1 Korin 12:10 - U Bulunagana U Niga

¹⁰ Tara tai, e haleri a nitagala tego kato menaien a man mirakol, na tai e haleri a nitagala tego ranga menaien u rangan propet, na tai e hala haseri a nitagala tego ona menaien u spirit u niga na u spirit u omi. U Namnamei tere Sunahan e hala hasenei a tana katuun a nitagala tego ranga menaien u tana u mar ranga ba tai te haleri a nitagala tego hatarare menaien ime temar mouna uana u raranga teka.

1 Korin 12:10 Referans Kwoze

1 Korin 14:39

A matsi hatoulana, ngil hatagala korueiam a nitagala tego ranga mena milimiou u raranga hamatskö tere Sunahan, na e möa tu hapiou naim tegi ranga menai u tana u mar ranga.

1 Jon 4:1

A man hahikapien, alimiou goma hengoemi u raranga turu katuun hoboto te poeier nori e ka mer u Namnamei tere Sunahan. Alimiou go tara haniga ramen tego haranga meraien e Sunahan. Taraha, a parpara koru a propet a gamogamo te ka ria tara mamana han hoboto.

U Bulungana u Niga tere Iesu Kristo te kolotein e Mak 16:17

Na u katuun te hamanar e katoeier romana a man mirakol tara nitagala tere Sunahan te markato uana teka: nori e poeier romana a solor bate tsuga ba raier u liliahanei u omi. Na nori e ranga ria romana tara man ranga man tsimus tema atei sileri.

Galesia 3:5

Tara pöata te hala nanoua e Sunahan u Namnamei i tanen i tamilimiou, bate katoena a man mirakol i gusumilimiou, nonei ema kato menoi a ka teka te kukute mena milimiou a Lo turu Jiu. Kaba nonei e kato menoien te hengo menami limiou u Bulungana u Niga bate hamane men.

U Bulungana u Niga tere Iesu Kristo te kolotein e Mak 16:20

Bu katunun tsitsilo e lar mena habulungana ner U Bulungana na tara Nitöatöa turu han hoboto. Ba Tsunono e kato sila nana a man mirakol i taren te harötein a man raranga i taren e manana.

Revelesin 2:2

Alia e atei silegu a manka te katoe milimiou. Alimiou e roron kui hahalongolo tuun las miou batema hapolase mi a nikukui a niga i tamilimiou. Alia e atei sil hasegu alimiou ema ngil koru rami u katuun u omi. Alimiou u torohana hakapa raiam u katuun te poeier nori u aposol kaba nori ema aposol hamanari, ba limiou te sabe tale miou nori e gamor.

1 Tesalonaika 5:20

Ma ranga homi nami a katuun te ranga nena u raranga u matskö tere Sunahan.

1 Korin 13:8

A markato te hiangilngil uaier ema antunan kapa nei. Kaba u rangan propet ena kapa nou, na te ranga menari u mamana u mar ranga ena kapa nou, na te ranga menari a niatei ena kapa has nou romana.

U pas te koloto menai e Pol turu kristenira i Rom 12:6

E Sunahan e hala raira a man tötöa a man nitagala tegi kato haniga menai ra a mamana mar toukui. Te haleia lö e Sunahan a nitagala tego lu menai lö u ranga hamatskö i tanen bate rararie men, ba lö te rarare hapopo namien te mar hamana uamölö.

Aposol 19:6

Pöata te hatakopeia e Pol a limanen ieluren, ba u Namnamei u Göagono e koul uanama i taren. Ba nori e ranga ria turu mamana u mar ranga, me ranga ner a manka te butu moto nou.

Aposol 11:28

A töa i taren, a solonen e Agabas, e tuol ia turu hagum, ba tara nitagala turu Namnamei u Göagono ba nonei e hatei nena a bes pan e butu noa tara mamana han hoboto i puta. A bes pan teka e butu hamanaia tara pöata te gamman pan ia e Klodias.

Aposol 5:3

Be Pita e poeiena i tanen, “O Ananias, aha tu hengo sile ii lö u hiamus tere Satan balö te gamoeiem u Namnamei u Göagono? Alö u pile kap pouts sil nai a hapalana moni ti hole ii u tsiktsiki, aha?

Aposol 1:8

Kaba limiou e luemou u Namnamei u Göagono tere Sunahan ba nonei te hala ranoui limiou a nitagala. Ba limiou tena ranga hatei namoua lia i Jerusalem na i Judia na i Samaria na turu han hoboto i puta.”

U Bulungana u Niga tere Iesu Kristo te kolotein e Jon 16:13

A pöata te la nama romana u Namnamei u Göagono na tara nimana, nonei emi haröto ranoui limiou a mamanaka te manana. Taraha, nonei ema la mena mei romana u raranga i tanen. E möa. Nonei e hatei nanou a man raranga te hengoe nen tere Tamar. Na nonei u Namnamei u Göagono e hatei ranoui limiou a manka tena butu nou romana i murimuri.

U Bulungana u Niga tere Iesu Kristo te kolotein e Jon 14:12

U mana koru alia e hatei ragou limiou, a katuun te hamana uana i tar ena katoe nou a man toukui te katoe gulia. Na man toukui i tanen e la sei na nou a man toukui teka, taraha alia e la uagu tere Tamar.

U Bulungana u Niga tere Iesu Kristo te kolotein e Luk 24:49

Hengoiam. Alia e hala nagou a ka te ranga hamanein e Tamar i manasa tegi hala rai limiou. Kaba limiou go hahaloso bumia teka i Jerusalem e antunana te butu nama romana a nitagala i Kolö bate kopo kap ranou limiou.”

Hibru 2:4

Na e Sunahan e haröto hasiin te mana uana u raranga teka te kato menaien u mamana u hiharöto na u mirakol u parpara bate hala nena a man tötöa man nitagala turu Namnamei u Göagono e antunana turu ngilngil peisa i tanen.

Aposol 11:27

Tara pöata teka, a palair u propet i laba nema i Jerusalem, me la uaier i Antiok.

1 Korin 11:4

A tson te singona na te habulungana nena u raranga tere Sunahan bate ka mena u kopo i bakunen, a tson teka ema hatsunone nei e Kristo.

1 Korin 14:13

A katuun te rangana turu tana u mar ranga e tatei singo silena a nitagala tego hatarare menaien u ranga i tanen.