Avafilipi 3:10 - Lufingano Lupya

¹⁰ Lwendisaka hela ndimukagule Kilisito na ukuluwona uludali lwa ulusilibuko lwakwe, nu kuhanga muneseko sakwe na ukwihwana nave mufwa yakwe,

Avafilipi 3:10 Referans Kwoze

Avagalatiya 2:20

na kulino ndimumi, ulwene si nene kangi pesi Kilisito yeinana mugati mwa nene. Uwumi uwu we ndinana lino, ndinanila mu lufuuwo ukukola Umwana va Nguluvi yeanzendite mbaka awutawule uwumi wakwe ukwimila nene.

Avalumi 8:17

Sweno, pakuva hwehwe twivana va Nguluvi, satwanukila uwufunyilile mbewuli wa Nguluvi weavaviche avanu vakwe, na satuhanga ililila ilyo, pamwinga na Kilisito pakuva wone tuhange ineseko sakwe Kilisito, satuhanga kangi mundolo sakwe.

Avafilipi 3:8

Ino ndivalila chechekivesaga ukuta ukufwaha hela, penditeganisa ulwa uwunofu uwa ulamukagula Kilisito Yesu Umutwa vangu. Na mulumwene ngidiche ukufilekela ng'ani mbefili, ngufiwona ifyo nda mahwahwa sambi nzambule Kilisito.

1 Yohane 2:3

Wone twinatile indagilo sa Nguluvi, apo, pe tuhwana ukuva nu luhuvi ulwa tukumukagula.

Avakolosayi 3:1

Sweno, wone yemusilibwike pamwi na Kilisito, musugunalage ukusaka isa kuchanya, kula kwekwali Kilisito, akong'ome ulubali lwa kundyo lwa Nguluvi.

Avakolosayi 1:24

Na kulino ndihekelela penditeseka ukwimila nyenye, pakuva ukukola uluteseko lwangu umu mung'i, nyele nditanga ukukwisa kila chekikepa muneseko sa Kilisito ukwimila umuvili gwakwe, likanisa.

2 Avakolindo 1:5

Ena, peluva lwigina uluteseko lwa Kilisito mugati mwetu, na ndahihyo petwigina ukunyamasiwa nave.

1 Petulo 1:3

Alumbwagwe Nguluvi na Dada va Umutwa vetu Yesu Kilisito! Ukukola ulusungu lwake ulukomi atuwuyipe twegalwe wupya muluhuvi ulunyawumi ukusilibukwa Yesu uluhuma kuvafwe,

2 Avakolindo 13:4

Nambi luve umwene atumbikwe mumusalaba muwuhomefu, neke lino lwe iva mumi muludali lwa Nguluvi. Nayi hwehwe twivahomefu ndahihyo mukuhanga nave, neke nahwehwe twihanga nave muwumi muludali lwa Nguluvi ukwimila nyenye.

1 Yohane 2:5

Neke umunu yeyeavesaga yeakwinatila ulukani lwa Nguluvi uyo yemwene yeina uwende uwukwilaniche wa Nguluvi mulumwene. Palulo petuhwana ukuva nu luhuvi ulwa twihanga nave.

Yohane 17:3

Na uwumi wa mbepali we uwu vakukagule veve Nguluvi ye wiyena na va nachene, na Yesu Kilisito yewamuletite.

Avalumi 8:29

Pakuva vala vevevahagule na Nguluvi ukuhuma pidaha, vawo veavahagwe, sambi vihwane na umwanakwe, sambi umwanakwe ave mulongosi mu vanyalukolo awolofu.

Uwugubulilwe wa Yohane 1:18

Nene ye nene ye ndi mumi! Nde ndafwe, neke, lavage, lino ndimumi kitasila mbepali. Kangi ndinacho ikidindulilo cha Ifwa na cha Kuvafwe.

Avakolosayi 2:13

Pamwandi nyenye, mwemufwe ukwimila uwananzi wenyu na pakuva mwe mwivamyanza. Neke lino Nguluvi avapelye nyenye uwumi pamwi na Kilisito. Nguluvi atudegepye inzanangifu setu mbesili,

Avaefeso 4:13

na palulo mbetuli tuwufikile uwulilumwi wa ulufuuwo na ukumukagula hilo Umwana va Nguluvi; tuve vanu yetukange nu kuwufikila uwukwilanifu wakwe Kilisito yumwene.

2 Avakolindo 1:10

Umwene atupokite mu lutalamu ulwa ifwa kangi atupoka hwehwe na yihwehwe tuvisile uluhuvi lwetu mulumwene ulwa saatupoka kangi,

Yohane 10:18

Sikwali umunu yeanzanuka uwumi wangu; pesi ulwa nguwutawula yinene hela. Uludali lwa ukutawula ndinalo, na uludali lwa ukuwutegulila kangi na lulo ndinalo. Na Dada ulo lweandaje mige.”

Matayo 20:23

Neke avalongele ulwa, “Ikinywelo changu muhwanite munywele neke ulwa ukwikala kuliwoko lyangu ilya kundyo na ilya kung'igi ulo silwanene nda ukuvapela! Ulo vapelwa ve awendite Dada vangu.”

Avalumi 8:36

Ndawe Uwandike Uwelu witigila: “Uwimila veve, twilaving'ana ni fwa ikimunyi mbekili; tupigilwa wita ing'olo iyidumulwa.”

Avagalatiya 6:17

Sweno, umunu alafwahisa kangi pakuva ndina amavamba ga Yesu mumuvili gwangu.

2 Petulo 1:13

Nditigila ulu lukani lugolofu kwa nene, ulusika mbeluli lwembesaga ndinana ipa pa ing'i, ukuvakangasa imitima na ukuviwusa ulwa ing'ani isi.