1 Korin 4:15 - U Bulunagana U Niga

¹⁵ Noahasina te ka memia limiou a parpara koru a katuun te tatei hatuts rari limiou e Kristo, alimiou go hakats pouts naiam alia puku a töa i tamamilimiou. Taraha, alia u butu here ii e tamamilimiou tara pöata tu hatuts naia lia u Bulungana u Niga bate taguhu ragou limiou tego hamana uaiam limiou tere Iesu Kristo.

1 Korin 4:15 Referans Kwoze

Galesia 4:19

A matsi galapien i tar, alia e sagohegu a kamits e herenei a kamits te sagohena a tahol te katsin posana. Taraha, alia e ngil hatagala koruegu alimiou go heremi e Kristo.

1 Korin 3:10

Tara nitagala tere Sunahan te haleien lia, nonei e hale ii lia a niatei tego kui mei lia a luma a niga, na lia u haka hakapi u pos simen tara luma. Kaba a taina katuun te kuienou a luma ieluna u pos simen. A man tötöa man katunun kui teka egi harare haniga koruni temar kui menaroien a luma.

1 Korin 9:23

Alia e kato sila nagia a manka hoboto teka tara solo turu Bulungana u Niga tere Iesu Kristo, tego lu menai lia romana a manka man niga te hatei nena u Bulungana u Niga.

1 Korin 9:14

Na e markato has uana iesana, a Tsunono e ranga hakapein u katuun te habulungananer u Bulungana u Niga e tatei lueier a monin kannou i taren turu katuun te hengo raren.

1 Pita 1:23

Alimiou u butu hatsimus hakapaiam, here nei temar posa menari a pien. Kaba a nitöatöa a tsimus i tamilimiou ema tuhanaia tara katuun tuun te antunan mate nitöana. E möa. Alimiou u tuhana meiam u raranga tere Sunahan te mana nitöana na tema antunan kapa nei.

Jemis 1:18

Turu ngil peisa i tanen e Sunahan e hatuhana raiara turu ranga u mana i tanen. Nonei e kato menai a ka teka bara te here rari romana u katuun tutuun tara hun katuun a tsimus i tanen.

Pilimon 1:19

Alia e Pol na lia e koloto peisegi u raranga teka a limar, alia e hamatane gou lö. Kaba lö e atei silem alö e ka has mem a haroho i tar, taraha alia u taguhe ioulö balö te hamana uaiem tara Tsunono.

Taitus 1:4

O Taitus, alö a pien tson i tar, te hamana hoboto uarara tere Sunahan. E Sunahan e Tamarara na e Iesu Kristo te taguhu raioura e tatei taatagi nariou lö na e tatei hala hase rilö a masalohana.

2 Timoti 4:3

Taraha, a pöata te la nama u katuun ema hengo lele roi u hihatuts u mana. Nori e kukutie riou u ngilngil peisa i taren, bate gono beroi a peisaren u tson hihatuts te hatuts raroien a manka te ngilin hengo naren.

1 Korin 9:18

Ga saha hihol te tatei lue gulia? A ka te niga bala nena a hihol nonei teka: te habulungana pukpuku mena gilia u Bulungana u Niga. Taraha, alia ema kato silegi a hihol te matsköna turu katuun te rarareier u Bulungana u Niga.

1 Korin 9:12

E nigana te mar kato uaier a palair u katuun teka i tamilimiou, kaba e niga balana tego ranga sil mei lam a manka teka i tamilimiou. Kaba alam ema tagala silemi a manka teka. Alam e kui peise mi a limamulam a tsi monin kannou i tamulam, taraha u katuun e namots poeier alam e habulungana silemi u raranga tere Kristo tego lu menai lam ta moni.

1 Korin 3:6

Alia u lebi a kannou be Apolos tena haramun ranen. Kaba e Sunahan lasi a töa te katoeiena a kannou bate pusuku hanigana.

U pas te koloto menai e Pol turu kristenira i Rom 15:20

I manasa na te antunana i romana, alia e ngilin rarariegu u Bulungana u Niga turu han tima hengo noa nai e Kristo. Taraha, alia e namots hapona gia tara toukui te hatania a tana katuun tere Sunahan.

1 Korin 1:30

Tere Sunahan lahas bara te ka ria tere Iesu Kristo, na nonei e habutu sileien tego hala meraien ra a niatei. E Kristo nonei te sakahis raioura bara te katuun uara tere Sunahan. Nonei lasi a maroro a matskö na nonei te kato hagöagono raioura bara te katuun uara tere Sunahan.

1 Korin 3:8

A katuun te halebana na katuun te haramununa e kuieier a töa puku a toukui. E Sunahan e hol ranoien a man tötöa, e antunana timar kui hapopo uaien.

1 Korin 9:16

Na lia ema antunan haröto has megi te habulungana mena gilia u Bulungana u Niga. E möa. E Sunahan e ranga hatagala meiou lia tego rarare u lia. Na nomi e tatei butuna i tar tegoma habulungana menai lia u Bulungana u Niga.

1 Korin 15:1

Na matsi hatoulana, alia e hatakei poutsegu u hakatsina turu Bulungana u Niga tu hatei nela lia i tamilimiou. Alimiou u lu hakapeiam u Bulungana u Niga teka na limiou e tuol hakarapoto mia i tanen.

2 Korin 4:5

Alam ema habulungana nami a peisamulam. E möa. Alam e habulungana nem e Iesu Kristo nonei a Tsunono, na lam u katunun kui i tamilimiou e ka silem nonei e Iesu.

Galesia 3:24

A Lo e here ii a tson taratara kap i tarara, e antunan töaia te butuma e Kristo bara e hamana reia i tanen me töan matskö raia i matana e Sunahan.

Galesia 3:25

Na pöata turu nihamana e butu hakapa tala, na tson taratara kap ema tarakap lel ranoui ra.