Avaefeso 4:5 - Lufingano Lupya

⁵ Koyuli Mutwa yumwi, lufuuwo lumwi nu wubatiso wumwi;

Avaefeso 4:5 Referans Kwoze

1 Avakolindo 8:6

nambi ndahihyo, kwa hwehwe kwali Nguluvi yumwi hela; Dada, mugafi va mbefili, ye kwa ukwimila yumwene hwehwe twikwali. Kangi pwali Umutwa yumwi hela, Yesu Kilisito, ye kwa ukwimila umwene ifinu mbefili fyagafilwe, na hwehwe twiva wumi kwa uludali lwakwe.

1 Avakolindo 12:13

Pakuva hwehwe, yetwi Vayudaya na apangi twivanu va ing'i isingi, twivanyawingi na apangi twivatemapetu, mbetuli twivabatise kwa Umuhe yuyo uyumwi; na mbetuli twanywesiwe Umuhe yuyo uyumwi.

1 Petulo 3:21

ulwe kiganiso cha uwubatiso wewukuvapoka nyenye lino. Uwubatiso siwita hela wihesa ilikwi mumuvili, pesi lwe luhuviso lwa Nguluvi ulwipigikila mulwiyiwuko ulunofu. Lukuvapoka ukukola ulusilibuko lwa Yesu Kilisito,

Avalumi 3:30

Nguluvi yeiyena, nave avanosa Avayudaya vave vagolofu kwa ulufuuwo lwawo na avamyanza nawo kwa ulufuuwo lwawo.

Matayo 28:19

Ino mubitage mukavapitule avanu mbevali ava konivala vave vanyigendo vangu, mukavabatise mwitawa lya Dada, Umwana na Umuhe umwelu.

1 Avakolindo 1:13

Mbi, Kilisito akigavite? Mbi, Pawulo yeatumbikwe ukwimila nyenye? Na kangi tutigile, mbi mwabatisiwe mwitawa lya Pawulo?

Yuda 1:3

Nyevende, nditigana hilo, ukuvandikila nyenye ulwa uwupoki we tuhangite pamwi, mbwene lumbaje ukuvandikila na ukuvasukanisa muginage muwupifu ukwimila ulufuuwo lwe Nguluvi akavapelye avanu vakwe avelu sukumwi hela.

2 Avakolindo 11:4

Pakuva umunu yeyeavesaga akusa nu ukumudalika Yesu uyungi na yula yetwamudalike, nyenye mukumwanukila uyo mugalalwike, apangi mukugufuuwa umuhe na uwudalisi uwungi wesiwukwiyidikisa na lula Ulukani Ulunofu lwemwanuche ukuhuma kwa hwehwe.

Avafilipi 2:11

na umunu yeyeavesaga idikile ukuta Yesu Kilisito ye Mutwa mundolo sa Nguluvi Dada.

Avaefeso 4:13

na palulo mbetuli tuwufikile uwulilumwi wa ulufuuwo na ukumukagula hilo Umwana va Nguluvi; tuve vanu yetukange nu kuwufikila uwukwilanifu wakwe Kilisito yumwene.

Avagalatiya 5:6

Pakuva wone yetuhanzile na Kilisito Yesu, ukuwoolwa nambi uwutawoolwa uko kufwaha hela, ikikomi ipo lwe lufuuwo ulwipigaga ikipigo muwende.

1 Avakolindo 12:5

Posili ng'asi nzolofu isa ukupigila, neke Umutwa yeipigilwa ye yumwi.

1 Avakolindo 1:2

Kulikanisa lya Nguluvi lyelili uko ku Kolindo. Nyenye mukesiwe kwa ukuhanga na Kilisito Yesu, mwakemelitwe sambi muve vanu va Nguluvi mwiva pamwinga na avanu mbevali, vevakumusunyalila Umutwa vetu Yesu Kilisito, ye Umutwa vawo na vetu na hwehwe.

Yuda 1:20

Neke nyenye, vanyawende vangu, muginage ukuvina hilo mulufuuwo lwenyu ulwelu, mwifunyage muludali lwa Umuhe Umwelu,

Avaebulaniya 13:7

Muviwukage avalongosi venyu vevavadaliche ulukani lwa Nguluvi. Mwihosage hilo sa imigendele jawo, mukigage ulufuuwo lwawo.

Avaebulaniya 6:6

Sweno, ndawe valulekige ulufuuwo lwawo! Siluhwaniti ukuvapilula kangi vahongese, pakuva yevakumutumbika kangi Umwana va Nguluvi nu kumuhongela inyoni pavanu.

Tito 1:4

Ngukwandikila veve Tito ve mwanangu va nachene ukukola ulufuuwo lwetwihanga mbetuli. Ngukusukila uwuwuya na uwikalakunoga ukuhuma kwa Nguluvi Dada, na ukuhuma kwa Kilisito Yesu, umunyakutukombola.

Tito 1:1

Nene Pawulo, umukami va Nguluvi na umwigendo va Yesu Kilisito, ngwandika. Nene ndimuhagule ukulukangasa ulufuuwo lwa avahagule va Nguluvi na uwukagule uwuling'ana na isa uwelu,

Avafilipi 3:8

Ino ndivalila chechekivesaga ukuta ukufwaha hela, penditeganisa ulwa uwunofu uwa ulamukagula Kilisito Yesu Umutwa vangu. Na mulumwene ngidiche ukufilekela ng'ani mbefili, ngufiwona ifyo nda mahwahwa sambi nzambule Kilisito.

Ifipigo 10:36

Na ulu lwe lukani lwe Nguluvi avasindiche avana va Isilaeli, idalika ulukani ulunofu ulwileta uwikalakunoga ukukola kwa Yesu Kilisito Umutwa va mbevali.

Ifipigo 2:36

“Na avanu mbevali va mu Isilaeli lwinoga valukagule hilo nachene ulwa uyo Yesu yemwamutumbike, ye yuyo ye Nguluvi amuwuyipe ave Mutwa na Mesiya.”

2 Petulo 1:1

Simoni Petulo, umukami na umwigendo va Yesu Kilisito. Kwa nyenye mbemuli yemukanuche ulufuuwo ululing'ene na ulwa hwehwe muwugolofu uwa Nguluvi vetu na umupoki Yesu Kilisito.

Yakobo 2:18

Neke umunu ahwanite atigile, “Veve wina ulufuuwo, nane ndina ifipigo!” Ena! Mundagilage lwe umunu ahwanite ave na ulufuuwo ulugaya ifipigo, nani ndivalagila ulufuuwo lwangu ukukola ifipigo fyangu.