1 Korin 16:10 - U Bulunagana U Niga

¹⁰ A pöata te tukuna romana e Timoti hateiam, e möa ta ka tego matouteien i tamilimiou, taraha nonei e kuiena a toukui tara Tsunono te kui hasegu lia.

1 Korin 16:10 Referans Kwoze

1 Korin 15:58

E markato uana teka a matsomi koru i tar, tuol hakarapotoiam, bate tagala miou, möa tu hasula ba naiam e Sunahan. Kui hatagala nitöa mia tara Tsunono, taraha alimiou e atei silemiou a toukui te katoe mia limiou tara Tsunono ema lala puku noi.

1 Tesalonaika 3:2

Ba tara markato tala teka ba lam e tula namula e Timoti a hahatoulana i tarara te kui gono mera noulam tara toukui te habulungana menari u Bulungana u Niga tere Kristo. Nonei e la silela tegona hatagala meraien limiou na tegona kato hatagala menien u nihamana i tamilimiou.

1 Korin 4:17

Na lia e hala menagi e Timoti i tamilimiou, a pien tson a tsomi koru i tar te ngil korue gulia na te hamana gono menou lia tara Tsunono bate tara kap haniga nena a toukui tara Tsunono. Nonei ena hatei lel ranoui limiou a markato i tar te kukute mena gilia e Kristo, te hatuts has nagia lia turu katuun hoboto tere Kristo tara mamana han.

U pas te koloto menai e Pol turu kristenira i Rom 16:21

E Timoti a katuun te kukui gono megu lia e hala ranei limiou a niniganiga i tanen. Na e Lusius ne Jeson ne Sosipater has, nori a hun katuun i tar, e hala has ner u hanhaniga i taren i tamilimiou.

1 Tesalonaika 4:12

E kato uana teka ba limiou tema hasola mia tara moni tara tana katuun. Te markato haniga uamou limiou teka, ba u katuun te haniga rariou limiou.

2 Korin 6:1

Te kui gono tala memia lam e Sunahan, alam e ranga hatagala koru mera moulimiou, goma hapolase mi e Sunahan te taatagi koru raiou limiou.

2 Korin 1:1

Alia e Pol i ngö silei tego aposol uu lia tere Iesu Kristo. Taraha, nonei a toukui te ngil mei lia e Sunahan, alia go katoeien. Alam mere Timoti e toularara, e koloto menami u pas teka, turu katuun tere Sunahan i Korin. Na e la has uana turu katuun hoboto tere Sunahan te ka ria tara provins i Akaia.

1 Korin 16:11

E möa koru tego tor tsuga menaien ta töa i tamilimiou. Taguheiam bate hala gono memien a masalohana tara tou lala lel i tanen, ba nonei te kopis pouts uanama romana i tar. Taraha, alia e hahalose gen tega kopis pouts gono mera men a palair a man hatoulana i tarara.

Aposol 19:22

Ba nonei e tula rena a huol a katunun hitaguhu i tanen, ere Timoti mere Irastas, ba nori e la mam uaier i Masedonia. E Pol e gamon ka noa buia tara provins i Eisia.

Aposol 16:1

Ere Pol mere Sailas i la mam uu tara taun i Debi be la lelir i Listra te kaia a töa kristen a hitots, a solonen e Timoti. E tsinanen a toun Jiu, nonei a kristen has kaba e tamanen a toun Grik.