1 Korin 11:27 - U Bulunagana U Niga

²⁷ Esi te nou pinopinoe nou a beret na te ua pinopino has noua tara kap tara Tsunono, nonei e kato homiena u tuenrei na u rahatsing tara Tsunono.

1 Korin 11:27 Referans Kwoze

U Bulungana u Niga tere Iesu Kristo te kolotein e Jon 6:51

Alia nonei a kannou te hala nena a nitöatöa te lama i Kolö. E si te nouna tara kannou teka e ka me nou a nitöatöa te ka nitöa nou. Na kannou te hala negu lia tena ha töatöa ranou u katunura i puta, nonei u tuenrei i tar.”

1 Korin 10:21

Alimiou ema tatei ua mia tara kap tara Tsunono na kap has turu liliahanei u omi, na limiou ema tatei nou mia tara kannou tara Tsunono bate nou has mia tara kannou te hatsunono rari u liliahanei u omi.

Hibru 10:29

Kaba a nihahuna te pan bala koruna e hahalosena a katuun te omiena a Pien Tson tere Sunahan. Taraha, nonei e sigalena u rahatsingina turu ranga te kitsi e Sunahan. Nonei u rahatsing te kato mam meien a katuun a matskö tere Sunahan. Na nonei e ranga homi has nena u Namnamei tere Sunahan te taatagi nen.

Matiu 22:11

“Kaba pöata te tasuma a king iogana temi tara meraien u katuun ti lama, ba nonei e tarena a töa katuun ema la memei u hasoböna tara hitöl.

1 Korin 11:29

Taraha, esi te nou pinopinoena a beret na te ua pinopinona tara kap batema hakats na nei ime temar mouana uana u tuenrei tara Tsunono, e las be hase nei a peisanen a raharaha tere Sunahan.