1 Korin 15:23 - U Bulunagana U Niga

²³ Kaba ara a man tötöa egi hahaloso bi a pöata hamatskö i tarara. E Kristo te takei mam, ba ra te pala uaier tere Kristo te takei pouts has roua tara pöata tena la pouts namen romana.

1 Korin 15:23 Referans Kwoze

Galesia 3:29

Na limiou te pala uamiou tere Kristo e here hasemi a galapien hamana tere Abraham, na ka te ranga hamanein e Sunahan tega hala naien tere Abraham e la has uana i tamilimiou.

1 Korin 15:52

Ara e palis boroboro tuun here rei romana te mitskaloho uana u mata, tara pöata te pihun nönöana romana a tuhil. Aa, a tuhil e lingina romana, ba u katuun ti mate te lu berari u tuenrei tema tatei tia nei i kolö na ra has u katuun tema mate noa rei e palis has riou nonei tara pöata.

1 Korin 15:20

Kaba u mana koru, e Kristo i hatakei poutseia tara tou mate, nonei a nitania tara tou takei pouts, e haröto nena u katuun ti mate e takei pouts has riou romana.

2 Korin 10:7

Tara a ka tego tarilö. Te pei mialö alö a katuun tere Kristo, tara marei talei, ga lam has u katuun tere Kristo.

1 Tesalonaika 2:19

Alam u ngilin na tara raiou limiou, taraha a nihamana i tamilimiou tere Iesu e kato hasasaala raiou lam. Pöata te la pouts nama romana e Iesu a Tsunono, alam e haröto ramoua limiou i tanen. A ka teka e here noi a hihol i tamulam. Nonei a ka teka te roron kato sile mulam.

Galesia 5:24

Na u katuun te ka uaier tere Kristo, a mamana markato a omi hoboto i taren na u ngilngilina i puta, nori i hakute gono meien e Kristo tara kuruse me matena.

1 Korin 3:23

Na limiou e ka has uamiou tere Kristo, na e Kristo e ka has uana tere Sunahan.

Matiu 16:27

Alia lahas tu butun Katunuma te la gono meguma romana u angelo i tar turu ualesala pan tere Tamar, ba lia temi hala palis ragoui u katuun ti kato homi a ka a omi na u katuun ti kato haniga a ka a niga.

Matiu 16:28

Alia e hatei hamana ragou limiou, a palair u katuun te tuolur teka ema antunan materi, e antunana tegi tara menien Alia tu butun Katunuma ena la here gumei romana a king.”

Aposol 26:23

U ranga teka e poeiena e Mesaia a katuun te hahalose rara ega sagohi a kamits ba nonei te takei mam pouts noa tara tou mate ba nonei tena habulungana nena tego lu pouts merai e Sunahan u Jiu na u katuun tema Jiu ri.”

1 Korin 6:14

E Sunahan e hatakei poutsi a Tsunono tara tou mate, na nonei e hatakei pouts has ranoua ra tara tou mate tara nitagala i tanen.

Pilipai 3:11

Na lia e ngilin takei pouts hasigu romana tara tou mate i tar bate töatöa poutsugu.