Avafilipi 1:8 - Lufingano Lupya

⁸ Nguluvi ye molelesi ukuta ndilonga lwa nachene pendiginalisa ukuta, muwende wuwula wa Yesu Kilisito ndidoboka ukuvawona.

Avafilipi 1:8 Referans Kwoze

Avafilipi 4:1

Palulo, vanyalukolo vangu, aveende, vendidoboka hilo ukuvawona; nyenye ye muli luhekelelo lwangu na ingela ya muludweso lwangu. Nye veende vangu ulo lwe luvavaje ukwikala mukaye mu kuhanga na Umutwa.

Avalumi 1:9

Nguluvi yengumusunyalila inumbula yangu mbeyili mu kudalika Ulukani Ulunofu lwa Umwanakwe, ye molelesi vangu ulwa nguviwuka

2 Timoti 1:4

Ngwiwuka na inzihosi sako, ndidoboka hilo ukukuwona, pepene pemba memile uluhekelelo.

1 Avatesaloniki 2:8

Twavendite nyenye hilo mbaka twidikile ukuvahanza si ukuta mu Lukani Ulunofu hela lwa Nguluvi na muwunani wetu. Ulo lwe mwave vanyawende vetu!

Avalumi 9:1

Nene ndilonga ulwa nachene, sindideta kono we nyanzile na Kilisito. Inumbula yangu yisogoswa na Umuhe Umwelu, yikunzolelela ulukani ulu.

Filimoni 1:12

Lino de, ngumupilula kwa veve, nave iva wita gumutima gwangu yinene, Nene ngembwenda ikale nayinene ipa anangage iva ahalye paveve ulusika lwe ndili mundinde ndivalwa Ulukani Ulunofu.

Avakolosayi 2:1

Ndiwenda mulukagule lwendipiga ikipigo kwa kukangala ukwimila nyenye na avanu va ku Lawodikeya kangi na ukwimila mbevali vesivalambona.

Avagalatiya 4:19

Vanangu, ndawe umung'inetu umunyafilo lweaiguda peakwegala nani ndiguda kangi ukwimila nyenye mbaka pala pe Kilisito ava ahanzile mwa nyenye.

Avagalatiya 1:20

Mwa isi senguvandikila Nguluvi akulukagula ukuta sindideta.

2 Avakolindo 7:15

Nambi uwende wakwe uwa munumbula kwa nyenye ukongelekela ukulutila peakwiwuka lwe nyenye mbemuli mwiyidikise ukuva vanyachoga, na lwe mukamwanuche kwa ichoga nu kukuvila.

2 Avakolindo 6:12

Wone mwiwona ulwa pokili ikikuvaso chechekivesaga kila, apo icho kiva kwa yinyenye hela, si kwa ulubali lwa hwehwe nda.

Luka 1:78

Nguluvi vetu mulele kangi munyalusungu. Ahohomosa uwenzelufu uwimalavadika ukuhuma kuchanya.

1 Yohane 3:17

Sweno, wone umunu ave na uwunono wa ifinu fyamung'i, neke amuwone umunyalukolo vakwe agulwime, sweno ave na inumbula nalamu alemwe akumuwonela ulusungu, uyo ahwana wuli ukutigila ulwa amwenda Nguluvi?

Filimoni 1:20

Ena, munyalukolo vangu, migile ulukani ulo ukwimila litawa lya Umutwa: Uyinogelage inumbula yangu wita munyalukolo ukwimila Kilisito.

1 Avatesaloniki 2:5

Nanye mukulukagula hilo petwasige ukwenyu, sitwasili na ing'ani isa ukuvatunumika, nambi kwa uwusugusugu twiva ndatwifiha lukani, Nguluvi ye asisele inumbula setu!

Avakolosayi 3:12

Pakuva mwivanu vahagule, avelu na avende va Nguluvi vanyalusungu, vanyawudeke avilevesi, avalele, vanyalwikangaliso.

Avafilipi 2:26

Ahele idoboka hilo ukuvawona nyenye mbemuli na akahuguvee hilo pakuva mukapulike ukuta ake mutamwa.

Avafilipi 2:1

Ngali uwunani wenyu mwa Kilisito wakuvapela uludali? Ngali uwende wakwe ukuvasikimika? Ngali mwinawo uwulilumwi na Umuhe Umwelu nu kwiwonela ulusungu na ukwihuguvalila yinyenye kwa yinyenye?

2 Avakolindo 13:9

Neke ulwene twihekelela ukuta twivahomefu, neke nyenye mwina ludali, nambi tukuvasukila nyenye muwufikile uwukwilanifu.

Avagalatiya 3:26

Kwa ukukola ulufuuwo nyenye mbemuli mukave mwivana va Nguluvi mukuhanga na Kilisito Yesu.