Yohane 17:3 - Lufingano Lupya

³ Na uwumi wa mbepali we uwu vakukagule veve Nguluvi ye wiyena na va nachene, na Yesu Kilisito yewamuletite.

Yohane 17:3 Referans Kwoze

1 Yohane 5:20

Tukulukagula kangi ukuta Umwana va Nguluvi akasile, ukutupela uwukagusi sambi tumukagule Nguluvi uva nachene; twikale mu uwulilumwi na Nguluvi uva nachene mukuhanga na Umwanakwe, Yesu Kilisito. Uyu ye Nguluvi uva nachene, na uwu we wumi uwutasila.

Yohane 17:25

Dada ve Mugolofu! Avamung'i sivevakuseli, neke nene ndengusele na iwo valukagwe ulwa ye veve yewandetite.

Yohane 3:17

Pakuva Nguluvi samutumiti Umwanakwe mung'i ayihige; atumitwe aipoke ing'i.

1 Yohane 4:6

Neke hwehwe twivanu va Nguluvi. Umunu yeamukagwe Nguluvi akutupulikisa, umunu yesiva Nguluvi siakutupulikisa. Ino, uwimila lulo tuhwanite ukuwukagula uwuliwungi uwipwali pagatinagati pa umuhe va nachene na umuhe va uwudesi.

Yohane 17:23

Nene mbe mugati mwawo, veve mugati mwa nene; Ndisuka vakwilanikile ukuvavalilumwi, ava mung'i pevalukagula ulwa ye veve yewandetite nave wavendite ndawe lwewanzendite nene.

Yohane 17:21

Nguvasukila mbevali vave vali lumwi. Dada! Ndawe veve Dada uli mugati mwa nene, nane mugati mwa veve. Iwo nawo vave mugati mwa hwehwe sambi avamung'i vafuuwe ulwa veve ye veve yewandetite.

Yohane 3:34

Pakuva umwene yeatumitwe na Nguluvi ailonga ing'ani sa Nguluvi pakuva Nguluvi akumupela umunu uyo Umuhe gwakwe wugaya kigelo?

2 Avakolindo 4:6

Nguluvi yagafile itigila, “Ulung'ali lung'alikage uluhuma mulwisa,” yeyula yeing'alika inumbula setu, nu kutupela ulung'ali lwa ukusikagula ing'ani isa indolo sa Nguluvi sesikutung'alikila uluhuma muwusu wa Kilisito.

2 Avatesaloniki 1:8

na ifyenge fya umoto, ukuvapumya vala avakumubihila Nguluvi na vala vesivakwinatila Ulukani Ulunofu lwa Umutwa vetu Yesu.

Yohane 17:8

Pakuva ing'ani sewamelye ndivapelye avene neke nawo vanukile we vakulukagula ulwa ndahumite kwa veve, nene vafuuvitwe ukutigila veve ye veve yewandetite.

Yohane 14:26

neke uyo Umutanzi, uyo Umuhe Umwelu, ye Dada amuleta mwitawa lyangu, avigisa mbesili na ukuviwusa mbesili sendendivalonje.

Yohane 8:19

Ndawe vamuwusige, “Umwene Udado alikwi?” Yesu avapitwe, “Nene simunzeli nambi nayi Dada simumuseli muke muve munzele nene muke muva mumusele nayi Dada vangu.”

1 Avakolindo 15:34

Mwiwukage! Muvange ukwikala wunofu, na mulava pemupiga inzanangifu. Avamwi mwanyenye sivamuseli Nguluvi na padodo hela. Ulu nguvalongela nachene, lukuvahongela inyoni pakomi.

1 Avatesaloniki 1:9

Avanu iwo vilonga ulwa ulugendo lwetu ukwenyu, lula lwe mukatwanuche, na lwe mukafilekite ifihwana nguluvi swe mukumupitukila Nguluvi u mumi na uva nachene,

Yohane 10:36

Yula ye Dada amofwige na ukumutuma mung'i, nyenye mukumutigila: ‘Mulonga fivi,’ ngali pakuva lulu lwe nige: ‘Nene ndimwana va Nguluvi?’

Yohane 7:29

Nene ndimusele pakuva nyumite kulumwene nave ye munyakunuma.”

Yohane 6:57

Ndawe Dada umumi lweanumite nene, nani ndimumi mwa Dada, lwindahihyo kwa yeakundya ava mumi mwa nene.

Yohane 5:44

Mufuuwa ndawuli nyenye yemukwiyanuka uwusumilwa yinyenye kwa yinyenye, na simwisaka uwusumilwa wula uwihuma kwa Nguluvi yeiyena?

Yohane 11:42

Nani ndendilusele ulwa veve wakumulika mbepali, ndilonga ulu wimila umukong'ano gwa vanu ugu gwe gusile, vafuuwe ulwa ye veve ye wandetite.”

Luka 9:48

neke avalongele, “Yeyeavesaga akumwanukila umwana uyu mwitawa lyangu nene, akunzanukila nene: na kangi yeyeavesaga akunzanukila nene ava akumwanukila yula yeanumite nene. Pakuva umudodo kwa mbemuli uyo ye muvina yealutye kwa mbemuli.”

Maliko 9:37

“Yeye amwanukilaga umwana yeindawe uyu mwitawa lyangu akunzanukila nene, na yeakunzanukila nene siakunzanukila nene hela, akumwanukila yula yeanumite nene.”

1 Avakolindo 8:4

Sweno ulwa ifilyo ifitawule nambika kwa ifihwananguluvi, hwehwe tukulukagula ukuta ifihwananguluvi si kinu nambi ludodo mung'i, mbetuli tukulukagula ulwa Nguluvi yumwi yeiyena hela.

Yohane 17:18

Ndawe lweweunumite nene mung'i na yinene ndahihyo nguvatuma nawo mung'i.

Avafilipi 3:8

Ino ndivalila chechekivesaga ukuta ukufwaha hela, penditeganisa ulwa uwunofu uwa ulamukagula Kilisito Yesu Umutwa vangu. Na mulumwene ngidiche ukufilekela ng'ani mbefili, ngufiwona ifyo nda mahwahwa sambi nzambule Kilisito.

Avafilipi 3:10

Lwendisaka hela ndimukagule Kilisito na ukuluwona uludali lwa ulusilibuko lwakwe, nu kuhanga muneseko sakwe na ukwihwana nave mufwa yakwe,

Avaebulaniya 3:1

Vanyalukolo vangu, nye vanu va Nguluvi yemuvakemele na Nguluvi kuchanya, mwihose ulwa Yesu ye Nguluvi amutumite ave Mutambisi Muvina va ulufuuwo lwetukulwindika.

2 Petulo 1:2

Ukuta uwuwuya na uwikalakunoga wongelekelage kwa nyenye mukumukagula Nguluvi na Yesu Umutwa vetu.

2 Petulo 1:3

Ukukola uludali lwakwe lwa ukuva Nguluvi, Nguluvi akatupelye mbesili setwiguluma, sambi twikale mumikalile iginya choga kwa Nguluvi mukumukagula umwene yeatukemelye tuhange indolo na uwunofu wakwe yumwene.

2 Petulo 1:8

Mwiva na ululumbo mbeluli ulo muwolofu, luvatanga ukuva vapisi avapifu na mwambula mukumukagula Umutwa vetu Yesu Kilisito.

1 Yohane 1:2

Na uwumi uwo pewawonekige hwehwe twawuwene na kulino tukuwolelela nu kuvalongela isa uwumi uwo wa mbepali na mbepali wewewikwali kwa Dada wewavikitwe pawelu kwa hwehwe.

1 Yohane 1:3

Icho chetwakiwene nu kukipulika icho chetukuvadalikila nanye kangi, sambi muhwane ukuhanga nahwehwe mu uwulilumwi wetwinawo na Dada nu mwanakwe Yesu Kilisito.

1 Yohane 2:23

Pakuva yeyeavesaga akumukana Umwana, akumukana nayi Dada nave.