Yohane 3:11 - Lufingano Lupya

¹¹ Nachene ngukulongela ukuta lula lwetulusele twatwilonga na lula lwetuluwene twatukolelela na uwolelesi wetu simwakuwidikila.

Yohane 3:11 Referans Kwoze

Yohane 8:38

Nene ndilonga sendasiwene kwa Dada, neke nyenye mwipiga sila semwapulike ku Dadenyu.”

Yohane 14:24

Umunu yesiakunzenda uyo siakwinatila ing'ani sangu. Na ulukani lwemwipulika silwangu nda ulo lwa Dada yeandetite.

Yohane 12:49

Ulu lwa nachene, pakuva sindilonga kwa kwiyendela hela nda, ye Dada yeanumile andaje isa ukulonga na wengitage pakulonga.

Yohane 8:14

Yesu apitwe na kuvalongela, “Nene naluve wengwiyolelela ndiyena uwolelesi wangu we wanachene pakuva ngukukagula kwendahumile na kwendibita. Neke nyenye simukukukagula kwendahumile nambi kwendibita.

Yohane 7:16

Ipo Yesu avapitwe itigila, “Inzigiso isi sisangu nene sa umwene yeandetite.

Yohane 1:18

Asukuli umunu yealamuwene Nguluvi ulusika mbeluli. Umwana yeiyena yeategine na Nguluvi, yealipamwi na Dada, uyo yeamuwuyipe Nguluvi akagulanike.

2 Avakolindo 4:4

Lino iwo sivifuuwa pakuva yula nguluvi va mung'i avapufise uluhala lwawo sambi valemwe ukuluwona ulung'ali lwa Ulukani Ulunofu lwa indolo sa Kilisito, yula ye lwihwano lwa Nguluvi.

Yohane 1:11

Aasile ukwawo, neke avanu vakwe sivamwanuchi.

Luka 10:22

Neke atigile, “Nene melitwe mbefili na Dada vangu. Asukuli yeamusele Umwana pesi Dada nambi yeamusele Dada pesi Umwana na yeyeavesaga munu ye umwana awendite ukumulagila.”

Uwugubulilwe wa Yohane 1:5

na ukuhuma kwa Yesu Kilisito, umolelesi umuhuvilwa, uva ukutala ukusilibulwa uluhuma kuvafwe, na umwene ye mutema va avatwa va mung'i. Umwene atwenda, na kwa idanda yakwe atudindulye uluhuma mundinde isa inzanangifu setu,

Ifipigo 22:18

Ndamuwene Umutwa akundongela: ‘Wangufye! Uhege mu Yelusalemu lilino pakuva avanu va ipa sividikila uwolelesi wako kwa nene.’

Yohane 5:43

Nene nzusile mwitawa lya Dada vangu na nyenye simukunzanukila, manyi ase uyungi mwitawa lyakwe uyo mumumwanukila.

Yohane 3:13

Kangi sikwali umunu yealahele kuchanya pesi Umwana va Umunu, yeasile uluhuma kuchanya.

Yohane 3:5

Yesu pamupitule, “Nachene ngukulongela umunu pesiegilwi kwa lulenga nu Muhe sahwana ukwingila kuwutwa wa Nguluvi.

Yohane 3:3

Neke Yesu amupitule atigile, “Nachene nene ngukulongela: umunu pesiegilwi ulwa kavili sisauhanga ukuwuwona uwutwa wa Nguluvi.”

Matayo 23:37

“Ve Yelusalemu, Yelusalemu! wawiwulaga avavisi na ukuvakinya na maganga vala avatume kwa veve. Mbi kalinga nene ndavakong'ise nyevanangu pamwi ndawe ing'uku lweyayikong'asa ifiswiya mumapiko, neke pe mubihile.

Matayo 11:27

“Dada vangu amelye mbefili. Asukuli ye amusele umwana pesi Dada, kangi asukuli yeamusele Dada pesi umwana na yula umuhagule na umwana ye awenda ukumulagila.

Uwugubulilwe wa Yohane 3:14

“Kwa munyivaha va ku likanisa lya ku Lawodikeya wandikage de: Ulu lwe lukani ukuhuma kulumwene yeitambulwagwa, ‘Ena.’ Umwene ye molelesi umuhuvilwa na uva nachene, yemwene yekilamuko cha ifigawa mbefili fyeagafile Nguluvi.

Yohane 3:12

Neke ulwene pendivalonje isa mung'i simwifuuwa nda, mbi neke pendivalonje isa kuchanya mufuuwa?

Yohane 8:26

Ndinaso nzolofu isa ukuvalongela nu kuvahiga. Neke umwene yeanumite vanachene; nane sendapulike hela kulumwene siso senguyilongela ing'i.”