Avafilipi 1:27 - Lufingano Lupya

²⁷ Sweno, ulukani ulukomi kwekuta imigendele jenyu ginatilage chetwisaka Ulukani Ulunofu lwa Kilisito, sambi wone nywane ukusa ukwenyu na apangi wone neeme sambi ndipulikile nambi padodo hela ukuta mwimile mukange mwidonya lukani lumwi mbeluli na ukuta mwihoma ligalu we mwilaganila kumwi mbemuli ukwimila ulufuuwo lwa Ulukani Ulunofu.

Avafilipi 1:27 Referans Kwoze

Avaefeso 4:1

Sweno, nene ye ndimunyandinde pakuva ngumupigila Umutwa, nguvagongola mwikalage imikalile igivaje ulukemelo lwemwakemelilwe.

1 Avakolindo 1:10

Vanyalukolo, nene nguvagongola hilo, mwitawa lya Umutwa vetu Yesu Kilisito: muvelage mulaganie kumwi mbemuli mwa mbesili semwilonga, kulemwage ukuva na ulwigawo kwa nyenye; muvelage na amahosa gamwi kangi mwilamulila kumwi mbemuli.

2 Petulo 3:14

Lino, vanyawiyendi vangu, pemuva mwisindila Ikimunyi kila musugunalage hilo ukwiyesa mwiva simwivananga kinu pa Nguluvi, na ukwilamula nave.

Avakolosayi 1:10

Apo pemuhwana ukwikala ndawe lweiwenda Umutwa na mbepali mupigaga isikumunogela umwene. Imikalile jenyu giva giveleka amakowo mbegali ga imigendele iminofu nanye muvina mufigaho ifya ukumukagula Nguluvi.

Yuda 1:3

Nyevende, nditigana hilo, ukuvandikila nyenye ulwa uwupoki we tuhangite pamwi, mbwene lumbaje ukuvandikila na ukuvasukanisa muginage muwupifu ukwimila ulufuuwo lwe Nguluvi akavapelye avanu vakwe avelu sukumwi hela.

1 Avatesaloniki 4:1

Pendidugilisa, vanyalukolo vangu, ye mukiyigise ukuhuma kwa hwehwe lula uluvavaje ukugenda sambi mumunogele Nguluvi. Nachene mukave mwigenda ndahihyo. Lino tukuvasuka nu kuvagongola mwitawa lya Umutwa Yesu mupigage ulunofu ululutye.

Avafilipi 2:12

Vanyalukolo vangu, pende pamwi nanyenye mwavelige na ichoga mbepali na kulino pendili pataali nanyenye, muvelage ni choga ndahihila. Mupigage ifipigo we mwina muhwehwe nu kukuvila ukwimila uwupoki wenyu,

Avafilipi 3:18

Ngavalonje ulu kolofu, nayilino kangi ndipilukila kono wendivemba: Povali avanu wolofu ve imigendele jawo gikuvawuyapa vave vatavangu vaifwa ya Kilisito mumusalaba.

2 Avakolindo 13:11

Pendisindilisa, vanyalukolo vangu nguvatigila twiwonaga! mukwilanikilage, mwinatilage hilo uwigisi wangu, mwilaganila kumwi, mwikalilage mu wikalakunoga. Na Nguluvi umunya uwende na uwikalakunoga ava pamwi na nyenye.

Ifipigo 4:32

Ililugu mbelili lya avevafuuvitwe vevina mutima na inumbula yimwi. Siekwali umunu yungi yeali na ikinu yeatigilige icho chakwe iyena, pesi ulwa vevahanzile mbefili.

2 Petulo 3:11

Lino pakuva mbefili safyanangwa ndahihyo, ngali nyenye luvavaje ukuva mwivanu va kinyandawuli? Luvavaje mwikalage muwelu na ukuva ni choga kwa Nguluvi,

1 Avakolindo 15:58

Sweno, vanyalukolo vangu nyevende, mwimage mukange. Kangi musugunalage mbepali ukumupigila Umutwa muludali, we mukulukagula ulwa ikipigo icho cha ukumupigila Umutwa chemuhele mukumupigila sisakiyaga nangi.

Avalumi 1:16

Singuluwonela inyoni Ulukani Ulunofu, ulwene lwe ludali lwa Nguluvi lwelwakuvapoka mbevali vevifuuwa ukutala Avayudaya neke vase avamyanza.

Yakobo 3:18

Uwugolofu ge maveleko ga inyadikwa se avawenda uwikalakunoga vavivyalila mu wikalakunoga.

Filimoni 1:5

Pakuva ndipulika isa ulufuuwo lwako kulu Umutwa Yesu na uwende wako kuvanu mbevali va Nguluvi.

Tito 2:10

nambi ukuva na kiwokowoko. Ulungi na lulo luvavaje ukwilagila ukuta avene vanu vanofu na avihuvilwa mbepali, sambi kwa ifipigo fyawo mbefili. Vasipele ululumbo ulunofu inzigiso kwa Nguluvi, Umupoki vetu.

2 Timoti 4:7

Ngave mupifu mulwitalaniso, yesinzile ulugendo mbeluli na ulufuuwo ngalugosise.

1 Timoti 1:19

pakwibatililaga ulufuuwo lwako na ulwiyiwuko ulunofu. Avanu vangi sivasipuliki inziyiwuko sawo na mwalulo vafuvanzile ulufuuwo lwawo.

1 Timoti 1:11

Inzigiso iso sihumaga mu Lukani Ulunofu, lwe nene ndapelitwe ndalike. Ulukani Ulunofu lwa Nguluvi umunyandolo na umufunyilile ye nene ndapelitwe ndalike.

Ifipigo 2:46

Nawo vave pevakong'ana mu Tembeli chechekivesaga kimunyi na valisige ifilyo fyawo pamwi mukaye sawo kwa luhekelelo na mutima gwa uwilevesi,

Matayo 12:25

We akugakagula amahosa gawo, ndawe avatigilige, “Uwutwa wewuvesaga wukwigavasa wiyena uwo wawigwa na ukuva wukiva, yisukuli iboma nave ikaye iyakwigavasa yiyene.

1 Avatesaloniki 3:6

Lino Timoti yeapilwike, nave atuletye ing'ani isa uluhekelelo isa ulufuuwo na uwende wenyu. Atulonje ukuta mukutwiwuka mbepali, na ulwa mutususilwe mwiwenda ukutuwona hwehwe ndawe hwehwe lwe tuvasusilwe twiwenda ukuvawona.

Avakolosayi 1:4

Pakuva tukapulike ulwa ulufuuwo lwenyu mwa Kilisito Yesu na uwende wenyu kuvanu mbevali va Nguluvi.

Avafilipi 2:24

Na yinene, ndihuvye mulu Mutwa ukuta nane nywanite ukusa ukwenyu si musika.

Avaefeso 1:15

Nambi kwa lulo, uluhuma ulusika lwe ndapuliche ulwa ulufuuwo lwenyu kulumutwa Yesu, na uwende wenyu ku vanu va Nguluvi,

Avaefeso 1:13

Kangi nyenye mulumwene mukapulike ulukani ulwa nachene, Ulukani Ulunofu ulwa uwupoki, mukamufuuvitwe umwene, mwatemitwe uluhagi ukwimila uluhuviso lwa Umuhe Umwelu.

Avagalatiya 1:7

Neke ulwene lusukuli, “Ulukani Ulunofu ulungi.” Inachene ye iyi ukuta kovali avangi avakuvatindasa nyenye, na avanu vevisaka ukuvayasa mu Ulukani Ulunofu lwa Kilisito.

2 Avakolindo 9:13

Na kwa uwolelesi wewiwoneka wa ikipigo chetu, avanu wolofu vamupela indolo Nguluvi ukwimila uwuhuvilwa wenyu kwa Ulukani Ulunofu lwa Kilisito lwe na kangi ukwimila uwudeke wenyu wemwihanga nawo na avanu mbevali mukwidikila.

2 Avakolindo 4:4

Lino iwo sivifuuwa pakuva yula nguluvi va mung'i avapufise uluhala lwawo sambi valemwe ukuluwona ulung'ali lwa Ulukani Ulunofu lwa indolo sa Kilisito, yula ye lwihwano lwa Nguluvi.

Avalumi 15:29

Ngulukagula ukuta penzusile ukwenyu ndivasila mu uwufunyilile mbewuli wa Kilisito.

Avalumi 15:16

wukuva mukami va Yesu Kilisito kuvanu avamyanza. Icho che kipigo changu cha uwutambisi, ukudalika Ulukani Ulunofu lwa Nguluvi sambi avanu avamyanza vave nambika iyikwidikilwa na Nguluvi, inambika iyesiwe na Umuhe Umwelu.

Avalumi 10:8

Uwandike Uwelu witigila de, “Ulukani ulo lwa Nguluvi lulipipi na veve, luli mumulomo gwako na munumbula yako nalo lwe lula ulufuuwo lwetwidalika.”

Avalumi 1:9

Nguluvi yengumusunyalila inumbula yangu mbeyili mu kudalika Ulukani Ulunofu lwa Umwanakwe, ye molelesi vangu ulwa nguviwuka

Avalumi 1:5

Ukukola mulumwene, nene ndimupele uwuwuya wukuva mwigendo, sambi ukwimila umwene ndivalongose avanu va ing'i mbesili vafuuwe na ukuva na choga.

Ifipigo 24:24

Pefilutye ifilo fikefu, Felisi afisile pamwinga na uvakwe Dulasila yee Muyudaya. Alaje Pawulo vamulete, amupulikise lweilonga ulwa ukumufuuwa Yesu Kilisito.

Avafilipi 1:5

ndiva na ikilumbo ukwimila uwulilumwi we mwinawo mu Lukani Ulunofu uluhuma ikimunyi icha ukutala ukufika neng'ino.

Avafilipi 3:20

Neke hwehwe twivanyang'i va kuchanya, na tusindila we tukalalye umupoki ase ukuhuma kuchanya, Umutwa Yesu Kilisito.

Avafilipi 4:1

Palulo, vanyalukolo vangu, aveende, vendidoboka hilo ukuvawona; nyenye ye muli luhekelelo lwangu na ingela ya muludweso lwangu. Nye veende vangu ulo lwe luvavaje ukwikala mukaye mu kuhanga na Umutwa.