Avalumi 1:1 - Lufingano Lupya

¹ Nene Pawulo, ndimukami va Kilisito Yesu na Ndimwigendo umuhagule na umukemele na Nguluvi uwimila ukudalika Ulukani Ulunofu lwa Nguluvi.

Avalumi 1:1 Referans Kwoze

Ifipigo 9:15

Neke umutwa amutigile, “Veve bite hela, pakuva nene ndimuhagwe amigile, adalike ilitawa lyangu kwa vesivamuseli Nguluvi (avamyanza) na avatwa vawo na kuvana va Isilaeli.

Avalumi 15:16

wukuva mukami va Yesu Kilisito kuvanu avamyanza. Icho che kipigo changu cha uwutambisi, ukudalika Ulukani Ulunofu lwa Nguluvi sambi avanu avamyanza vave nambika iyikwidikilwa na Nguluvi, inambika iyesiwe na Umuhe Umwelu.

1 Avakolindo 1:1

Pawulo, yendakemelitwe mbe mwigendo va Kilisito Yesu kwa uwende wa Nguluvi, pamwinga na umunyalukolo vangu Sositene,

Avakolosayi 1:1

Ye nene Pawulo umwigendo va Kilisito Yesu kwa uwende wa Nguluvi, pamwinga na umunyalukolo vetu Timoti,

Tito 1:1

Nene Pawulo, umukami va Nguluvi na umwigendo va Yesu Kilisito, ngwandika. Nene ndimuhagule ukulukangasa ulufuuwo lwa avahagule va Nguluvi na uwukagule uwuling'ana na isa uwelu,

Avalumi 1:9

Nguluvi yengumusunyalila inumbula yangu mbeyili mu kudalika Ulukani Ulunofu lwa Umwanakwe, ye molelesi vangu ulwa nguviwuka

2 Avakolindo 1:1

Ukuhuma kwa Pawulo, umwigendo va Kilisito Yesu kwa uwende wa Nguluvi, na ukuhuma kwa munyalukolo vetu Timoti, tukuvandikila nyenye mwe likanisa lya Nguluvi uko ku Kolindo, na avanu mbevali va Nuguluvi pepepavesaga mu Akaya.

1 Avakolindo 9:1

Mbi, nene sindi mutemapangu? Mbi nene sindimwigendo? Ngali apangi sindamuweni Yesu umutwa vetu? Neke nanyenye nanye, sinyenye mwe maveleko ga ikipigo changu kulu Mutwa?.

2 Timoti 1:11

Nguluvi anyagwe nene mbe mwigendo na mwigisi ukwimila ukudalika Ulukani Ulunofu,

1 Timoti 1:1

Yenene Pawulo, umwigendo va Kilisito Yesu kwa ululagi lwa Nguluvi umupoki vetu na Kilisito Yesu uluhuvi lwetu,

Avagalatiya 1:1

Ukuhuma kwa nene Pawulo ye ndi mwigendo, na uwigendo uwo siwahumiti kwa avanu nambi muludali lwa umunu, pesi muludali lwa Yesu Kilisito na Nguluvi Dada ye amusilibwe Yesu ukuhuma ku vafwe.

1 Timoti 2:7

Pa ulo, nene ndatumitwe mbe mwigendo na mwigisi va avanu avamyanza ndiludalike ulukani lwa ulufuuwo na inachene. Nachene ndilonga sindideta!

1 Avatesaloniki 2:2

Mukwiwuka lula lwe vatupije fibi nu kutuliga kula ku Filipi petwesitulava tufika ukwenyu ku Tesaloniki. Nambi kwe na lubesa lukomi, neke Nguluvi vetu atupelye uwupifu uwa ukuvadalikila Ulukani Ulunofu lwakwe.

Avalumi 1:5

Ukukola mulumwene, nene ndimupele uwuwuya wukuva mwigendo, sambi ukwimila umwene ndivalongose avanu va ing'i mbesili vafuuwe na ukuva na choga.

Avafilipi 1:1

Yenene Pawulo na Timoti, avakami va Yesu kilisito, tukuvandikila nyenye mwevanu va Nguluvi ye muli uko ku Filipi yemukahangite na Kilisito Yesu pamwinga na nyenye avalongosi na avatanzi mu likanisa.

Uwugubulilwe wa Yohane 1:1

Uwugubulwe Yesu Kilisito we Nguluvi amupeelye sambi avalagile avakami vakwe ing'ani isivaje ukuwoneka ulusika ululipipi, alekite lukagulanike pe amutumite umunyivaha vakwe amulongele Yohane, umukami vakwe,

Yuda 1:1

Nene Yuda, umukami va Yesu Kilisito, umunyalukolo va Yakobo, kwa nyenye avakemele na Nguluvi na nyenye ye Nguluvi udadetu akuvenda na ukulolelwa na Yesu Kilisito.

2 Petulo 1:1

Simoni Petulo, umukami na umwigendo va Yesu Kilisito. Kwa nyenye mbemuli yemukanuche ulufuuwo ululing'ene na ulwa hwehwe muwugolofu uwa Nguluvi vetu na umupoki Yesu Kilisito.

Yakobo 1:1

Ukuhuma kwa Yakobo umukami va Nguluvi na va Umutwa Yesu Kilisito, kwa nyenye, ing'olo nyichumi na sivili, isitagalye mung'i mbesili! Kamwene!

Avaebulaniya 5:4

Sikwali umunu yeahwana ukwitegulila ululumbo yumwene lukuva Mutambisi Muvina. Yeavesaga aihagulwa na Nguluvi ukuva Mumbisi Muvina ndawe lweeiwali Haluni.

Avafilipi 2:11

na umunu yeyeavesaga idikile ukuta Yesu Kilisito ye Mutwa mundolo sa Nguluvi Dada.

Avaefeso 4:11

Kangi yemwene yeavapelye avanu ifipelwa: Avamwi avapelye vave vigendo, avamwi vavisi, avamwi vave vadalisi Ulukani Ulunofu, avamwi vave vanyakukwamila na avigisi.

Avaefeso 1:13

Kangi nyenye mulumwene mukapulike ulukani ulwa nachene, Ulukani Ulunofu ulwa uwupoki, mukamufuuvitwe umwene, mwatemitwe uluhagi ukwimila uluhuviso lwa Umuhe Umwelu.

2 Avakolindo 12:11

Ngave nda ndi mupuva, neke nyenye yemukanzambwise de. Pakuva ye nyenye ye muke munoje ukusumusa. Pakuva, nambi nene sindi kinu, kwa lwelweluvesaga, nene nambi ndahihyo sindimudodo ukulutila iwo, “Avigendo avavina.”

2 Avakolindo 11:5

Singwihuvila ulwa nene ye ndi mudodo ukulutila iwo, “Avigendo avavina.”

2 Avakolindo 4:5

Pakuva hwehwe situkwidalika yihwehwe, pesi Kilisito Yesu yula Umutwa, neke hwehwe twiva twivakami venyu ukwimila Kilisito.

Avalumi 1:16

Singuluwonela inyoni Ulukani Ulunofu, ulwene lwe ludali lwa Nguluvi lwelwakuvapoka mbevali vevifuuwa ukutala Avayudaya neke vase avamyanza.

Ifipigo 22:21

Nave Umutwa andonje: ‘Bitage, ngutuma kutali kwa avamyanza.’”

Ifipigo 22:7

Ipo ndagwe pasi, swe ndipulika iliswi likunigila: ‘Sawulo, Sawulo! Mbi ndawuli ukunesa?’

Ifipigo 20:24

Nene, sindihosa hilo ulwa uwumi wangu ukuva kinu hilo kwa nene pesi kula ukukwisa na ukusinda ikipigo chendatumitwe na ukupelwa na Umutwa Yesu sambi migage, kwekutigila ndalikage ulukani ulunofu lwa uwuwuya wa Nguluvi.

Uwugubulilwe wa Yohane 22:9

Neke umwene anigile, “Luleke nene ndimukami hela ndawe yuveve na avanyalukolo vako avavisi na mbevali avakwinatila indagilo isili mukitabu iki. Musunyalilage Nguluvi!”

Avakolosayi 1:25

Nene ndavisilwe mbe ndi mukami va likanisa ukugendela imigosekese jakwe Nguluvi jeameelye ukwimila ukwambula kwenyu. Na ulwene lwelwa ukudalika uwukwilanifu wa ulukani lwakwe,

Avaefeso 1:1

Ye nene Pawulo umwigendo va Kilisito Yesu kwa uwende wa Nguluvi, nguvandikila nyenye mwevanu va Nguluvi ye muli mu Efeso ye yemwihuvilwa mukuhanga na Kilisito Yesu.

Avalumi 16:25

Sweno, lino tumulumbage Nguluvi! Ye mwene yeahwanite avakangase mu lukani ulunofu lwe ndadalike ulukani lwa Yesu Kilisito, na mwa kila ikinyele ikigubwilwe na ichekifihitwe uluhuma pidaha.

Avalumi 16:18

pakuva avanu avindawe iwo sivakumupigila Kilisito Umutwa vetu, pesi vakugapigila amaleme gawo vavene. Vilonga inofu na ukudalika kwa ukugongolesa viyasa inumbula sa avanu avagolofu.

Avalumi 15:29

Ngulukagula ukuta penzusile ukwenyu ndivasila mu uwufunyilile mbewuli wa Kilisito.

Avalumi 11:13

Ino de nguvalongela nyenye nyevamyanza: Pakuva nene ngave mwigendo wa Avamyanza ngwivahila ikipigo changu,

Ifipigo 27:23

Pakuva igolo pakilo munyivaha va Nguluvi yula ye nene ndi munu vakwe na yeyuyo ye nene nda kumusunyalila akanzusye,

Ifipigo 26:1

Sweno, ndawe Agilipa amutigilige Pawulo, “Ngukutawula wilongele.” Ipo Pawulo agolwe liwoko lyakwe akwilongela de:

Ifipigo 13:9

Swe, Sawulo yeatambuligwe kangi Pawulo, kono we ina Umuhe Umwelu, ndawe amulavilige kwa iliho ilivifu uyo Umuhavi,

Yohane 15:15

Sindivakemela nyenye ulwa muvakami nda, pakuva umukami saluseli lweipiga Umutwa vakwe. Ino nyenye ndivatige mwivanyawiyendi vangu, pakuva mbesili sengapulike kwa Dada vangu ndivalonje.

Yohane 12:26

Umunu yeiwenda ukumigila nene aninilage, sambi na pala pemba ndipwali nene, baho peava pwali umukami vangu. Na yeyeavesaga munu yeakunigila nene, nave Dada vangu amupela ululumbo.

Uwugubulilwe wa Yohane 22:6

Swe umunyivaha akunigila, “Ing'ani isi sa inachene na sakufuuwa, Umutwa Nguluvi yeakuvapela avavisi umuhe vakwe, amutumite umunyivaha vakwe avalagile avakami vakwe ing'ani sesasusa silusika.

Avaebulaniya 7:26

Sweno, Yesu ye mutambisi umuvina yeakwilaniche hilo mu wugulumu wetu. Umwene mwelu, mugaya wananzi nambi nzanangifu mulumwene; asumuli mwa vanyanzanangifu na apelitwe indolo mbaka kuchanya.

Ifipigo 26:14

Hwehwe mbetuli twagwe pasi, nane ndapulike iliswi likunigila mundongele ya i Kiebulaniya: ‘Sawulo, Sawulo! Mbi mbi ndawuli kunesa nene? Veve ukwifwahisa hela wiva nda idogovi yeyipaana ichuma ichugi cha umunyamwenayo.’

Ifipigo 21:40

Yula Umuvina va avanyigalu swe akumutawula alonge. Neke Pawulo pe agang'amwike pachanya, ndawe avasinisige avanu kwa liwoko vavelige vikatuka, swe ndawe avangige ukulonga nawo mundongele ya i Kiebulaniya itigila,

Yohane 15:20

Mwiwukage ulukani lula lwendendivalonje: umukami si muvina ukulutila Umutwa vakwe. Wone vambifise nene, vavavifya na yinyenye, wone vinatye ulukani lwangu vinatila na lulwenyu.

Maliko 1:14

Yohane pevamusopite mundinde, Yesu ahele ku Galilaya idalika Ulukani Ulunofu lwa Nguluvi, Itigila,

2 Avakolindo 2:12

Peyefikite mu Tolowa ukudalika Ulukani Ulunofu lwa Kilisito, ndafikite kwina kilega cha ukumupigila Umutwa.

2 Avakolindo 11:7

Nene ndadalike ukwenyu Ulukani Ulunofu lwa Nguluvi wesindilavisa amahombo; ndileviise sambi ndivakang'ule nyenye. Mbi, ndananzile ukupiga ulo?

1 Avatesaloniki 2:8

Twavendite nyenye hilo mbaka twidikile ukuvahanza si ukuta mu Lukani Ulunofu hela lwa Nguluvi na muwunani wetu. Ulo lwe mwave vanyawende vetu!

1 Avatesaloniki 2:9

Vanyalukolo, mukwiwuka lwe twapigite ikipigo na lwe twafwahite, pe twavaletelige Ulukani Ulunofu lwa Nguluvi twapigite pakilo na pamunyi sambi tulemwe ukumufuna umunu yeyeavesaga mwa nyenye.

1 Petulo 4:17

Ulusika lwa uluhigilo yelufikite ukuvangila muvanu vakwe Nguluvi yumwene. Lino wone uluhigilo ulo lwivangila ukwetu hwehwe, sweno, ludugila piya kwa vala vesivifuuwa Ulukani Ulunofu lwa Nguluvi?