Yohane 2:16 - Lufingano Lupya

¹⁶ Neke pavalongele vala avanyakugusa ingunda, “Muhese isi. Mulapitula ikaye ya Dada vangu yive ya wusulusi!”

Yohane 2:16 Referans Kwoze

Matayo 21:13

Yesu avatige, “Ulu lwandike: ‘Ikaye yangu sayikemelwa kaye ya kwifunyila.’ Neke nyenye mupitwe yive wifiho wa avahiisi.”

Maliko 11:17

Neke avange ukuvigisa avanu ukutigila, “Mbi silwandike mu Waandike Uwelu ulwa, ‘Itembeli yangu yiva kaye ya kwifunyo lwa avanu mbevali va ing'i mbesili!’ Neke lino nyenye mudulike yive lifinga lya vahiisi!”

Luka 2:49

Neke avapitule, “Mbi ndawuli nyenye musakige nene? Simulukaguligi ukutigila lumbaje ukuva mukaye ya Dada vangu?”

2 Petulo 2:3

Ukukola uwudobokesi wawo uwubi vakwavila uwunono ukwimila ukuvalongela isimo isa uwudesi, uluhuma pidaha uluhigilo lwawo pololi na lwisindila!

Yohane 5:17

Swe Yesu akuvalongela, “Dada vangu na yilino ipiga ifipigo nani ndipiga ifipigo.”

1 Timoti 6:5

na ulubesa lwesilwidugagi ukuhuma ku vanu ve uluhala lwawo lufuvangike na vala ve vagayite inachene. Avihosa ukuta ulufuuwo ye ng'asi ya ukwikwavila uwunono.

Yohane 20:17

Yesu amulonje, “Ulandibata, pakuva sindilapiluka kwa Dada. Ino bitage ku vanyalukolo vangu ukavalongele ulwa ndipiluka kwa Dada vangu nave Dadenyu kwa Nguluvi vangu nave Nguluvi venyu.”

Yohane 10:29

Dada vangu yeamelye iso muvina ukulutila mbevali na sikwali munu yeahwanite ukusaanuka mwiwoko lya Dada.

Yohane 8:49

Neke Yesu avapitulage, “Nene ndimugaya lisoka; nene ndina choga kwa Dada vangu, neke nyenye mwivagaya choga kwa nene.

Matayo 21:12

Neke Yesu ingile mu Tembeli, neke avadage vala mbevali avagusige na ukugula mu Tembeli ndawe adulikige imesa isa avakowoka amagobole na ifigoda fya avasulusi va ingunda.

Matayo 22:5

Neke valemwe ukusa, swe vakwibitilaga, yungi ku mugunda gwakwe, uyungi mufipigo fyakwe,

Yohane 2:15

Ndawe Yesu asaavige umulegesi umunyamifwa nu kuvadaga mbevali pamwi ni ng'olo ni senga, uluhuma mu Tembeli nu kwita amagobole ga avanyakufunza nu kudulika imesa sawo.