Yohane 3:2 - Lufingano Lupya

² Uyo amusye Yesu pakilo nu kumutigila, “Labi tukulukagula ulwa wi mwigisi uhumile kwa Nguluvi. Pakuva sikwali umunu yeahwanite ukupiga ifilagilo ifyo fyewipiga veve pesi Nguluvi alipamwi na Umwene.”

Yohane 3:2 Referans Kwoze

Yohane 5:36

Neke uwolelesi wendinawo nene wilutila wula wa Yohane. Pakuva ndipiga ifipigo, fye akamelye Dada ndifipige, ifipigo fyefikunzolelela ulwa Dada anumite.

Ifipigo 10:38

Mumusele Yesu uva ku Nasaleti na lwe Nguluvi amuhagwe kwa ukumwisikisa Umuhe Umwelu na uludali. Nguluvi ali pamwinga nave; umwene abitige uko na uko ipiga inofu na ukuponia mbevali avevibatike na yula umwanangifu.

Ifipigo 2:22

“Mwevanyang'i va mu Isilaeli, mupulikise ing'ani isi! Yesu uyu va ku Nasaleti e munu munyaludali lwa Nguluvi. Ulu lwawonike wimila mu miitu na uwuhulo we Nguluvi apigite ukukola kulumwene. Nanye mbemuli musisele isi pakuva iso sapigiche pagatinagati apenyu.

Yohane 9:16

Avamwi va Avafalisayo vatige, “Umunu uyo sahumiti kwa Nguluvi, pakuva siakwinatila ululagilo lwa isabato.” Avangi vitigile, “Luhwana ndawuli umunu umunyanzanangifu ukupiga ifilagilo ndawe ifi?” Swe visutana vavene ng'ani.

Yohane 12:37

Nambi Yesu alapigite ifilagilo ifi mbefili pa avene, avene sivamufuuvitwi.

Yohane 1:38

Yesu apitwike, nu kuvawona pevakumuninila neke avatigile, “Mwisaka kiki?” Swe avanyigendo vakumulongela, “Labi wakwikala kwi?” (Labi-kwe kutigila “Mwigisi”)

Matayo 22:16

Ndawe vavatumige avanyigendo vawo pamwi na Avahelode vakamuwuse, “Mwigisi tukulukagula ulwa veve ye veve wemulonga hilo yewakwigisa mumwene ing'ani isa Nguluvi, kangi siwakogopa munu nambi uwuvina wakwe.

Yohane 7:31

na avanu wolofu mumukong'ano vamufuuvitwe vitigila, “Pesaasile Kilisito saapiga filagilo fyolofu ukulutila fye apigite uyu?”

Yohane 20:16

Swe Yesu akumukemela, “Maliya!” nave Maliya apitwike, swe akumulongela kwa Kiebulaniya, “Laboni.” Kwekutigila, “Mwigisi.”

Yohane 15:24

Ngembe singapigiti pavene ifipigo fyesiealapiga umunu uyungi, sivake vava na inzanangifu. Neke lino vakaluwene swe vakutuvipila nene na Dada vangu.

Yohane 3:26

Neke avanyigendo iwo vabite kwa Yohane nu kumulongela, “Labi, umwene yeakelumwi na veve kumwambu ya ku kumukoga gwa ku Yolodani, umwene yukamolelelye lavage lino nave ibatisa na avanu mbevali vakumufwata!”

Maliko 12:14

Neke vamubitile vamutigile, “Mwigisi, tukulukagula ukutigila veve wi munu wimulongela mumwene, na siwakwogopa uwuvina wa munu. Pakuva siwawilava uwusu wa umunu wakwigisa mumwene ulukani lwa Nguluvi. Lino witigila ndawuli lunoje tuhombe imbemenenge kwa Kaisali apangi nda?” Tutawulage, tulatawula?

Avafilipi 1:14

Na kono ukusopwa mundinde kukambwise avanyalukolo wolofu vave na ulufuuwo kulu Mutwa, na vakave vapifu ukuludalika ulukani lwa Nguluvi vagaya muhwehwe.

Matayo 23:7

Vaviwenda ukuhungilwa unofu mumakasi na ukukemelwa, ‘Mwigisi.’

Matayo 23:8

Neke nyenye mulakemelwa ‘Mwigisi’, pakuva mwina mwigisi yumwi swe, neke nyenye mbemuli mwilukolo hela.

Yohane 2:11

Iki che kilagilo cha umuvango cheapigite Yesu ku Kana ya ku Galilaya, pala elelwe uwunyandolo wakwe na avanyigendo vakwe vamufuuvitwe.

Yohane 4:31

Ulusika ulo avanyigendo vamusukite vitigila, “Labi, lye.”

Yohane 6:2

Na Ililugu ilikomi lyamufwatite, pakuva vevafiwene ifilagilo fye avapije avatamwa.

Yohane 10:38

Neke ulwene namuve simukufuuwa apo mufuuwe fifipigo ifyo fyendipiga sambi mulukagule ulwa Dada alimugati mwa nene nani ndilimugati mwa Dada.”

Yohane 14:10

Siwifuuwa ulwa ndilimugati mwa dada na Dada alimugati mwa nene? Ing'ani iso senguvalongela nene singwilongela hela nda, Dada yeakwikala mugati mwa nene aipiga ifipigo fyakwe.