Avafilipi 2:13 - Lufingano Lupya

¹³ pakuva Nguluvi yeipigaga mbepali mugati mwanyenye, na ukuvapela uludali ukukwisa sila isitegana na mwealahosekise umwene.

Avafilipi 2:13 Referans Kwoze

Avaebulaniya 13:21

avakwilanisage muchechekivesaga kipigo kinofu, sambi mupigage isimuvaje umwene awuyapage mugati mwa nyenye, ukwimila mwa Kilisito sila isikumunogela umwene. Indolo yivelage kulu mwene, mbepali na mbepali! Ena.

2 Avakolindo 3:5

Si ukutigila hwehwe tuhwanite ukupiga chekivesaga ukwimila muludali lwetu yihwehwe, pesi ukuta uludali lwetu mbeluli lwihumaga kwa Nguluvi,

2 Timoti 1:9

Umwene atupokite, neke atukemele tuve vanu vakwe yumwene, si ukwimila uwugolofu wa ifipigo fyetu, pesi ukwimila lula lwealalamwe na uwuwuya wakwe. Atupelye uwuwuya wuwo ukwimila Kilisito Yesu pe umuvango gwesigulava gufika,

Avalumi 9:16

Sweno, mbesili sakwimila mulusungu lwa Nguluvi, si wita mu wupifu nambi uwende wa umunu.

1 Avakolindo 15:10

Neke, kwa uwuwuya wakwe Nguluvi, ngave de lwendiwali, na uwuwuya wakwe Nguluvi we si wa malanga. Nene ngapigite ukulutila mbevali; neke siyinene nachene, pesi uwuwuya wa Nguluvi wewipiga pamwi na nene.

Yohane 3:27

Neke Yohane avapitule atigile, “Sahwaniti munu ukwanukila kinu pesiapelitwi na Nguluvi.”

Avaefeso 1:11

Ifinu mbefili fyafigawa kwa ukwimila muwukele na uwulamusi wa Nguluvi; nave Nguluvi atuhagwe hwehwe sambi tuve vanu vakwe kwa uwende wakwe mukuhanga na Kilisito, ndawe lweeawendite yumwene mukuhanga na Kilisito ukwimila uwulamusi wakwe wealakelite.

1 Avakolindo 12:6

Posili ng'asi isiliwungi isa ukupigila, neke Nguluvi ye yumwi, yeileka mbesili sipigike mwa mbevali.

2 Avatesaloniki 1:11

Nambi kwa lulo tukuvasukila mbepali. Tukumusuka Nguluvi vetu avatange munogele imikalile je mwakemelilwe mugendele. Tukumusuka, ukukola uludali lwakwe, akwise uwudobofu wenyu uwa ukupiga inofu na ukukwisa ikipigo chenyu icha ulufuuwo.

Avaefeso 1:5

Nguluvi alahosise muwende wakwe uluhuma pamuvango tuve vanakwe ukugendela kwa Yesu Kilisito. Ndawe lweeahosise

Avaefeso 2:8

Pakuva, kwa uwuwuya wa Nguluvi nyenye ye mukomboliwe ukwimila ulufuuwo. Ulukani ulu silwihumagi muwupifu wenyu, pesi ukuta icho kipelwa cha Nguluvi.

Luka 12:32

“Mulogopa mwe kilugu ikidodo nyenye, pakuva udadenyu awene lunofu ukuvapela uwutwa wula.

Avaefeso 1:9

Nguluvi akwisise kila chealahosise, nu kutulongela sealawendite isesifihitwe, sealagelanise ukukwisa mung'asi ya Kilisito.

Yohane 6:65

Swe itigila, “Nambi palulo ndavalonje ulwa asukuli Umunu yeahwanite ukusa kwa nene pesi mukemele na Dada vangu.”

Avalumi 9:11

Neke sambi Nguluvi awoneke mutemapakwe pa kuhagula, nambi vala vanyalukolo vanyawendani pevevakaali sivalegalwa na sivalafikila pakulukagula ukuhagula ikinofu na ikibi,

Yohane 6:45

Lwandike na Avavisi ulwa: ‘Mbevali savigisiwa na Nguluvi, apo yeyeapulikaga na ukwigila ukuhuma kwa Dada asa kwa nene.

1 Petulo 1:3

Alumbwagwe Nguluvi na Dada va Umutwa vetu Yesu Kilisito! Ukukola ulusungu lwake ulukomi atuwuyipe twegalwe wupya muluhuvi ulunyawumi ukusilibukwa Yesu uluhuma kuvafwe,

Ifipigo 11:21

Umutwa avatanzile na avanu wolwike vanyakufuuwa na ukumupitukila Umutwa.

Luka 2:14

“Indolo kwa Nguluvi kuchanya, na mung'i uwikalakunoga mwa vala veinogelwa nawo!”

Avalumi 12:3

Ukwimila uwuwuya weamelye Nguluvi nguvalongela nyenye mbemuli: mulidudumba ukuta mwina kinu ikilutye mwilutisa kwa lula uluvavaje luvelage. Amahosa genyu gavelage gakwilaniche ikigelo cha ulufuuwo lwe Nguluvi amugavye yeyeavesaga mumu.