1 Korin 2:6 - U Bulunagana U Niga

⁶ Alia e ranga noa has megu a niatei turu katuun te atei siler a markato tere Sunahan. Kaba ema niatei uanei tara han i puta teka tsi tara pal kapanira i puta te taia riou romana. E möa.

1 Korin 2:6 Referans Kwoze

Hibru 5:14

Kaba u hihatuts pan e ka uana turu katuun ti solon atei sil a markato a matskö, bate tatei hamoueier a ka te nigana na ka te omina.

Jemis 3:15

U mar hakats teka ema butu nameia iasa. E möa. E butuna i puta. Ema markato uanei te hakats uana u namnamei u niga. E kato uana te hakats uana e Satan.

2 Korin 4:4

A tson hiamus na turu puta teka e Satan, e kato hakuhilir u hakhakats turu katuun te hahamanar banori tema atei sileri u raranga u mana, te here nei u ualesala te alesala uana i taren. U ualesala nonei u Bulungana u Niga tere Kristo, e Kristo u haharuei tere Sunahan.

1 Pita 5:10

Alimiou e gamon sagoho lele mou a kamits, kaba i murinen e Sunahan e kato haniga pouts ranou u katuun u niga i tanen bate hatagala ranou limiou na u nihamana i tamilimiou tara mamana pöata. Nonei a Sunahan te roron taatagi ranou limiou bate ngö sil ranoui limiou tego na lu gono menami limiou e Kristo a nikapan i tanen te ka nitöana.

1 Korin 2:8

U tsunono panira i puta ima atei sile ii a manka teka. Sanena nori ti atei sileien, ba nori tema antunan nila nari a Tsunono Pan i tarara tara kuruse.

1 Korin 1:28

E Sunahan e hopö kapir u katuun te sigala raier na te omi raier na te ngörari u katuun papala. Taraha, nonei e ngilin haka puta raiena a manka te haka seier u katunura i puta.

Kolosi 4:12

Epapras e hala has mena nei u hanhaniga i tanen i tamilimiou. Nonei e pala has uana i tamilimiou na nonei a katunun kui has tere Iesu Kristo. Nonei e singo hatagalan töa sil ranou limiou, ba limiou te katoe miou a ka te ngilena e Sunahan.

Epesis 2:2

Alimiou u kukuteiam a markato a omina i puta, bate hengoemiou a tsunonona tara man spirit a man omina iasa, nonei a spirit a omi te hakui rena u katuun te hipus naier e Sunahan.

Matiu 5:48

A markato i tamilimiou ega matskö nitöa, te markato has uana e Tamamilimiou i Kolö a markato i tanen e matskö nitöana.”

2 Korin 1:12

U mana nitöa, alam e tatei sasaalam bate ranga mem u hakats u gogoso nitöa ti marka uu lam tara niniganiga te hala railam e Sunahan, ba lam te kato hamatsköm bate kato haniga mia tara han i puta teka na i mata milimiou has. Alam uma kato mei a manka teka a niatei i tamulam, kaba tara niatei tere Sunahan.

Jemis 3:2

Te antunan hakui nena a töa katuun a rungnen batema ranga nanei ta ka ta omi, a katuun teka te antunan hakui haniga hasena a peisanen hoboto.

2 Korin 13:11

Matsi hahatoulana, alia e hakapa talegu u raranga i tar. Alimiou go torohana hatagala koruiam tego matskö koru uaiam limiou. Hengo taleiam u raranga i tar. Na limiou go hia tangtanganaiam bate ka haniga hobotomiou. Alimiou go markato uaiam teka be Sunahan te ka gono mera nou limiou, taraha nonei a mouna a markato te hiangilngil uaier na te hiakaka haniga uaier.

1 Korin 14:20

A matsi hatoulana, möa tu hakats here mi a pien. Kato here rami a galapien u tetenei te tutu ba ner a markato a omi. Kaba tara man palaina manka, mar hakats uaiam te hakats uana a katuun pan.

1 Korin 2:13

Ba lam tema ranga nami u raranga tara niatei turu katuun tuun. E möa. Alam e ranga nem u raranga te hatuts railam u Namnamei tere Sunahan bate hatarare nem a manka tere Sunahan turu katuun te ka mer u Namnamei tere Sunahan.

1 Korin 2:1

Tara pöata tu lama lia i tamilimiou, a matsi hahatoulana, alia uma la memei u raranga u mola tsi u mar raranga tara katuun a atei temi habulungana naia lia u raranga tere Sunahan. E möa.

U Bulungana u Niga tere Iesu Kristo te kolotein e Luk 16:8

Ba tsunono tara tson pepeitokap e hengo nena a ka teka me ranga sesei koru nanen. ‘Nonei a tson pepeitokap a atein gamo koru.’ U katunura i romana e atein gamo koru rer u katuun, na tara markato teka nori e atei saluhe raier u katunura turu ualesala.”

Matiu 19:21

Be Iesu e poeiena i tanen, “Te ngilin butu haniga koru mia lö i matana a Tsunono, balö tena hahol ba nem a mamanaka i tamölö balö te hala rami u katuun ti möa ta ka ta moni, balö te kame mou a mamanaka a nigana i Kolö. Balö te kukutie moulia.”

Matiu 13:22

“Na man ngal ti tsihasa naia tara kolits a hihitoka e here nei u katuun te hengoer u raranga, kaba nori e ka mer u hakhakats pan tara nitöatöana i puta, bate ngileier tegi lu menai ta moni ta parpara. Na manka teka e here nei e pil kakap nena u raranga tere Sunahan batema habute nei ta markato ta niga turu katuun teka.

1 Korin 3:1

A matsi hahatoulana, alia uma antunan ranga uai i tamilimiou temar ranga uagu lia turu katuun te kukutier u Namnamei tere Sunahan. Alia u ranga uu i tamilimiou te tatei ranga uagu lia turu katuun te ka las mer u hakatsina i puta.

1 Korin 12:8

A töa e haleri a nitagala tego ranga meien u hakats u niga, na tabi e haleri a nitagala tego habulungana menaien a niatei a niga.

2 Korin 4:3

Kaba tema alesala neia u Bulungana u Niga te hatei ne mulam tara palaiana u katuun, nori u katuun teka te karia tara maroro tena tia roua.

Kolosi 1:28

Alam e hatei lanem e Kristo turu katuun hoboto. Alam e torohanan hihatuts nem a mamana niatei te halani e Sunahan. Taraha, alam e ngilem a man tötöa man katuun hoboto egi herei a katuun a tangoho te kukute hanigan töa merien e Kristo.

Hibru 6:1

Aragi hatakui talei a man hihatuts pan bate hapolasera a markato te taatate tuun menari a man hihatuts tutuun tere Kristo. Ara i solon atei sil hakapi a man hihatuts tutuun teka, hena: Aragi habirits ban a markatona i tarara i manasa tema la gono menei a nitöatöa tere Sunahan, na aragi hamana uu tere Sunahan, na aragi kukute u hihatutsina te lu menari a baptais na te hatakopo menari ualima tara katuun, na ragi kukute u hihatutsina te takei pouts uaria tara tou mate na u hihatutsina te lu menari a nihahuna te ka nitöana. Kaba, ra gima tatei kaan töa mei a man raranga tutunina i manasa. E möa.