Tito 1:2 - Lufingano Lupya

² lwe uluhuvi lwa ukupelwa uwumi wa mbepali we Nguluvi yesilongagi uwudesi, atuhuvise uwumi wuwo, pidaha hilo wesigilavanga imisika,

Tito 1:2 Referans Kwoze

1 Yohane 2:25

Nu luhuviso lweatuhuvise hwehwe lwe ulu: Uwumi uwutasila.

2 Timoti 1:9

Umwene atupokite, neke atukemele tuve vanu vakwe yumwene, si ukwimila uwugolofu wa ifipigo fyetu, pesi ukwimila lula lwealalamwe na uwuwuya wakwe. Atupelye uwuwuya wuwo ukwimila Kilisito Yesu pe umuvango gwesigulava gufika,

Yuda 1:21

Nyenye, musigalage muwende wa Nguluvi; musindilage ulusungu lwa Umutwa Yesu Kilisito mbaka mupelwe uwumi wa mbepali.

2 Timoti 1:1

Nene Pawulo, ye Nguluvi awendite mbe mwigendo va Kilisito Yesu sambi ndivalongele wula uwumi we twetwivahuvise mu kuhanga na Kilisito Yesu,

Tito 3:7

Sambi kwa uwuwuya wakwe twidikilwe ukuva vagolofu na ukwanukila uwumi wa mbepali wetwihuvye.

Tito 2:13

kono wetwisindila ikimunyi kila cha uwunofu chetukwihuvila, ulusika pe indolo sa Nguluvi umuvina na umupoki vetu Yesu Kilisito pesasiwoneka.

2 Timoti 2:15

Tiganage ukupelwa uwidikile na Nguluvi umunyakupiga yesakukiwonela inyoni ikipigo chakwe, na yeakwigisa wunofu lula ulukani lwa nachene.

2 Timoti 2:13

Wone tugaye uwuhuvilwa, umwene aisigalaga mbepali muhuvilwa, pakuva umwene sahwaniti ibihile nangi.

1 Yohane 5:20

Tukulukagula kangi ukuta Umwana va Nguluvi akasile, ukutupela uwukagusi sambi tumukagule Nguluvi uva nachene; twikale mu uwulilumwi na Nguluvi uva nachene mukuhanga na Umwanakwe, Yesu Kilisito. Uyu ye Nguluvi uva nachene, na uwu we wumi uwutasila.

Tito 2:7

Mwa mbesili veve uvelage wi munu yevakukwiga mumigendele iminofu, uvelage wi musikimafu na munyakitulo peukwigisa.

1 Avatesaloniki 5:8

Pakuva hwehwe twivanu va ikimunyi luvaje tuvelage vatuunafu, lutuvaje ukwifwika ingwembe ya ulufuuwo na uwende na uluhuvi lwa uwupoki wita nda kofiya ya ichuma.

Avalumi 6:23

Pakuva amahombo ga inzanangifu ye fwa, neke ikipelwa cheitawula Nguluvi we wumi wa mbepali mukuva kinu kimwi na Kilisito Yesu Umutwa vetu.

Matayo 25:46

Na iwo savabita kuluhigilo lwa mbepali neke avagolofu ku wumi wa mbepali.”

Matayo 25:34

Neke umutwa saatigila kwa vala avali kwiwoko ilya kundyo: ‘Muse nyevafunyilile na Dada; mwanukile Uwutwa uwewuvike uluhuma ukuvikwa ulutu ulwa ing'i.

Uwugubulilwe wa Yohane 17:8

Iyo ing'oko yuyiwene yenzumi pamwandi, neke lino yifwe. Nambi ndahihyo, yilipipi hilo ukwilila ukuhuma mwikombo kuvafwe, na ukubita kuluhigilo avanu mbevali ve amatawa gawo sike galandikwa mukitabu cha uwumi uluhuma umuvango gwa ing'i, savasasavala ukuyiwona iyo ing'oko ye pala pamwandi, yekoyili, yisukuli na sa yusa kangi.

Uwugubulilwe wa Yohane 13:8

Mbevali avakwikalaga mung'i savamusunyalila pesi vavala hela ve amatawa gawo gandikwe uluhuma pamuvango gwa ukugawa ing'i mukitabu cha uwumi cha umwanang'olo umudumule.

2 Timoti 2:10

Na ukukola lulo, nene ndikangalila mbefili ukwimila avahagule va Nguluvi, sambi nawo vapelwe uwukombolwa uwiletwagwa mung'asi ya Yesu Kilisito, na wuwo wiletaga indolo isa mbepali na mbepali.

1 Timoti 6:19

Ukwimila lulo, vivikila ikisande cha uwunono chekiva lutu ulukwilaniche ulusika ulukusa. Ipo pesavanukila uwumi wula uwutasila uwa nachene.

Avalumi 5:21

Ndawe lwe inzanangifu yitemaga mukukola ifwa, lwindahihyo uwuwuya witemaga mu wugolofu na ukuleta uwumi wa mbepali ukukola kwa Yesu Kilisito Umutwa vetu.

Ifipigo 15:18

Ulu lweilonga Umutwa, umwene yeagisile ulukani ulu lukagulike uluhuma pidaha.’

Yohane 17:2

Ndawe lwewamupelye umwana uludali kuvanu mbevali, sambi avanu mbevali vewamupelye apele uwumi wa mbepali.

Yohane 10:28

Ndangusipela uwumi wa mbepali, na sisasiyaga nda. Na sikwali umunu yeahwanite asaanuke mwiwoko lyangu.

Yohane 6:68

Ndawe Simoni Petulo amupitulige, “Mutwa tubite kwa nani? Veve ye wina ing'ani isiletaga uwumi wa mbepali.

Yohane 6:54

Yula yealya umuvili gwangu na ukunywa idanda yangu inawo uwumi wa mbepali, nani sandimusilibula paikimunyi icha uwusililo.

Yohane 5:39

Muhele mwihungilila Uwandike pakuva, mwitigila wanda mwina wumi wa mbepali mugati mwayo; kumbi Uwandike uwukunzolelela nene!

1 Timoti 6:12

Dadambale wunofu muligalu ilya ulufuuwo, wibatilile uwumi wa mbepali wewakemelitwe, ulusika lwewalwidikilige ulufuuwo pa wolelesi wa awolofu.

1 Avatesaloniki 2:15

vala ve vamuwulige Umutwa Yesu na avavisi, swe vakututesa na yihwehwe kangi. Avanu iwo vakumuvifya Nguluvi, kangi vatavangu va yeyeavesaga munu!

Avalumi 16:25

Sweno, lino tumulumbage Nguluvi! Ye mwene yeahwanite avakangase mu lukani ulunofu lwe ndadalike ulukani lwa Yesu Kilisito, na mwa kila ikinyele ikigubwilwe na ichekifihitwe uluhuma pidaha.

Avalumi 5:4

na uwusindile nawo yayileta ulwikangaliso na ulwikangaliso nalo lwalwileta uluhuvi.

Avalumi 5:2

Ukukola ulufuuwo lwetu, umwene atuletite ipa pa uwuwuya wa Nguluvi pala lino petwipwali. Sweno, tukwivahila uluhuvi lwetwinalo ulwa ukuhanga indolo sa Nguluvi!

Avalumi 2:7

Vala avakwinatila ukupiga inofu, visaka indolo na ichoga cha Nguluvi na uwutafwa, vapelwa uwumi uwutasila.

Avalumi 1:2

Ulukani Ulunofu ulo eavahuvise avanu ukukola avavisi vakwe mu Wandike Uwelu.

Yohane 17:24

“Dada! Iwo vewamelye ndisaka vave valilumwi na nene kukwembesaga, sambi vilavile uwunyandolo wangu wewamelye, pakuva wanzendite wesilulavikwa ulutu lwa ing'i.

Avakolosayi 1:27

Lwealavisile Nguluvi lwelwa ukuvalagila pawelu avanu vakwe, ikinyele iki ikikomi na kinyandolo che kikwimila avanu mbevali. Na ikinyele ichene che iki. Kilisito mugati mwenyu, ye luhuvi lwa indolo.

Maliko 10:30

yesisaanukila kanyigana ulwalino, ikaye na avanyalukolo vakwe na vahase na vayuve na vana na gimigunda pamwi nasi neseko, neke pambele uwumi wa mbepali na mbepali.

Maliko 10:17

Na Yesu peavangige ulugendo umunu uyumwi aasile kikimbila neke amufugamile amuwuse, “Ve mwigisi vemunofu, ngite ndawuli sambi nzingile kuwumi wa mbepali?”