1 Korin 1:20 - U Bulunagana U Niga

²⁰ Esi nonei a katuun a atei? Na esi nonei a katununa turu buku? Na esi nonei a katuun a ateina tara Lo tere Mosis? Nori hoboto ema pan ria i matana e Sunahan. E Sunahan e hatei hakapein a niateina tara han i puta, a ka papala koru.

1 Korin 1:20 Referans Kwoze

U pas te koloto menai e Pol turu kristenira i Rom 1:22

Nori e poeier, “Alam e ka mem a niatei,” kaba e möa, nori e butun tutu koru len talar.

1 Korin 3:19

Taraha, a niateina i han i puta teka e tutuna i matana e Sunahan. U Buku u Göagono e pei hasena, “E Sunahan e kato homi mera nei u katuun u atei a man niatei pouts i taren.”

1 Korin 1:19

E Sunahan e ranga hasna turu Buku u Göagono bate poeiena: “Alia e kato homie gou a niatei turu katuun u atei. Na lia e kato hatutu ragou u katuun te poeier nori e atei siler a mamanaka.”

1 Korin 2:6

Alia e ranga noa has megu a niatei turu katuun te atei siler a markato tere Sunahan. Kaba ema niatei uanei tara han i puta teka tsi tara pal kapanira i puta te taia riou romana. E möa.

Matiu 13:22

“Na man ngal ti tsihasa naia tara kolits a hihitoka e here nei u katuun te hengoer u raranga, kaba nori e ka mer u hakhakats pan tara nitöatöana i puta, bate ngileier tegi lu menai ta moni ta parpara. Na manka teka e here nei e pil kakap nena u raranga tere Sunahan batema habute nei ta markato ta niga turu katuun teka.

U Bulungana u Niga tere Iesu Kristo te kolotein e Jon 12:31

A pöata turu kout tere Sunahan e butu hakapa. Nonei e katsin tsuga ba tala nena e Satan.

Aposol 17:18

Nonei e hiararanga gono has mer u tson hihatuts turu huol u mar hihatuts ti ngöe ii u Epikurian na u Stoik. Ba palai e poeier, “Aha nonei te ranga nena a katuun a borera teka?” Ba palai e poeier, “Nonei e ranga toum nena a tana got halhal.” Nori i mar ranga uu teka, taraha e Pol e hatei raien e Iesu me poeiena nonei e takei poutsia tara tou mate.

U pas te koloto menai e Pol turu kristenira i Rom 1:20

A katuun ema antunan tare nei e Sunahan, kaba tara pöata te habuteia e Sunahan a mamanaka te noana i romana, u katuun i atei sil a markato tere Sunahan na nitagala i tanen te ka nitöana. A manka te habuti e Sunahan e haröto halesala nena a ka teka, ba u katuun tema antunan poeieri nori ema atei sileri e Sunahan. E möa.

1 Korin 1:26

A matsi toular te ngöri e Sunahan, hakats pouts naiam a peisa milimiou. I matar u katunura i puta, ema para nei ti ka mei a niatei, na ema para nei ti ka mei a nitagala, tsi a solo pan.

1 Korin 1:27

Kaba u katuun te ngö rari u tutu, e Sunahan e hopö kap sil raien tego hamatsingolo meraien u katuun u atei. Na u katuun te ngö rari u pinolasa, e Sunahan e hopö kap sil raien tego hamatsingolo meraien u katuun u tagala.

1 Korin 1:28

E Sunahan e hopö kapir u katuun te sigala raier na te omi raier na te ngörari u katuun papala. Taraha, nonei e ngilin haka puta raiena a manka te haka seier u katunura i puta.

1 Korin 2:8

U tsunono panira i puta ima atei sile ii a manka teka. Sanena nori ti atei sileien, ba nori tema antunan nila nari a Tsunono Pan i tarara tara kuruse.

1 Korin 3:18

Alimiou goma gamoemi a peisamiou. Te peiena a töa i tamilimiou nonei e atei koruna tara markatona i puta, nonei e tatei kato here nanei a peisanen a katuun a tutu, ba nonei te töan luena a niatei hamana.

1 Korin 6:2

Alimiou e atei sil hasemiou u katuun tere Sunahan ena ona rer romana u katunura i puta? Aa. Na temar kato uaien teka, ba limiou te antunan hakapa korue miou a matsi raharaha teka.

1 Korin 11:32

Kaba te hamatskö rena ra a Tsunono, nonei e hahuna sil raneira ara gima tatei hahuna gono merai u katunura i puta.

Jemis 4:4

Alimiou e hapolasa ba namiou e Sunahan bate heremi a tahol a hitöl te kato homina. A katuun te ngilena a markatona i puta e kato homi hasena e Sunahan. Na lia e hatei ragi limiou, u ngilngil na markatona i puta e paköena e Sunahan.