Avaefeso 6:6 - Lufingano Lupya

⁶ Mulemwa kupiga, pevakuvawona hela sambi mwiyendelese kwa avene muvapigilage kwa numbula ngolofu ndawe lweiwenda Nguluvi, pakuva nyenye mwi vakami va Kilisito.

Avaefeso 6:6 Referans Kwoze

1 Avatesaloniki 2:4

Hwehwe mbepali twilonga lula ulukumunogela Nguluvi pakuva atuwene ulwa hwehwe tuhwanite, swe akutupela ulu Ulukani Ulunofu. Si ukuta hwehwe twiwenda ukuvanogela avanu nambi, pesi ulwa twiwenda ukumunogela Nguluvi ye asisele inumbula setu mugati hilo.

Avagalatiya 1:10

Ngali lino ndisaka nani anzidikile, avanu apangi Nguluvi? Ngali ndisaka ukuvanogela avanu? Na wone wemiga lulo, apo nene singe mba ndimukami va Kilisito.

Avaefeso 5:17

Sweno, mulava mwivapuva, neke mugelage ukulukagula lula lweiwenda Umutwa.

1 Petulo 4:2

Uluhuma lino, imikalile igivasigalye umu mung'i givagilwa ukusogoswa na seiwenda Nguluvi, si muwudobokesi wa uwunu.

Avafilipi 2:12

Vanyalukolo vangu, pende pamwi nanyenye mwavelige na ichoga mbepali na kulino pendili pataali nanyenye, muvelage ni choga ndahihila. Mupigage ifipigo we mwina muhwehwe nu kukuvila ukwimila uwupoki wenyu,

Matayo 12:50

Pakuva yula yeipiga isa Dada yealikuchanya ye munyalukolo vangu na yemuhasa vangu na ye yuva.”

Avaebulaniya 13:21

avakwilanisage muchechekivesaga kipigo kinofu, sambi mupigage isimuvaje umwene awuyapage mugati mwa nyenye, ukwimila mwa Kilisito sila isikumunogela umwene. Indolo yivelage kulu mwene, mbepali na mbepali! Ena.

Avaebulaniya 10:36

Lwinoga muvelage vakangalisi, sambi muhwane ukupiga sila seiwenda Nguluvi nu kwanukila kila cheahuvise.

Avakolosayi 1:9

Na ukwimila lulo tukave mbepali tukuvasukila petukwifunya peyetupulike isa nyenye. Tukumusuka Nguluvi avamemye uwuseela uwukwilaniche wa uwende wakwe, avamemyage uluhala mbeluli na ifigaho ifiletwaga uwiletwagwa na Umuhe vakwe.

Matayo 7:21

“Siyeavesaga munu yeakung'emela, ‘Mutwa, Mutwa’ yesaingila ku wutwa uwa kuchanya; pesi yula hela yeipiga sila seaiwenda Dada va nene ye alikuchanya.

1 Yohane 2:17

Ing'i pamwi na ifilimumo mbefili finyakudobosa filutila; neke umunu yeipigaga seiwenda Nguluvi, uyo inana kitasila.

Avalumi 6:17

Nambi pamwandi mwe mwivanyawingi va inzanangifu, neke lino ngumulumba Nguluvi mukinatye kwa inumbula mbeyili uwulagile na inzigiso semukanuche.

Avakolosayi 4:12

Epafala umunu uva ukwenyu umukami va kilisito akuvahungila. Mbepali aakuvasukila kwa wupifu peakwifunya sambi mugine ukukangala, mwime munoge na ukukwilanikila hilo mwa mbesili seiwenda Nguluvi.

1 Petulo 2:15

Pakuva Nguluvi ayiwenda mudogofyage ing'ani mbesili isa uwupuva isa ava avagaya luhala ukwimila ifipigo ifinofu fyemwipiga.

1 Avatesaloniki 4:3

Nguluvi iwenda nyenye muvelage velu na mwilegage mu migendele imyanangifu.

Maliko 3:35

Yeyeavesaga ipiga isa Nguluvi ye munyalukolo, na ye muhasavangu na ye yuvangu.”

1 Avakolindo 7:22

Pakuva yula yakemelitwe nu Mutwa we munyawingi uyo aiva mutemapako kwa Umutwa, lwindahihyo kwa yula yakemelitwe mutemapakwe, aiva munyawingi va Kilisito.