1 Korin 15:58 - U Bulunagana U Niga

⁵⁸ E markato uana teka a matsomi koru i tar, tuol hakarapotoiam, bate tagala miou, möa tu hasula ba naiam e Sunahan. Kui hatagala nitöa mia tara Tsunono, taraha alimiou e atei silemiou a toukui te katoe mia limiou tara Tsunono ema lala puku noi.

1 Korin 15:58 Referans Kwoze

Galesia 6:9

Nonei tegima karous beira tegi kato menaira a markato a niga. Te katon töa naroara a markato a niga, ba ta töa ta pöata bara te lue rou u hamatana u niga tara toukui i tarara.

Hibru 6:10

E Sunahan ema solopale nei a toukui i tamilimiou na niniganiga na u ngilngil ti taguhu merai limiou u katuun i tanen te la noahasina i romana.

Pilipai 2:16

Hala rami u rarangana tara nitöatöa. Te markato uamou limiou teka, ba lia te haniga koru ragou limiou turu Lan Pan tere Kristo. Taraha, nonei a manka teka e haröto nanou alia uma kui hatagala papalai.

1 Korin 3:8

A katuun te halebana na katuun te haramununa e kuieier a töa puku a toukui. E Sunahan e hol ranoien a man tötöa, e antunana timar kui hapopo uaien.

Kolosi 1:23

Na limiou go hamana nitöaiam bate tuol hakarapoto mia turu nihamana i tamilimiou. Alimiou goma hapolase mi a ka a niga tu hamana mia limiou tara pöata ti hengoe mia limiou u Bulungana u Niga. Nonei u Bulungana u Niga ti habulungana naia turu han hoboto, na nonei a ka teka te kui sile gulia, alia e Pol.

1 Tesalonaika 1:3

Pöata te singo mialam tere Tamarara e Sunahan, alam ema mala solopalemi te hamana haniga uami limiou na te kato haniga has uami limiou. Na lam ema solopala hasemi te ngil mera milimiou a palair u katuun bate taguhu ramen. Na te hamana hatagala uami limiou tena la pouts nama romana e Iesu Kristo a Tsunono i tarara.

1 Korin 16:10

A pöata te tukuna romana e Timoti hateiam, e möa ta ka tego matouteien i tamilimiou, taraha nonei e kuiena a toukui tara Tsunono te kui hasegu lia.

1 Tesalonaika 3:12

Na lam e ngil hasem a Tsunono ega kato raiou limiou balimiou te hiangilngil hatagalamiou bate ngil hatagala has ramiou u katuun hoboto, bate kato talasina. Na lam e ngil hasem alimiou go mar ngil koru merami a palair u katuun temar ngil koru has mera milam alimiou.

Kolosi 2:7

Ba limiou te tuol hakarapoto miou bate hatagala susule muma a mouna u hakats na markato i tamilimiou. Alimiou go atei sil korueiam a markato i tanen bate hamana hatagala mia i tanen, ti mar hatuts merai limiou. Ba limiou te haniga nitöa uamiou i tanen.

2 Korin 7:1

A matsomi i tar, te hala tala nena e Sunahan u mamana u raranga u mana teka, aragi kato hagogoso ba tala nai a peisarara a mamanaka te kato hakorkorianena u tuenrei na u namnamei i tarara. Aragi matouti e Sunahan bate torohanan kato hagogoso sokön töa nera a peisarara.

1 Tesalonaika 4:1

Na kapakapana u raranga a matsi hahatoulana e markato uana teka, alam u hatuts railimiou te markato uana a katuun te hanigeiena e Sunahan. Na u mana koru, alimiou e markato uamiou teka. Alam e ranga hatagala koru mera moulimiou tara solona a Tsunono e Iesu, alimiou go markato haniga noahas uaiam teka.

Taitus 2:14

Nonei e hala sile ii a peisanen tego sakahis meraien ra tara mamana markato a omi. Na nonei e mate sil tego kato hagogoso meraien ra, u katuun i tanen, bara te hun katuun uara i tanen bate kato hatagalera a man markato a man niga.

2 Pita 3:14

Na man hahikapien i tar, tara pöata te hahalose mia limiou nonei u Lan, torohana hatagala sileiam tego gogoso uaia limiou i matana e Sunahan bate katoemiou a markato tara masalohana.

Kolosi 2:5

E manana, u tuenrei i tar e ka halehana ba ranou limiou, kaba u hakhakats i tar e ka gonon töa mera noulimiou. Na lia e sasaala megu te atei sil mena gilia te tuol hakarapoto uami limiou bate hamana hatagala mia tere Kristo.

Hibru 3:14

Tegi hamana hatagala nitöa uu ra tere Sunahan ti mar hamana mam uu ra, ara e ka uara tere Kristo.

1 Tesalonaika 3:3

Ba u katuun te omi ra riou limiou tema tatei hamatout rari limiou. Alimiou e atei silemiou a ka a omi teka e tatei butuna i tarara, u katuun te hamana ria tere Kristo.

Pilipai 1:9

Na lia e singo silegu a markatona turu hiangilngil i tamilimiou ega la haniga nitöa lasi, ba niatei i tamilimiou te tatei pan susuluna, ba limiou te tatei atei silemiou a ka te nigana na a ka tema niga nei.

2 Tesalonaika 1:3

A matsi hahatoulana, alam e haniga nitöa bera mou limiou tere Sunahan, temar niga uanen. Taraha, a nihamana i tamilimiou e butu haniga susul nama na u hiangilngil i tamilimiou hoboto e butu susul haniga hasina.

Pilipai 1:11

Ba limiou te saputu memiou romana a man markato a man niga te habuteiena e Iesu Kristo, bate töan hapanemiou e Sunahan bate soloseie men.

Pilipai 4:17

Kaba limiou goma poeiemi alia e ngilin lu tunegu ta hitaguhu. E möa. Alia e sasaala koru megu te tara menagi lia alimiou u katuun u tatangana. E Sunahan e tatei kato haniga ranou limiou.

Galesia 4:11

Alia e toku koru meg a man toukui ti kato berai lia limiou ena mots la pinopinona.

1 Tesalonaika 3:5

Ba tara markato teka, alam uma antunan hahaloso leli, ba lam e tula namula e Timoti egona sakesake te popo hamanasana u nihamana i tamilimiou. Alia u toku sil korui e Satan e namots kato homi ranou limiou ba toukui i tamulam te lala pukuna.

Pilipai 2:30

Taraha, nonei e kui bei e Kristo e antunaia te sukusukun mate uaien. Nonei e kato sil tega kato hakapa menaien a toukui tima antunan kato hakapa bemi limiou alia.

U Bulungana u Niga tere Iesu Kristo te kolotein e Mak 3:3

Be Iesu e poeiena tara katuun a limamate, “La uama i mam teka.”

U Bulungana u Niga tere Iesu Kristo te kolotein e Luk 19:19

Ba katuun pan e poeiena i tanen, ‘Alö e tsunono nem romana a tolima taun.’