Avafilipi 1:5 - Lufingano Lupya

⁵ ndiva na ikilumbo ukwimila uwulilumwi we mwinawo mu Lukani Ulunofu uluhuma ikimunyi icha ukutala ukufika neng'ino.

Avafilipi 1:5 Referans Kwoze

Avaebulaniya 3:14

Pakuva hwehwe twihanga na Kilisito, wone tukwinatila hilo uluhuvi lwetwetwinalo pamwandi:

Filimoni 1:17

Ino, wone ukung'agula nene ukuta ndi muyago, mwanukilage kangi wita nda ukunzanukila yinene.

Avafilipi 1:7

Ulo lwelulo lwelumbaje ndivahosekese, pakuva nguviwuka mbepali munumbula yangu. Kangi pakuva nyenye mbemuli mukahangite mu wunofu weamelye Nguluvi, wa ukululolela nu kulukangasa Ulukani Ulunofu, lino pendili mundinde na kangi pala pamwandi pende ndimutemapangu.

1 Yohane 1:3

Icho chetwakiwene nu kukipulika icho chetukuvadalikila nanye kangi, sambi muhwane ukuhanga nahwehwe mu uwulilumwi wetwinawo na Dada nu mwanakwe Yesu Kilisito.

Avaefeso 3:6

Ikinyele ichene che iki, ukukola Ulukani Ulunofu avanu va ing'i isingi vakwanukila iligawo lyawo pamwinga na Avayudaya mu wufunyilile wula wa Nguluvi; nawo viva figawamuvili fya umuvili gugula, na vihanga mu luhuviso lwe Nguluvi aluwuyipe ukukola mwa Kilisito Yesu.

2 Avakolindo 8:1

Kangi vanyalukolo vetu, twiwenda nyenye musikagule isa uwuwuya we Nguluvi akagapelye amakanisa ga mu Makedoniya.

Avalumi 15:26

Pakuva amakanisa ga ku Makedoniya na ku Akaya galamwe ukutawula umuhangu gwawo ukuvatanga avanu va Nguluvi avamikaa kula ku Yelusalemu.

1 Yohane 1:7

Neke wone twikale mu lung'ali, ndawe umwene nave lweali mulung'ali, sweno, twiva na uwulilumwi yihwehwe, na idanda yakwe Yesu Kilisito umwanakwe, yikutofuga inzanangifu mbesili.

2 Petulo 1:1

Simoni Petulo, umukami na umwigendo va Yesu Kilisito. Kwa nyenye mbemuli yemukanuche ulufuuwo ululing'ene na ulwa hwehwe muwugolofu uwa Nguluvi vetu na umupoki Yesu Kilisito.

Avafilipi 2:12

Vanyalukolo vangu, pende pamwi nanyenye mwavelige na ichoga mbepali na kulino pendili pataali nanyenye, muvelage ni choga ndahihila. Mupigage ifipigo we mwina muhwehwe nu kukuvila ukwimila uwupoki wenyu,

1 Avakolindo 1:9

Nave yemwene yeavakemelye nyenye, sambi muhange na umwanakwe Yesu Kilisito Umutwa vetu umwene ye vakwihuvilwa.

Avalumi 11:17

Ena amatagala agamwinga ga umuseituni gwa mukinyungu gatotekilwe, neke amatagala ga umuseituni gwa mwihala gwanapikiswe baho. Nyenye nye vamyanza mwindawe umuseituni gwa mwihala neke lino mwihanga muludali na uwunono wa umuseituni ugwa mu kinyungu.

Ifipigo 2:42

Na iva mbevali viyigisige ukuhuma kuvigendo na ukwikala kinyalukolo, na mukumegula umukate nu kwifunya.

Avalumi 12:13

Muvatangage avelu va Nguluvi, mwipigila muwudeke.

Avafilipi 1:12

Vanyalukolo vangu, ndiwenda mulukagule ukuta mbesili sesikafikite sikananzile pakomi mukulutagalisa Ulukani Ulunofu.

Avafilipi 1:16

Iva vavipiga lulo ukwimila uwende, pakuva vakulukagula ukuta Nguluvi amelye nene ikipigo iki cha ukululolela Ulukani Ulunofu.

Avafilipi 1:27

Sweno, ulukani ulukomi kwekuta imigendele jenyu ginatilage chetwisaka Ulukani Ulunofu lwa Kilisito, sambi wone nywane ukusa ukwenyu na apangi wone neeme sambi ndipulikile nambi padodo hela ukuta mwimile mukange mwidonya lukani lumwi mbeluli na ukuta mwihoma ligalu we mwilaganila kumwi mbemuli ukwimila ulufuuwo lwa Ulukani Ulunofu.

Avafilipi 2:22

Nayinyenye mukulukagula ulwa uwukangafu wa Timoti, umwene na nene wita Umwana na Udade, tukapigite ikipigo pamwi nave ukwimila Ulukani Ulunofu,

Avafilipi 4:3

Ino nayuveve munyalupanda vangu vanachene, ngukulagisa uvatangage avang'inetu iva, pakuva vakave vapifu mukipigo cha ukulutagalisa Ulukani Ulunofu pamwinga na nene na Kilemendi na pamwinga na avapisi avayangu avangi mbevali, ve amatawa gawo mavalile kuvalongwe ku uwumi.