Avaefeso 5:2 - Lufingano Lupya

² Mugendelage uwende, ndawe Kilisito lweatwendite, neke itawule yumwene ave kitawulwa cha inambika iyinung'ilila wunofu na iyikumunogela Nguluvi.

Avaefeso 5:2 Referans Kwoze

Yohane 13:34

Ululagilo ulupya nguvapela mwiyendage, ndawe lwe ndavendite nyenye na yinyenye mwiyendage ndahihyo.

Avagalatiya 2:20

na kulino ndimumi, ulwene si nene kangi pesi Kilisito yeinana mugati mwa nene. Uwumi uwu we ndinana lino, ndinanila mu lufuuwo ukukola Umwana va Nguluvi yeanzendite mbaka awutawule uwumi wakwe ukwimila nene.

Avakolosayi 3:14

Ukulutila kwa iso mbesili mwinatilage uwende, pakuva uwende wawikong'asa mbesili mu wulilumwi uwukwilaniche.

2 Avakolindo 2:15

Pakuva hwehwe twindawe uwunung'ilile wunofu kwa Nguluvi, kwa vala avikombolwa na kwa vala aviyaga.

Tito 2:14

Umwene itawe yumwene ukwimila hwehwe sambi atukombole mu wanangifu mbewuli na ukutwesa tuve twivanu vakwe yumwene, avanu vevidobokela isa uwunofu.

1 Avakolindo 16:14

Na chechekivesaga chemupiga, mupigage mu wende.

Matayo 20:28

Lwindahihyo kwa Umwana va Umunu si aasili ukupigilwa nda pesi ulwa aasile ave mukami va avangi na ukutawula uwumi wakwe sambi luve wukombolwa kwa avanu wolofu ukuhuma munzanangifu sawo.”

1 Petulo 4:8

Ukulutila mbesili mwiyendage kwa mutima gumwi, pakuva uwende wawigubika inzanangifu mbesili.

2 Avakolindo 8:9

Pakuva nyenye ndita muwusele uwuwuya wa Umutwa vetu Yesu Kilisito: nambi umwene, ali mwenafyo va mbefili, nambi ndahihyo iwuyipe mumikaa ukwimila nyenye, sambi nyenye munonele mu wumikaa wakwe.

1 Yohane 3:16

Hwehwe yetuwukagwe uwende che kiki, pakuva Kilisito awutawe uwumi wakwe ukwimila hwehwe. Nahwe lwindahihyo lutuvaje ukuwutawula uwumi wetu ukwimila vanyalukolo vetu.

Uwugubulilwe wa Yohane 1:5

na ukuhuma kwa Yesu Kilisito, umolelesi umuhuvilwa, uva ukutala ukusilibulwa uluhuma kuvafwe, na umwene ye mutema va avatwa va mung'i. Umwene atwenda, na kwa idanda yakwe atudindulye uluhuma mundinde isa inzanangifu setu,

Avaebulaniya 9:26

wone lweluve ndahihyo, Kilisito lwelumuvagila ukuteseka kolofu uluhuma ukugawa kwa ing'i. Neke lino imisika igi pegihegelela kuwusililo wayo, umwene awonike sukumwi hela, ukuhesa inzanangifu kwa ukwitawula yumwene nambika.

Avaebulaniya 9:14

Mbi idanda ya Kilisito, sisailutisa ya ukukola mu muhe va mbepali itawe yumwene we mugaya wulongwa fibi ofuga inziyiwuko senyu uluhuma mumipigile iminofu sambi mumupigile Nguluvi umumi.

1 Timoti 2:6

ye itawe yumwene ukuvakombola avanu mbevali uwukombolwa wesawolelelwa palusika ulukwilaniche.

Avaefeso 4:15

Wone twinatile inachene munumbula ya uwende tugina ukuvina mwa mbesili ukutegana na Kilisito, umwene ye mutwe;

1 Yohane 3:23

Ululagilo lwakwe lwe ulu: Ukumufuuwa umwanakwe Kilisito, nu kwiyenda ndawe lweatulajee.

1 Timoti 4:12

Utanage ukwidikila umunu yeyeavesaga ukubedala veve pakuva wimunyakilambo, neke ukalalilage ukuva cholelesi ikikwigwa na avafuuvitwe, mumilongele jako, mumigendele minofu, uwende, ulufuuwo na imikalo minofu.

1 Avatesaloniki 4:9

Sikololi lukani lwa ukuvandikila ulwa ukuvenda vanyalukolo venyu avafuuvitwe. Nyenye, yenyenye ye mukigisiwe na Nguluvi lula uluvavaje ukwiyenda.

Avaefeso 4:2

Muvelage mbepali muvilevesi, muvalele, muvanya mola, mwikangalilage yinyenye kwa yinyenye mu wende.

Avaefeso 3:17

nave Kilisito ikalage mugati umwenyu mulufuuwo. Ngumusuka mupelwe indela na ulutu mu wende

Avagalatiya 1:4

Kilisito itawe yumwene ukwimila inzanangifu setu, sambi atupoke mung'i iyi iyinyawanangifu iyalino.

Uwugubulilwe wa Yohane 5:9

Sweno, ndawe vimbige ulwimbo ulu ulupya: “Veve winogela ukutegula icho ikitabu na ukuhesa indoni sacho. Pakuva veve wimudumule, na ukukola idanda yako yeumugulye Nguluvi avanu uluhuma mung'olo mbesili, indongele, amalugu, na avanu va ing'i mbesili.

Avaebulaniya 9:23

Ifinu ifi fye wita mwigigi hela gwa ifinu ifya nachene fya kuchanya, lwafivaje ukofugwa mung'asi yiyo. Neke ifinu fya kuchanya sifiguluma inambika inofu hilo iyilutye.

Avaefeso 3:19

Ena, sambi muwukagule uwende wa Kilisito uwulutye uwimbi mbewuli, mumemage hilo uwukwilanifu mbewuli wa Nguluvi.

Avalumi 8:3

Nguluvi akakwisise ulukani lula lwe indagilo sisahwaniti ukukwisa uwimila uwuhomefu wa uwunu. Nguluvi amuletite umwanakwe iva ina muvili ugutegine ni mivili jetu hwehwe vanyanzanangifu, sambi ihome na inzanangifu, na kwa umuvili gugo adwesise inzanangifu.

Avaefeso 5:25

Nayinyenye nye vagosi, muvendage avenyu ndawe Kilisito lwe alyendite ilikanisa, neke itawulage yumwene ave nambika ukwimila likanisa.

1 Avakolindo 5:7

Ino, mwiyesage nu kutaga kutaali uwuhahu wa pidaha, wa uwananzi, sambi muve vapya uwuhahu ndawe mwiwali. Pakuva Kilisito ye ng'olo ya Pasaka vetu umutawule ave nambika.

Avalumi 4:25

Umwene yemutawule afwe ukwimila inzanangifu na asilibwike sambi hwehwe tuve twivagolofu.

Yohane 6:51

Nene ye nene nde mukate ugwa uwumi gwegwasile uluhuma kuchanya. Yeyeavesaga munu yealye umukate ugu saanana mbepali; na umukate gwe nawula nene gu muvili gwangu sambi ing'i yinane.”

Avalumi 8:37

Neke, mwa mbesili iso, twiva tusuumite pakomi kwa uwutanzi wumwene yeatwenda.

Avalumi 15:16

wukuva mukami va Yesu Kilisito kuvanu avamyanza. Icho che kipigo changu cha uwutambisi, ukudalika Ulukani Ulunofu lwa Nguluvi sambi avanu avamyanza vave nambika iyikwidikilwa na Nguluvi, inambika iyesiwe na Umuhe Umwelu.

2 Avakolindo 2:14

Neke, nene ngumulumba Nguluvi yakutusogosa mbepali sambi tudwese kwa uwutanzi wa Kilisito. Umwene akututanga tutagalise uwa nachene wa Kilisito wita wanda hwehwe twinung'ilila wunofu, baha pavesaga.

Avaefeso 1:4

Nguluvi atuhagwe pe na ing'i wesiyilagawa, sambi tuve vanu vakwe mukuhanga na Kilisito, sambi tuve twivelu twivagaya uwananzi palumwene, ukwimila uwende wakwe.

Avaefeso 5:15

Sweno, mwikomalilage lwe mwigenda: mulikala ndawe avapuva, pesi ulwa muvelage ndawe vanu avasugu.

Avafilipi 4:18

sweno, yenzanuche ifinu mbefili fyemukameelye, kangi filutye mula mwengasakilige. Ndinafyo mbefili lino pakuva Epafolodito yeandetye ifipelwa fyenyu. Ifipelwa ifi fiva nda nambika iyinung'ilila wunofu, ikitawulwa chekikwidikilwa na ukumunogela Nguluvi.

Avaebulaniya 8:3

Yeyeavesaga mutambisi muhagule ukumutawulila Nguluvi ifitawulwa na inambika, na palulo nayi mutambisi Umuvina vetu lumuvaje avelage na ikinu cha ukutawulila inambika.