Yohane 2:11 - Lufingano Lupya

¹¹ Iki che kilagilo cha umuvango cheapigite Yesu ku Kana ya ku Galilaya, pala elelwe uwunyandolo wakwe na avanyigendo vakwe vamufuuvitwe.

Yohane 2:11 Referans Kwoze

Yohane 1:14

Nave Lukani ave munu swe akwikala kwa hwehwe amemile uwuwuya na uwanachene, nahwe swe tukuwuwona uwunyandolo wakwe, uwunyandolo ndawe wa Umwana yeiyena yeihuma kwa Dada.

Yohane 3:2

Uyo amusye Yesu pakilo nu kumutigila, “Labi tukulukagula ulwa wi mwigisi uhumile kwa Nguluvi. Pakuva sikwali umunu yeahwanite ukupiga ifilagilo ifyo fyewipiga veve pesi Nguluvi alipamwi na Umwene.”

Yohane 6:2

Na Ililugu ilikomi lyamufwatite, pakuva vevafiwene ifilagilo fye avapije avatamwa.

Yohane 6:30

Ndawe vamulongelige, “Kilagilo kiki che upiga sambi tukiwone tukufuuwe? Ugita ndawuli?

Yohane 6:26

Yesu avapitwe itigila, “Nachene nguvalongela nyenye: nyenye mukusaka nene si kwa ifilagilo nda mukusaka pakuva mukalye imikate neke mwigute.

Yohane 6:14

Avanu vavevakukiwona ikilagilo che apigite vatige, “Nachene uyu ye Muvisi yeakusa mung'i.”

2 Avakolindo 4:17

Ukuguda kwetwiguda kudodo na kwa lusika ludodo hela; neke kukutupela indolo isilutye na amahosa mbegali, indolo ingaya wudugo.

Yohane 14:13

Nyenye pemusukite ulweluva mwitawa lyangu, ulo miga sambi Dada ave na indolo mugati mwa Umwana.

Yohane 12:41

Ing'ani iso alonzile Yesaya pakuva awuwene uwunyandolo wa Yesu swe ilonga ing'ani sakwe.

Yohane 12:37

Nambi Yesu alapigite ifilagilo ifi mbefili pa avene, avene sivamufuuvitwi.

Yohane 2:23

Nape Yesu ali ku Yelusalemu ku luhekelelo lwa i Pasaka, avanu wolofu vamufuuvitwe umwene pevafiwene ifilagilo fyeapigite.

Yohane 1:50

Neke Yesu apitule amutigile, “Pakuva ngulonje ulwa ngenguwene pasi pa musombe wifuuwa? Usiwona ing'ani ingomi isilutye mwa isi”

1 Yohane 5:13

Nguvandikila sambi mulukagule ukuta mwinawo uwumi uwutasila nyenye yemufuuwa mwitawa lya Umwana va Nguluvi.

Yohane 4:46

Swe ifika kangi ku Kana ya ku Galilaya, kula kweeapitwe ululenga luve difayi. Na pala pepina umunu uyumwi umunzagila yeeina umwanakwe umutamwa uko ku Kapelenaumu.

Yohane 5:23

Sambi avanu mbevali vamulumbe Umwana ndawe lwe vakumulumba Dade. Yesiakumulumba Umwana sakumulumba Udade yeandetite.

2 Avakolindo 4:6

Nguluvi yagafile itigila, “Ulung'ali lung'alikage uluhuma mulwisa,” yeyula yeing'alika inumbula setu, nu kutupela ulung'ali lwa ukusikagula ing'ani isa indolo sa Nguluvi sesikutung'alikila uluhuma muwusu wa Kilisito.

2 Avakolindo 3:18

Swe, hwehwe mbetuli yesitwivadinde amiho, twilagilwa witigila twilavila mu kilole, indolo isa Umutwa; twipitulwa sambi twihwane hilo na uwihwani wakwe uwa indolo sakwe ingomi. Uko kwekupiga kwa Umuhe va Umutwa.

Yohane 11:15

Nani ndihekelela wimila nyenye ukuta singekuko sambi mufuuwe. Apo tukabitage kulumwene.”

Yohane 1:17

Pakuva ululagilo lwasile ukukola mwa Musa, uwuwuya na uwanachene fyasile ukukola mwa Yesu Kilisito.

Yohane 1:43

Ikimunyi icha kavili Yesu asakige ukuhega abite ku Galilaya, Ndawe amuwonige Filipo. Neke Yesu amutigile, “Ninile.”

Yohane 2:1

Ikimunyi cha wudatu kwekwina luwungo ku Kana ya ku Galilaya. Na uyuve va Yesu epwali,

Yohane 4:3

Aveipulika iso ahesile ku Yudaya nu kubita kangi mbaka ku Galilaya.

Yohane 4:54

Icho che kilagilo cha kavili cheapigite Yesu peahumite ku Yudaya kufika ku Galilaya.

Yohane 7:31

na avanu wolofu mumukong'ano vamufuuvitwe vitigila, “Pesaasile Kilisito saapiga filagilo fyolofu ukulutila fye apigite uyu?”

Yohane 9:16

Avamwi va Avafalisayo vatige, “Umunu uyo sahumiti kwa Nguluvi, pakuva siakwinatila ululagilo lwa isabato.” Avangi vitigile, “Luhwana ndawuli umunu umunyanzanangifu ukupiga ifilagilo ndawe ifi?” Swe visutana vavene ng'ani.

Yohane 10:41

Na avanu awolofu vamufwatite, “Nachene Yohane siapigiti nambi kilagilo nda. Neke mbesili sealonzile Yohane isa uyu salisanachene.”

Yohane 11:47

Ndawe Avafalisayo na avatambisi avavina vakong'anige vitigila, “Tugitage ndawuli? Pakuva umunu uyu ipiga ifilagilo fyolofu.

Yohane 12:18

Palulo amalugu ga vanu vahele kukumutang'anila pakuva ve vapulike ukuta Yesu yapigite ikilagilo icho.

Yohane 16:27

pakuva yumwene Dada avenda wimila nyenye ukunzenda nene, na ukufuuwa ulwa nene ndahumite kwa Nguluvi.

Yohane 16:30

Lino tulukagwe ulwa veve usisele mbesili na kugaya munu yeakuwusa lukani ino twifuuwa ulwa wahumite kwa Nguluvi.”