1 Korin 9:17 - U Bulunagana U Niga

¹⁷ Alia sanena go kato mei a toukui teka turu ngilngil peisa i tar, bate matskö talana tego lu menai lia a hihol. Kaba e Sunahan e hopö kap hakapa naiou lia tara toukui teka. E ma ngil peisa uanei i tar. E möa. U ngil i tanen.

1 Korin 9:17 Referans Kwoze

Galesia 2:7

Nori i tari e Sunahan e hale ii lia a toukui tegona hatei menai lia u Bulungana u Niga turu katuun te halhal ria turu Jiu, temar hala has menaien e Pita a toukui tego hatei menaien u Bulungana u Niga turu Jiu.

1 Korin 3:8

A katuun te halebana na katuun te haramununa e kuieier a töa puku a toukui. E Sunahan e hol ranoien a man tötöa, e antunana timar kui hapopo uaien.

Kolosi 1:25

E Sunahan e katoe ii lia a katunun kui turu katuun i tanen, me hale nei lia a toukui teka tego taguhu merai lia alimiou. Nonei a toukui i tar tego ranga hatei menai lia u bulungana i tanen.

1 Korin 4:1

Alimiou go mar tara mera milam teka, alam u katunun kui tere Kristo, ti hapepeito kap rai a man raranga tere Sunahan ti mous i manasa.

Matiu 10:41

Na katuun te rarariena u raranga tere Sunahan, bate hanigeiena a toukui i tanen, nonei ena lue nou u hamatana te lu hase nou a katuun te rarariena u raranga tere Sunahan. Na katuun te tarena a katuun te matsköna i matana e Sunahan bate hanigeiena nonei a katuun, nonei ena lu hasenou u hamatana te lu hasenou a katuun a matskö.

1 Tesalonaika 2:4

E Sunahan e hala railam u hanhaniga tego rarare mei lam u Bulungana u Niga, na nonei e torohana raiou lam, tego matskö nitöa uu a torimulam tsi e möa, ba lam tema rarare uami temar ngil uaier u katuun. E möa. Alam e mar rarare uam te ngil uana e Sunahan.

1 Korin 3:14

Tema kulupenoi u tula aha ti kuieia ioluna a pos simen, e Sunahan e hale noi a katuun te kuieien u hamatana i tanen.

Pilimon 1:14

Kaba alia ema antunan kato nagi ta ka tema haniga nami lö. Tara niniganiga i tamölö, alö go taguhu mei lia u ngilngil peisa i tamölö.

2 Korin 8:12

Taraha, te kana a nimaniatan hala, e Sunahan e lu has me noien a nimaniata te antunana tara ha te ka memi limiou. Nonei ema ngile nei alö go halani a ka tema ka memilö.

1 Korin 9:16

Na lia ema antunan haröto has megi te habulungana mena gilia u Bulungana u Niga. E möa. E Sunahan e ranga hatagala meiou lia tego rarare u lia. Na nomi e tatei butuna i tar tegoma habulungana menai lia u Bulungana u Niga.

U Bulungana u Niga tere Iesu Kristo te kolotein e Luk 12:42

Ba Tsunono e ranga palisina, “Esi i tamilimiou te here nei a tson mammam hamana te hakats hanigana? A katuun pan i tanen e hataratara kap naneien romana a palair u katunun kui i tanen. Nonei te tatei hala ranoien a kannou tara pöata hamatskö.

Matiu 24:25

Hengoiam! Alia e hatei mammam ragilimiou a ka teka i mamina a pöata tena butu nen romana.

U Bulungana u Niga tere Iesu Kristo te kolotein e Jon 4:36

A katuun te harengena a kui e lu taleiena a hihol i tanen na e lu gögono sil hase nei a kannou, a kannouna tara nitöatöa teka nitöana. Ba u katunun leba na u katunun harenge te sasaala hobotor te lu mena rien a hihol. Ba u raranga ti halani te butu hamana talana. ‘A töa katuun ena lebaleba nou ba tai tena harenge nou.’

1 Korin 9:18

Ga saha hihol te tatei lue gulia? A ka te niga bala nena a hihol nonei teka: te habulungana pukpuku mena gilia u Bulungana u Niga. Taraha, alia ema kato silegi a hihol te matsköna turu katuun te rarareier u Bulungana u Niga.