1 Korin 10:13 - U Bulunagana U Niga

¹³ U mamana u torohana te butuna i tamilimiou e roron butu hasna turu katuun hoboto. Kaba e Sunahan a katuun a hihipakoko na nonei ema haniga na noi u torohana te tagala bala na nou a nitagala i tamilimiou. Kaba, e Sunahan e kato bera noi limiou a maroro tego bus ba sila na milimiou u torohana ba limiou te antunan tagala na moien.

1 Korin 10:13 Referans Kwoze

2 Pita 2:9

E Sunahan e tatei haka haniga rena u katuun u niga tegi torohana meraien, bate haka rena u katuun u omi tara nihahuna e antunana te butuna romana u Kout Pan i tanen.

2 Timoti 4:18

Na a Tsunono e luba nanoi lia a mamana niomi bate lu mena nei lia tara Nipepeito i tanen i Kolö. Aragi solosei nitöa naien tara mamana pöata! U mana.

2 Tesalonaika 3:3

Kaba a Tsunono a katuun a hihipakoko. Nonei e kato hatagale nou a torimilimiou bate hatongo kap ranoua limiou tere Satan.

Hibru 12:4

E manana, alimiou e hiatatung gono memiou a markato a omi, kaba alimiou uma hiatatung hatagala koru noami bate antunana tego mate uaiam limiou.

1 Tesalonaika 5:24

U raranga tere Sunahan ema tatei gamo nei. Nonei te ngö ranou limiou na nonei e kato hamana korue nou romana a mamanaka te ranga negula lia.

U Bulungana u Niga tere Iesu Kristo te kolotein e Luk 22:46

Ba nonei e poeiena i taren, “Aha te soho memi limiou? Takei iam bate singo uamiou tere Sunahan. U hiamus e namots tagala saluhe rariou limiou.”

2 Korin 1:10

Nonei e luba raialam tara nimate a kapan koru, na lam e hamanem nonei ena luba lel has ranoua lam tara nimate.

Revelesin 3:10

“A pöata a omi e butu noua romana tara man han hoboto i puta, ba nonei te torohana rena romana u katuun hoboto. Kaba lia e hatongo kap romana ragou limiou tara niomi teka. Taraha? Alimiou e roron hengoe miou u raranga i tar bate tuol hakarapoto namiou te omi merari limiou u katuun.

Revelesin 2:10

Möa tu matouteiam a nikamits na u tori tiama te sagohe mou limiou. Hengoiam. E Satan ena haka ranoua limiou tara karabus ba limiou te torohana rariou. A niomi teka e antunana romana turu maloto u lan. Kaba limiou go tagala sil noa hase moulia, antunana tara pöata te atung hamate rarouen limiou, ba lia te hala ragoui limiou a nitöatöa hamana.

1 Pita 4:19

Na e markato uana teka, te kamits sile mia limiou u ngilngil tere Sunahan, ba limiou te kato haniga miou, bate hake mia a nitöatöa i tamilimiou i limana e Sunahan te kato raiou limiou. Nonei e roron kato hamanena a ka te ranga nanen.

1 Jon 1:9

Te ranga hatei na riara a man kato homi i tarara, be Sunahan te töan luba nena a man markato a man omi i tarara bate galus ba has nena a manka man omi hoboto te kana i tarara, taraha nonei e kato hamana nitöa neiena a ka te ranga nanen bate kato hamatskö nitöa nanen.

1 Korin 1:9

E Sunahan e hamanena a ka te katoe nouen ba nonei te pakoko ranou limiou, u katuun te kagono mer a pien Tson i tanen e Iesu Kristo a Tsunono i tarara.

Hibru 11:11

Turu nihamana noahas tere Sara tere Sunahan, be Sunahan e hale neien a nitagala tega pika uaien, noahasina te toböana koru uaien. Kaba e Sara e hamana noahasi e Sunahan ega kato beien a ka te ranga mam noa naien.

Hibru 10:23

Aragi pile hakarapotein a ka a niga te hamana sile rara bate hatei rari u katuun, taraha ara e atei silera e Sunahan e kato hamane nou romana u raranga u mana i tanen.

U Bulungana u Niga tere Iesu Kristo te kolotein e Luk 11:4

Balö te hapolasa bera mi lam a man markato a man omi i tamulam te hapolasa has mena mi lam a man markato a man omi ti katoeia u katuun i tamulam. Na lö goma hala merai lam tara pöata turu hiamus.’”

Hibru 6:18

Na u huol u rangan hamana teka ema tatei palis nei, na e Sunahan ema tatei gamo has naneien. Na ka teka e hatagala koruena a torirara, ara u katuun ti la uu tere Sunahan tego hatongo kap meraien ra, bara te pile hakarapoto nera a markato te hamana sil mena rei ra a nihitaguhu tere Sunahan.

Revelesin 19:11

Na lia u tari u Kolö e takalata ba töa hos a hiaka te tuolina. Na katuun te osaia i tanen a solo i tanen i ngöe ii A Katunun Hihipakoko, na tana solo i tanen A Katuun te Ranga nena u Mana. Tara pöata turu kout nonei e ona hamatsköna, na tara pöata te habute nen a pula nonei e kato hamatskö hasina.

U Bulungana u Niga tere Iesu Kristo te kolotein e Luk 16:26

Na tana ka, a töa pannen a sia e ka kap ranou ra. Eresi te karia tara pala teka ema antunan aroho ri, na eresi te karia tara pala i tamölö ema antunan aroho has uarumei i tamulam.’

Aposol 27:44

Na palai tegi murimuri egi pileia tara man makumun palang na tara matsi makum te tapekoia tara tolaala. Tara markato teka ba lam ena tuku haniga hoboto mia i kotolana.

Matiu 6:13

Alö goma hala merai lam tara tou hiamus, kaba lö go luba nema a man niomi i tamulam. U mana.’