Avafilipi 3:15 - Lufingano Lupya

¹⁵ Mbetuli hwehwe yetukange mumigendele ja kinyamuhe lutuvaje ukuva na mimile gijo. Neke wone movali mwanyenye avihosa ululiwungi, sweno, Nguluvi alwelelulila ulukani lulo.

Avafilipi 3:15 Referans Kwoze

Yohane 7:17

Wone umunu iwenda ukupiga seiwenda Nguluvi uyo yealukagula ukuta inzigiso sangu sihumile kwa Nguluvi na wone apangi ngwivangila mululagi lwangu hela.

Avagalatiya 5:10

Ukwimila ukuhanga kwetu na Umutwa, ngwihuvila pakomi ukuta nyenye simuva wungi na nene. Kangi yula yeakavasasing'ise nambi ave muvina ndawuli nachene uyo saahigwa neke apume.

1 Avakolindo 2:6

Nambi ndahihyo, kwa vala avakange twikola kangi na luluhala lulo si lwa mung'i yiyi, nambi uluhala lwa avatema va mung'i iyi, vala avasutine kukuyaga.

Avakolosayi 4:12

Epafala umunu uva ukwenyu umukami va kilisito akuvahungila. Mbepali aakuvasukila kwa wupifu peakwifunya sambi mugine ukukangala, mwime munoge na ukukwilanikila hilo mwa mbesili seiwenda Nguluvi.

1 Avakolindo 14:20

Vanyalukolo, mulava nda mwivana vadodo mumahosa genyu. Kulubali lwa uwanangifu muvelage nda mwivana vadodo, neke mu mahosa genyu lunoje muvelage nda mwivanu yemukange.

Matayo 5:48

Apo nyenye muvesage mwivakwilanifu, ndawe lwemukwilanifu Udadenyu uva kuchanya.”

Avaebulaniya 5:14

Neke ikilyo ikikangafu icho chakiva kuvanu avavina avakange, ve uluhala lwawo lwasoveliswe ukuhiga inofu na imbi.

Avakolosayi 1:28

Na ukwimila lulo tukumudalika ku vanu mbevali; tukuvakenyela na ukuvigisa mbevali muluhala mbeluli, sambi tumulete yeyeavesaga kwa Nguluvi iva akange mukuhanga na Kilisito.

Avalumi 15:1

Hwehwe yetukange mulufuuwo lutuvaje ukuvatanga vala avahomefu, sambi vahwane ukulowoka mu nalamu sawo. Tuwulekage uwusatila petu.

Luka 11:13

Pe nyenye, nyevanangifu, mulusele ukuvapela avanenyu ifinu ifinofu. Nachene Dada venyu va kuchanya alutisa pakomi, avapela Umuhe Umwelu vakwe vala avakumusuka.”

1 Yohane 2:5

Neke umunu yeyeavesaga yeakwinatila ulukani lwa Nguluvi uyo yemwene yeina uwende uwukwilaniche wa Nguluvi mulumwene. Palulo petuhwana ukuva nu luhuvi ulwa twihanga nave.

2 Timoti 3:17

sambi umunu yeakumupigila Nguluvi ave akwilaniche na agelaniche hilo mukupiga ifipigo ifinofu.

Yohane 6:45

Lwandike na Avavisi ulwa: ‘Mbevali savigisiwa na Nguluvi, apo yeyeapulikaga na ukwigila ukuhuma kwa Dada asa kwa nene.

Avaefeso 1:17

Sambi Nguluvi va Umutwa vetu Yesu Kilisito, Dada umunyandolo, avapele nyenye Umuhe va uluhala na uva uwugubulilwe mumukagula Nguluvi,

1 Avatesaloniki 4:9

Sikololi lukani lwa ukuvandikila ulwa ukuvenda vanyalukolo venyu avafuuvitwe. Nyenye, yenyenye ye mukigisiwe na Nguluvi lula uluvavaje ukwiyenda.