Yuda 1:24 - Lufingano Lupya

²⁴ Kulumwene yeahwana ukuvalolela mulongamugwe, na ukuvaleta nyenye mwivagaya wananzi mbaka pa indolo sakwe pamwi nu luhekelelo,

Yuda 1:24 Referans Kwoze

2 Timoti 4:18

Umutwa amoka mwambesili isa uwanangifu, andolela wunofu mbaka kuwutwa wakwe kuchanya. Kulumwene sivesage indolo mbepali na mbepali! Ena.

Avaefeso 3:20

Kulumwene ye kwa uludali lwakwe ulwipigaga ifipigo mugati umwetu ahwana ukupiga ingomi ukulutila mbesili setuhwanite ukumusuka nambi ukwihosa,

Avakolosayi 1:22

Neke lino kwa ifwa ya umwanakwe yeikalige mung'i Nguluvi akavatang'ise nave, sambi avalete kulumwene mwiva mwivelu, awofuge, vesivananga kinu.

Avaefeso 5:27

sambi ikwavile likanisa ilyelu na ilyesiwe hilo, ilikanisa iligaya mambilila ga uwaafu nambi wulema nambi ikingi ikindawe siso.

2 Avakolindo 4:14

Tukulukagula ulwa yula yeamusilibwe Umutwa Yesu alatusilibula na yihwehwe nahwe pamwi na Yesu na kutuvika palumwene pamwi na yinyenye.

Uwugubulilwe wa Yohane 14:5

Na sivigeli nangi ukuva vadesi; vagaya wananzi uwewuvesaga.

Avalumi 8:31

Uluhuma kwa ifi mbefili, tutigile ndawuli kangi? Wone Nguluvi ali lubali lwetu, nani yeahwana ukutubesa?.

Matayo 16:27

Pakuva Umwana va Umunu akusa pamwi na vanyivaha vakwe mundolo sa udade. Na ipo pesaamuhomba yeyeavesaga ukuling'ana na ifipigo fyakwe.

1 Petulo 4:13

Neke ulwene muhekelelage ukuta mwihanga ineseko sa Kilisito sambi muve na uluhekelelo lukomi ulusika pe indolo sakwe pesigubulwa.

2 Avakolindo 11:2

Nene nguvawonela imbafya neke imbafya iso sa Nguluvi; pakuva nyenye mwihwana umuhinza umutuunafu umugolofu yendamulumbye umugosi yumwi hela nave ye Kilisito.

2 Avakolindo 4:17

Ukuguda kwetwiguda kudodo na kwa lusika ludodo hela; neke kukutupela indolo isilutye na amahosa mbegali, indolo ingaya wudugo.

Matayo 5:12

Muvesage na luhekelelo na ukukimilila pakuva ililila lyenyu saliva likomi kuchanya, siso se vapigilwe avavisi nyenye pesimwe mwikwali.”

Avalumi 14:4

Mbi veve winani, yewihiga umukami va umunu uyungi? Wone ave imile apangi agwe ulo lwa umuvina vakwe; ahwana ukumwimya.

Yuda 1:21

Nyenye, musigalage muwende wa Nguluvi; musindilage ulusungu lwa Umutwa Yesu Kilisito mbaka mupelwe uwumi wa mbepali.

Avakolosayi 3:4

Uwumi wenyu wa nachene ye Kilisito, neke nape aasile, pepene pe nayi nyenye samusa pamwi na umwene neke muhange mundolo!

Avakolosayi 1:28

Na ukwimila lulo tukumudalika ku vanu mbevali; tukuvakenyela na ukuvigisa mbevali muluhala mbeluli, sambi tumulete yeyeavesaga kwa Nguluvi iva akange mukuhanga na Kilisito.

Luka 9:26

Pakuva yeyeambonelaga inyoni nene na ing'ani sangu, uyo navee Umwana va Umunu saamuwonela inyoni umunu uyo peakusa mundolo sakwe na sa udade na sa avanyivaha avelu.

Matayo 25:31

“Ulusika lwe saasila Umwana va Umunu mundolo sakwe, iva pamwi na avanyivaha mbevali avelu, pepene pesaateng'emala mukigoda cha indolo sakwe.

Matayo 19:28

Neke Yesu avatigile, “Nachene nguvalongela, nyenye yemuninilite nene, mung'i umu samukong'omala mufigoda pamwinga na Umwana va Umunu pesa ava akong'ome mukigoda cha indolo, samuhanga ukusihiga ing'olo isinyichumi na sivili sa Avaisilaeli.

Yakobo 2:10

Yeakwananga ululagilo ulumwi mundagilo, uyo ava mwananzi ananzile indagilo mbesili.

2 Petulo 1:10

Sweno, vanyalukolo vangu, musugunalage hilo ukuluwuyapa ulo ulukemelo lwenyu lwemwakemelilwe na Nguluvi luvelage lukani lwembepali luli muwunani wenyu; wone mugendele lulo sisamugwa nangi.