Avafilipi 3:20 - Lufingano Lupya

²⁰ Neke hwehwe twivanyang'i va kuchanya, na tusindila we tukalalye umupoki ase ukuhuma kuchanya, Umutwa Yesu Kilisito.

Avafilipi 3:20 Referans Kwoze

Avaefeso 2:19

Sweno, nyenye si pe mwivagenzi kangi, sipe mwivanu va kwivala nyenye, mwivanyang'i pamwi na avanu va Nguluvi, na mwi vanu va mulukolo lwa Nguluvi.

2 Avakolindo 4:18

Palulo twilavisa si wita ifinu fyefiwoneka, pesi fila fyesifiwoneka. Pakuva fyefiwoneka ifyo fya lusika ludodo hela; neke fila fyesifiwoneka ifyo fya uwutasila.

Avaebulaniya 12:22

Neke nyenye mufikite ku kidunda cha ku Sayuni, ku Boma ya Nguluvi Umumi. Mufikite mu Yelusalemu, iya kuchanya, kwe vakong'ine vanyivaha mbilima mbilima vesivahwaniti ukuvalilwa kulumwene.

Avakolosayi 1:5

Pelufikite lula ulukani ulwa nachene, Ulukani Ulunofu ulwasile pakutala kwa nyenye mwapulike ulwa uluhuvi ulwihuma umo ino ulufuuwo na uwende lukwimila mu luhuvi lulo, lwemwivavikile wunofu kuchanya.

Avaefeso 2:6

Kwa ukuhanga na Kilisito Yesu, Nguluvi atusilibwe pamwinga nave, sambi tukateme pamwinga nave kuchanya.

2 Avakolindo 5:8

Neke twivakangafu na tuketwiwenda ukuhama mu wikalo uwu, tuhamile kulu Mutwa.

2 Timoti 4:8

Lino ulusige lwelula lwa ukupelwa uluhombo lwa ukudwesa ukwimila imigendele ja uwugolofu, uluhombo lwe umutwa Umuhisi va nachene, saameela nene ikimunyi icho, na kangi si yinene hela, pesi na vavala mbevali avilavisa muwende ukweleluka kwakwe.

1 Avatesaloniki 1:10

na kulino mukumusindila umwanakwe iike uluhuma kuchanya, Yesu, ye Nguluvi amusilibwe uluhuma kuvafwe, na ye akutupoka mwilakali lya Nguluvi ilikusa.

Avaebulaniya 9:28

lwindahihyo nave Kilisito itawe nambika sukumwi hela sambi asihese inzanangifu sa awolofu. Pesaiwoneka ulwa kavili, siwita kangi akusa kukwihoma na inzanangifu, pesi ukuta kukuvapoka vala avakumusindila umwene.

Avagalatiya 4:26

Neke i Yelusalemu iya kuchanya ye boma iyili mu wutemapakwe, na iyo yeyuvetu hwehwe.

Tito 2:13

kono wetwisindila ikimunyi kila cha uwunofu chetukwihuvila, ulusika pe indolo sa Nguluvi umuvina na umupoki vetu Yesu Kilisito pesasiwoneka.

1 Avakolindo 1:7

na simwigaya ikipelwa chechekivesaga cha kimuhe, pemwisindila ukugubulwa kwakwe Umutwa vetu Yesu Kilisito.

Ifipigo 1:11

Swe vitigila, “Nyela mwevanu va mu Galilaya! mbi ndawuli mwimite mwilava kuchanya? Yesu uyu yeibita kuchanya ukuhuma kwa nyenye saasa kangi ndahihyo ndawe lwemumuwene ibita kuchanya.”

Matayo 19:21

Yesu amutige, “Wone wiwenda ukuva ukwilaniche bite kaguse mbefili fye winafyo neke ukavapele avamikaa na yuveve uva wiviche uwunono kuchanya neke pe wuse uninile.”

1 Avatesaloniki 4:16

Pakuva sapava na lulagi, iliswi lya munyivaha umuvina, na ilipembe lya Nguluvi salikuwa, na yumwene Umutwa sa ika uluhuma kuchanya. Pepene vevafwe kono we vakumufuuwa Kilisito savasilibulwa tandi.

Luka 14:14

apo pepene pupelwa uwufunyilile, pakuva iwo vihela chevakuhomba. Ipo pepene pe Nguluvi saakupela uluhombo lwako, ulusika lwe avanu vagolofu pevisilibuka.”

Uwugubulilwe wa Yohane 1:7

Lavage! Akusila mumafufu! Yeyeavesaga munu saamuwona, mbevali vevamuhomite, Ing'olo mbesili isa avanu mung'i savamuvembela. Ena! Nachene.

Avafilipi 1:10

sambi muhwane ukuhagula ulukani ulunoje hilo. Ipo pepene pemuva mwesiwe simwilongwa fivi mulukani lweluvesaga lula pa ikimunyi kila cha Kilisito.

Luka 12:21

“We iwali umunu yeakwivikila uwunu wakwe fuka, kumbi mumikaa kwa Nguluvi.”

1 Avakolindo 15:48

Sweno, avanu mbevali avahumile kulumwene vihwana na umunu uyo yeagafilwe na ililongo; neke vala ava kuchanya vihwana na yula yahumite kuchanya.

Avafilipi 1:27

Sweno, ulukani ulukomi kwekuta imigendele jenyu ginatilage chetwisaka Ulukani Ulunofu lwa Kilisito, sambi wone nywane ukusa ukwenyu na apangi wone neeme sambi ndipulikile nambi padodo hela ukuta mwimile mukange mwidonya lukani lumwi mbeluli na ukuta mwihoma ligalu we mwilaganila kumwi mbemuli ukwimila ulufuuwo lwa Ulukani Ulunofu.