1 Korin 15:10 - U Bulunagana U Niga

¹⁰ Kaba tara nihitaguhu tere Sunahan ba lia temar butu uagu teka, na nikalala i tanen ema la pukpuku nei. Alia e kui hatagala bala regu a palair u aposol hoboto, kaba ema lia nei. E Sunahan te ka gono menou lia.

1 Korin 15:10 Referans Kwoze

Pilipai 4:13

E Kristo nonei te hale noi lia a nitagala, na te hantune noulia tara mamanaka hoboto.

2 Korin 3:5

Alam ema antunan peiemi, tara nitagala i tamulam, alam peisa e antunan katoem a toukui teka. E möa. A nitagala i tamulam e la nama tere Sunahan.

Pilipai 2:13

E Sunahan noahas te kuina i torimilimiou bate taguhu ranou limiou tego kukute mena milimiou u ngilngil i tanen bate katoemiou a manka te hanige nen.

Galesia 2:8

E Sunahan e hale ii e Pita a nitagala tego la menaien u raranga tere Sunahan turu Jiu. Na te kato has uaien i tar e Sunahan e hala hase ii lia a nitagala tego la menai lia u raranga i tanen turu katuun te halhal ria turu Jiu.

U pas te koloto menai e Pol turu kristenira i Rom 12:3

E Sunahan e taatagi sileiou lia be hale nei lia a nikapan tara aposol. Na lia te ranga mera goulimiou hoboto a man tötöa, alimiou goma poeiemi alimiou e kapan miou. E möa. Hakats hamatskö naiam a peisa milimiou a man tötöa e antunana te mar hamana uami limiou, bate katoemiou a toukui te matsköna, taraha e Sunahan e hala hoboto raira a nihamana.

2 Korin 12:11

Alia e ranga here gulei a katuun a tutu. Kaba lia e kato silegi a ka teka tego söata menai lia tu ranga tu niga i tamilimiou. Alia a katuun papala, kaba lia ema tetenei nagi u aposol u nigan ranga i tamilimiou.

2 Korin 6:1

Te kui gono tala memia lam e Sunahan, alam e ranga hatagala koru mera moulimiou, goma hapolase mi e Sunahan te taatagi koru raiou limiou.

1 Korin 4:7

Esi te haka sil rai limiou go pan naiam a tabi? E Sunahan te hala railimiou a manka hoboto te ka memi limiou. Na limiou goma ranga seseimi bate peimiou, tara nitagala i tamulam peisa ba lam te ka mem a manka te ka memu lam. E möa.

1 Korin 15:2

Na e Sunahan e lu pouts sila ranoua limiou, te pile hakarapoto menami limiou u Bulungana u Niga te hatei negulia, tegoma hamana pinopino bemi limiou.

U pas te koloto menai e Pol turu kristenira i Rom 11:1

Ba lia te rangatagu, e Sunahan e tori tsugari u katuun i tanen u Jiu? E möa koru. Alia has a toun Israel, a hatutubunei tere Abraham, a pala tere Bentsamen.

Matiu 10:20

Ema limiou peisanei te ranga mou. Kaba u Namnamei tere Tamamilimiou e Sunahan te haranga ranou limiou.

1 Korin 3:6

Alia u lebi a kannou be Apolos tena haramun ranen. Kaba e Sunahan lasi a töa te katoeiena a kannou bate pusuku hanigana.

1 Korin 3:10

Tara nitagala tere Sunahan te haleien lia, nonei e hale ii lia a niatei tego kui mei lia a luma a niga, na lia u haka hakapi u pos simen tara luma. Kaba a taina katuun te kuienou a luma ieluna u pos simen. A man tötöa man katunun kui teka egi harare haniga koruni temar kui menaroien a luma.

1 Korin 15:11

Ti habulungana naia lia tsi tu rarare ia lia na palair u aposol, alam u habulungana naien ba limiou te hengo miou bate hamana miou.

1 Tesalonaika 5:12

Kaba lam e hatei ramou limiou a matsi hahatoulana, hapan raiam a pal kapan i tamilimiou. A Tsunono e hopö kap raien tegi hatuts meraien limiou na tegi haröto meraien limiou a maroro a niga.

1 Timoti 4:10

Tara a nimanamana nen, ara e kui hatagala sil noahasera a ka a niga teka, taraha ara e hakera u nihamana i tarara tere Sunahan te töatöana. Nonei te taguhu rena u katuun hoboto bate lu pouts rena u katuun te hamana uaier i tanen.

Matiu 25:16

“Ba tson pepeito kap te lui a tolima a talen moni e lana mena hakui nena a moni teka ba nonei e luena a tana a tolima a talen moni.