1 Korin 14:4 - U Bulunagana U Niga

⁴ A katuun te rangana turu tana u mar ranga halhal e taguhena a peisanen, kaba a katuun te rangana turu ranga hamatskö tere Sunahan e taguhu rena u katuun tere Sunahan.

1 Korin 14:4 Referans Kwoze

1 Korin 14:22

Te ranga menari u tana u mar ranga ema hiharöto uanei turu katuun te hamanar kaba u hiharöto turu katuun tema hamana ri. Na nitagala te ranga menari u raranga hamatskö tere Sunahan ema ka sil hase nei u katuun tema hamanari. Kaba e ka silena u katuun te hamanar.

1 Korin 14:26

Aha tala tego katoeiam limiou a matsi hahatoulana? A pöata te la gögono hoboto mia limiou, a man tötöa i tamilimiou e ka memiou a man toukui. A töa e kamena u köma, na tabi e hihatutsuna, na tai e haröto nena a ka a mana, na tai e ranga nena u tana u mar ranga, na tai e palise nen. A mamanaka teka ego hatakei hatagala memilimiou u lotu.

U Bulungana u Niga tere Iesu Kristo te kolotein e Mak 16:17

Na u katuun te hamanar e katoeier romana a man mirakol tara nitagala tere Sunahan te markato uana teka: nori e poeier romana a solor bate tsuga ba raier u liliahanei u omi. Na nori e ranga ria romana tara man ranga man tsimus tema atei sileri.

1 Korin 14:12

Alimiou e ngil koruemiou tego lu mena milimiou a man nitagala turu Namnamei u Göagono. Na limiou go torohana hatagala sileiam a man nitagala te taguhu rena u katuun tere Sunahan.

1 Korin 14:5

Alia e ngilegu alimiou hoboto go ka meiam a nitagala tego ranga mena milimiou u tana u mar ranga. Kaba lia e ngil koruegu alimiou hoboto go ka meiam a nitagala tego ranga mena milimiou u raranga hamatskö tere Sunahan. Taraha, a katuun te ranga nena u raranga tere Sunahan e taguhu rena u katuun hoboto turu lotu. Nonei e niga bala nena a katuun te ranga na turu tana u mar ranga. Tego kaia ta katuun tega antunan palisin u tana u mar ranga teka ba u lotu te pan susuluna.

1 Korin 14:3

Kaba a katuun te ranga nena u raranga u hamatskö tere Sunahan e ranga uana turu katuun, ba nori te atei sile ren. Ba nonei te hatagala ranen bate hatami ranen ba te taguhu sil raneien tegi hamana haniga uaien.

1 Korin 13:2

Na te ka megia lia a nitagala turu propet, na nitagala tego atei sil menai lia a mamanaka te mousuna na mamana niatei, na te ka megia lia u nihamana te tatei hasula megi lia a man pokus bate moana tu ngil tara tana katuun, alia a katuun papala tuun.

U pas te koloto menai e Pol turu kristenira i Rom 14:19

Na ragi kute sil korui a markato te hagumena a niniganiga na te hatakei hanigeiena a katuun na te hagum haniga rena ra hoboto.

1 Korin 12:10

Tara tai, e haleri a nitagala tego kato menaien a man mirakol, na tai e haleri a nitagala tego ranga menaien u rangan propet, na tai e hala haseri a nitagala tego ona menaien u spirit u niga na u spirit u omi. U Namnamei tere Sunahan e hala hasenei a tana katuun a nitagala tego ranga menaien u tana u mar ranga ba tai te haleri a nitagala tego hatarare menaien ime temar mouna uana u raranga teka.

1 Korin 12:28

Na e Sunahan e halani a mamana mar toukui tara man tötöa tara hun katuun i tanen. Tara makum tutuun nonei e hatuolir u aposol, na tara hahuoluna a makum nonei e hatuolir u propet, na tara a hatopisana makum nonei e hatuolir u tson hihatuts, na pala te antunan katoner u mirakol, na u katuun te antunan kato haniga pouts raier u katuun, na u katuun te taguhu raier a palai, na niatei na tara toukui na tara tson mammam, na tai te antunan ranga nena u mamana u mar ranga.

1 Korin 13:1

Tego antunan ranga menai lia u ranga turu katuun na turu angelo has, ba tema ngile gi a tana katuun, u raranga i tar e here nei a ti te ling pinopinona tsi a belö pan.