Luka 1:1 - Lufingano Lupya

¹ Ve mutambule Teofilo: pakuva avanu wolofu vakandike kwa wupifu ing'ani sila sesapigike mwahwehwe.

Luka 1:1 Referans Kwoze

1 Timoti 3:16

Pagaya kusina ukwimila uwukomi wa ikinyele cha ulufuuwo lwetu. Awonike mu lwihwano lwa umunu, olelilwe na Umuhe ukuta mugolofu, awonike kwa vanyivaha, adalikwe ku vamyanza, vamufuuvitwe mung'i mbeyili inwilwe kuchanya mu ndolo.

Yohane 20:31

Neke ifi fyandikwe sambi mufuuwe ulwa Yesu ye Kilisito Umwana va Nguluvi na kwa ukumufuuwa muve na wumi mwitawa lyakwe.

2 Timoti 4:17

Neke Umutwa eimile pamwi na nene neke peamele uludali, sambi kwa ifipigo fyangu ulukani ludalikwe kwa wukwilanifu, sambi avanu mbevali valupulike, kangi ndapokitwe wita mumulomo gwa inyalupala.

Maliko 16:20

Nawo vala avanyigendo vahesile, nawo vahele vakidalika mbekuli. Na Nguluvi apigige ifipigo pamwinga nawo, na ukusikangasa Ulukani ikola ifilagilo fyevagendasige nalo.]

Avalumi 4:21

Alalukagwe ulwa Nguluvi ahwana ukukwisa mbesili sealihuvise.

Avalumi 14:5

Umunu uyumwi aitigila ikimunyi ikimwi kilutye kufiyafyo, na uyumwi itigila ifimunyi mbefili filing'ene. Yeyeavesaga munu ibatililage amahosa gakwe geinago.

Avakolosayi 2:2

Ndipiga ulu sambi inumbula sawo sisikimikwe na ukong'aswa pamwinga muwende, pepene pe vamema uwukwilanifu mbewuli uwiletwagwa na uwukagusi wa nachene. Ipo pevakikagula ikinyele cha Nguluvi na ikinyele ichene ye Kilisito.

Avakolosayi 4:12

Epafala umunu uva ukwenyu umukami va kilisito akuvahungila. Mbepali aakuvasukila kwa wupifu peakwifunya sambi mugine ukukangala, mwime munoge na ukukwilanikila hilo mwa mbesili seiwenda Nguluvi.

1 Avatesaloniki 1:5

pakuva ulusika lwe twavadaliche lula Ulukani Ulunofu silwe lwa malanga hela, pesi muludali na kwa Umuhe Umwelu, kono we tukulukagula hilo, ukuta ulukani ulo lwe lwa nachene. Mukulukagula ukuta petwikalasige na nyenye, twikalige ukwimila ukwambula kwenyu.

Avaebulaniya 6:11

Lwetwidoboka hwehwe lwe ulu ukuta yeyeavesaga munu mwa nyenye avelage mupifu ndahihyo mbaka ku mudugo, sambi semukwihuvila sikwile.

Avaebulaniya 10:22

Nambi lino tumuhegelelage Nguluvi kwa mitima imigolofu nu lufuuwo ulukwilaniche, mu numbula inzofuge uluhuma mu mahosa amabi, na mu mivili jesimyofuge nu lulenga ululengu.