Avalumi 1:16 - Lufingano Lupya

¹⁶ Singuluwonela inyoni Ulukani Ulunofu, ulwene lwe ludali lwa Nguluvi lwelwakuvapoka mbevali vevifuuwa ukutala Avayudaya neke vase avamyanza.

Avalumi 1:16 Referans Kwoze

Maliko 8:38

Pakuva yeyeavesaga yakumbonela inyoni nene na ing'ani sangu mu mbegalo iyi inzanangifu na iya uwugoni, kwa uyo Umwana uva Umunu saamuwonela inyoni pesaakusa mundolo isa udade pamwi na vanyivaha avelu.”

2 Timoti 1:8

Sweno, ulamuwonela inyoni ukumolelela Umutwa vetu, na ulawona nyoni pakuva nene ndili mundinde ukwimila umwene. Ulwene hangage muneseko ukwimila Ulukani Ulunofu, wigelela uludali lulula lwewipelwa na Nguluvi.

1 Petulo 4:16

Neke wone umunu ateseke pakuva mukilisito, sweno, aliwona nyoni, pesi amupelage indolo Nguluvi, pakuva umunu uyo itambulwa mwitawa lya Kilisito.

2 Timoti 1:12

nane nditeseka mwa isi mbesili ukwimila lulo. Neke ulwene pe ndina luhala lunofu hela pakuva ndimukagwe yula yendamufuuvitwe, kangi ngwihuvila hilo ukuta umwene ahwana ukukilolela wunofu kila cheamelye, mbaka pa kimunyi kicho.

Luka 9:26

Pakuva yeyeambonelaga inyoni nene na ing'ani sangu, uyo navee Umwana va Umunu saamuwonela inyoni umunu uyo peakusa mundolo sakwe na sa udade na sa avanyivaha avelu.

2 Avakolindo 4:4

Lino iwo sivifuuwa pakuva yula nguluvi va mung'i avapufise uluhala lwawo sambi valemwe ukuluwona ulung'ali lwa Ulukani Ulunofu lwa indolo sa Kilisito, yula ye lwihwano lwa Nguluvi.

1 Avakolindo 2:4

Uwudalisi wangu na inzolelesi sangu sindalongigi kwa ukuvakwega avanu kwa uluhala, pesi kwa uwolelesi wa uludali lwa Umuhe.

1 Avakolindo 2:2

Nene pende ukwenyu ndalamwe ukuva ndimupuva ndemwage ukukikagula ikinu chechekivesaga kila pesi ukumukagula Yesu Kilisito, ena, Kilisito yevamutumbike.

Avalumi 10:17

Sweno, ulufuuwo lwakusa kwa kupulika ulukani, na ulukani ulo lwihuma mu lukani lwa Kilisito.”

Avaebulaniya 4:12

Pakuva lukani lwa Nguluvi lunyawumi na kangi lwina ludali; lwina uwugi ukulutila limage ilinyawugi mbekuli. Lyalidumula mbaka apono pe inumbula na Umuhe fitang'ana, mbaka pala pefitang'ana ifigawamuvili na umwindi. Ulukani ulo lwalwihiga uwukalalile na amahosa ga munumbula sa avanu.

1 Avakolindo 15:2

Na kwa ukola Ulukani Ulunofu umo mwe mwipokwa, wone mwinatye ing'ani sendavadaliche, na wone ukufuuwa kwenyu si kwe kwa malanga.

Avagalatiya 1:7

Neke ulwene lusukuli, “Ulukani Ulunofu ulungi.” Inachene ye iyi ukuta kovali avangi avakuvatindasa nyenye, na avanu vevisaka ukuvayasa mu Ulukani Ulunofu lwa Kilisito.

Avalumi 2:9

Sakuva na uluteseko na uwuvafi wesa wuvafika avanu mbevali avipiga uwanangifu. Sawuvafika tandi Avayudaya neke pevase avanu avamyanza.

Ifipigo 3:26

Sweno, Nguluvi amusilibwe umukami vakwe kwa ukwambula kwenyu tandi, amutumite alete uwufunyilile kwa yeyeavesaga ipela na ukuwuleka uwanangifu wakwe.”

1 Avatesaloniki 2:13

Kangi twina lukani lungi ulwa ukumulumba nguluvi: petwavaletelige ulukani lwa Nguluvi, nanye mwalupulike, swe mukulwanukila, si wita lukani lwa munu, pesi wita lukani lwa Nguluvi, nachenne welwiwali. Pakuva Nguluvi ahele ipiga mugati umwenyu nyenye ye mwifuuwa.

1 Timoti 1:11

Inzigiso iso sihumaga mu Lukani Ulunofu, lwe nene ndapelitwe ndalike. Ulukani Ulunofu lwa Nguluvi umunyandolo na umufunyilile ye nene ndapelitwe ndalike.

2 Avakolindo 9:13

Na kwa uwolelesi wewiwoneka wa ikipigo chetu, avanu wolofu vamupela indolo Nguluvi ukwimila uwuhuvilwa wenyu kwa Ulukani Ulunofu lwa Kilisito lwe na kangi ukwimila uwudeke wenyu wemwihanga nawo na avanu mbevali mukwidikila.

2 Avakolindo 2:12

Peyefikite mu Tolowa ukudalika Ulukani Ulunofu lwa Kilisito, ndafikite kwina kilega cha ukumupigila Umutwa.

1 Avakolindo 9:18

Sweno, amahombo gangu si kinu kangi? Amahombo gangu kiki hela ikilega cha ukudalika Ulukani Ulunofu kitahombwa, we sindiwenda ukwanukila isimbaje mu kudalika.

1 Avakolindo 9:12

Wone avangi vanoje na vilavisa iso ukuhuma kwa nyenye, mbi, hwehwe ndawuli siyetulutye hilo kwa vawo? Neke, hwehwe sitwawenditi ukwimila lulo. Sweno ulungi lwa palulo, twakangalye mbefili sambi tulemwe ukulufuvalisa Ulukani Ulunofu lwa Kilisito.

Avalumi 15:29

Ngulukagula ukuta penzusile ukwenyu ndivasila mu uwufunyilile mbewuli wa Kilisito.

Avalumi 15:19

Muludali lwa imiitu na uwuhulo na muludali lwa Umuhe va Nguluvi. Sweno, kwa ukugenda polofu ukuhumila ku Yelusalemu mbaka ku Iluliko, ngadalike hilo Ulukani Ulunofu lwa Kilisito.

2 Timoti 1:16

Umutwa avadegepelage va mukaye ya Onesifolo; pakuva mbepali uyo ambuyapige, siamboneligi inyoni pakuva ndilimundinde,

Avalumi 4:11

Abulahamu awoolitwe pelulutye ulo, nu kuwoolwa uko kwe kilagilo ikikangasa ulwa Nguluvi amwidiche ukuva mugolofu ukwimila ulufuuwo lwakwe lweenalo wesialawoolwa. Uwimila lulo, Abulahamu akave ye dadawo va vala mbevali, nambi wesivawoole, avakamufuuvitwe Nguluvi nu kuwuyapwa vagolofu.

Yohane 7:35

Ndawe avalongola va Avayudaya vilonganzige vatigilage, “Uyu abita kwi kwesitumuwona? Ngalihosa ukubita ku Vayudaya avayaje ku Vagiliki nu kuvigisa Avagiliki?