui hapopo uaien.

1 Korin 9:12

E nigana te mar kato uaier a palair u katuun teka i tamilimiou, kaba e niga balana tego ranga sil mei lam a manka teka i tamilimiou. Kaba alam ema tagala silemi a manka teka. Alam e kui peise mi a limamulam a tsi monin kannou i tamulam, taraha u katuun e namots poeier alam e habulungana silemi u raranga tere Kristo tego lu menai lam ta moni.

1 Korin 9:15

Kaba lia ema hakats nagi a ka teka. Na lia ema koloto silegi u pas teka tego lu menai lia ta moni i tamilimiou. E niga bala nena tego mate uu lia bate poeiegu, alia u hala pukpuku railimiou u Bulungana u Niga.

1 Korin 9:17

Alia sanena go kato mei a toukui teka turu ngilngil peisa i tar, bate matskö talana tego lu menai lia a hihol. Kaba e Sunahan e hopö kap hakapa naiou lia tara toukui teka. E ma ngil peisa uanei i tar. E möa. U ngil i tanen.