Avafilipi 4:17 - Lufingano Lupya

¹⁷ Mulihosa ulwa ndiwenda hela ukwanukila ifipelwa; chendisaka ukwambula kongelekele mufisande fya uwunono wenyu.

Avafilipi 4:17 Referans Kwoze

Tito 3:14

Luvavaje avanu vetu viyigise ukukola ifilega fyawo ukupiga inofu sambi vatange mufinu fyetwiguluma nachene, na kangi imigendele jawo mbegili givelage ja kwambula inofu.

Avaebulaniya 6:10

Nguluvi sigayagi uwanachene; sisemwagi ikipigo chemupigite ukwimila umwene mukipigo chemwapigite na chemwipiga lino ku vanu vakwe.

Yohane 15:8

Palulo Dada vangu apelwa indolo wone muveleke amakowo molofu na muva vanyigendo vangu.

1 Petulo 5:2

mukwamilage kila ikipinga cha Nguluvi che kili mu likanisa lyangu, mulilolele si kwa kukangalwa, pesi kwa ukuwenda kwenyu. Mupigage ikipigo icho si kwakwimila uwudobofu wa amagobole, pesi kwa chesa mutima.

Tito 1:7

Pakuva umwimilisi va likanisa umwene ye muvisikisiwa va ikipigo cha Nguluvi, lumuvaje avelage munu yesimwananga kinu. Alava munyalwitupyo, munyalilakali, mugaasi, munyamabatu apangi muhatufu,

Avafilipi 4:11

Sindilonga isi pakuva ndiguluma kinu; pakuva ngakulwe ukusikimala na ifinu fyendinafyo,

1 Avatesaloniki 2:5

Nanye mukulukagula hilo petwasige ukwenyu, sitwasili na ing'ani isa ukuvatunumika, nambi kwa uwusugusugu twiva ndatwifiha lukani, Nguluvi ye asisele inumbula setu!

2 Avakolindo 9:5

Nambi lino, mbwene lunofu ndivagongole avanyalukolo vetu iva, valongole ukusa, sambi vahwane ukugelanisa ifipelwa nafyo filagila nachene ulwa fitawule chesa mutima si kwa kukangalilwa.

Avalumi 15:28

Pesinzile ikipigo icho nu kuvapela umuhangu ugo gwevakakong'ise ukwimila avene, pendivagendela nyenye pendilutila sogwe ku Sipaniya.

Yohane 15:16

Si Nyenye nda yemwanyagwe nene, ali nene yendavahagwe nyenye neke ndivavike muveleke amaveleko, na amaveleko geganana sambi luve chechemusukaga kwa Dada mwitawa lyangu avapele.

2 Avakolindo 11:16

Kangi ndipilukila ukulonga: Umunu alemwage ukuhosekesa ukuta ndimupuva. Neke wone mwihose ndahihyo, sweno, mutegulage lulo ukuta ndimupuva sambi nane mbe na icha ukwihala nambi kidodo.

Yuda 1:11

Vinalyo avanu iwo! Pakuva viva mumigendele ija Kayini, vakwitawula mwalulo sambi vakwave uwunono wa uwanangifu wa Balamu neke vafwile mu lubesa lwa Kola.

2 Petulo 2:3

Ukukola uwudobokesi wawo uwubi vakwavila uwunono ukwimila ukuvalongela isimo isa uwudesi, uluhuma pidaha uluhigilo lwawo pololi na lwisindila!

1 Timoti 3:3

alava mugaasi nambi munyamabatu, avelage mulele, simunyalwitakilo, simuwenda amagobole,

Avafilipi 1:11

Uwunani wenyu sawumema mbesili isa nachene na inofu, sila se Yesu Kilisito umwene avapela, ukwimila indolo na ululumbo lwa Nguluvi.

2 Petulo 2:15

Vakayilesile ing'ani ingolofu, vakayasile na ukwiga ing'asi yeafwatite Balamu, umwana va Beoli, ye awendite apelwe ukwambula ikola uwudesi,

1 Timoti 6:10

Pakuva uwudobokesi wa amagobole lye lisina lya inzanangifu mbesili, ukwimila mwalulo vakahele vakibumangila pataali na ulufuuwo nawo vakasitesise inumbula sawo na uwuvafi wolofu.