1 Korin 6:2 - U Bulunagana U Niga

² Alimiou e atei sil hasemiou u katuun tere Sunahan ena ona rer romana u katunura i puta? Aa. Na temar kato uaien teka, ba limiou te antunan hakapa korue miou a matsi raharaha teka.

1 Korin 6:2 Referans Kwoze

Matiu 19:28

Be Iesu e poeiena i taren, “Alia e ranga hamana koru meragou limiou, tara han a tsimus i murimuri, tena gum goa Lia tu butun Katunuma turu Gumgum u Göagono i tar, ba limiou u katuun te lala gono memou lia tena gum has moa turu maloto na u huol u gumgum u göagono turu king, bate taratarakap ramou u maloto na huol tara pal katunura i Israel.

U Bulungana u Niga tere Iesu Kristo te kolotein e Luk 22:30

Alimiou ena nou mou nena ua gono memou lia tara kannou tara Nipepeito i tar, ba limiou tena gum mia romana tara man gumgum a man göagono turu king, ba limiou te tsonun onuna moua romana tara maloto na huol a hun katunura i Israel.”

Revelesin 20:4

Ba lia e taregu a man gumgum a man göagono na u katuun ti gum ia i taren. I hala rai a nitagala tegi ona meraien u katuun. Ba lia e tara hasegu a namnameir u katuun ti ngats pagoteir. U katuun teka i roron habulunganein u raranga hamana te rangein e Iesu na u raranga tere Sunahan, na nori ima hatsunone ii a ka a omi a töatöa na u kesa i tanen. Nori ima hatiti hasna ii a hatöatongo tara ka a omi a töatöa i poleren na i limaren. Ba nori e töatöa poutsur me tsunono gono meier e Kristo e antunaia turu 1,000 u hiningal.

Revelesin 3:21

A katuun te tagala saluhena, alia e haniga nagou tegona gum gono menaien lia turu gumgum u göagono i tar. Taraha, alia u tagala saluhe koru ba lia ena gum gono megu e Tamar turu gumgum u göagono i tanen.

2 Korin 4:18

Taraha, alam ema taremi a ka te tareier, kaba lam e tarem a ka tema tareri. A ka te tareier, a kana i romana puku, kaba a ka tema tareri, e ka nitöa nou romana.

1 Korin 6:4

Te butuna a hia raharaha i gusumilimiou, e hana balö tena tareiem a katuun tema tara mareieri u kristen?

1 Tesalonaika 3:13

Taraha, a Tsunono e ngilena a torimilimiou ega gogoso nega matsköia i matana e Tamarara e Sunahan, tara pöata tena la pouts nama romana a Tsunono i tarara e Iesu na u katuun hoboto i tanen.

U pas te koloto menai e Pol turu kristenira i Rom 6:16

Alimiou go atei sil haseiam, te hengo mena milimiou a töa katuun, ba limiou te kui pinopino tuun moa i tanen. Na te kukute mia limiou a markato a omi, ba nonei te piata mera noi limiou tara tou mate. Kaba te hengoe mia limiou e Sunahan bate kukuteimen, a nikaka i tamilimiou e matskö nitöana i matanen.

1 Korin 1:20

Esi nonei a katuun a atei? Na esi nonei a katununa turu buku? Na esi nonei a katuun a ateina tara Lo tere Mosis? Nori hoboto ema pan ria i matana e Sunahan. E Sunahan e hatei hakapein a niateina tara han i puta, a ka papala koru.

1 Korin 1:21

Tara niatei i tanen e Sunahan e hatu kapiin a maroro turu katuun te torohanan atei sile ren tara niatei peisa i taren. Kaba nonei e lu pouts rena u katuun te hamana uar i tanen tara pöata te hengoe rien u raranga i tamulam, te ngöeri u katuun, u raranga u tutu.