Avaefeso 4:21 - Lufingano Lupya

²¹ Neke lulipawelu ukuta mwapulike wunofu ing'ani sakwe, na pakuva nyenye mukumuninila, mwivigisi inachene weyiwali mwa Kilisito.

Avaefeso 4:21 Referans Kwoze

1 Yohane 5:20

Tukulukagula kangi ukuta Umwana va Nguluvi akasile, ukutupela uwukagusi sambi tumukagule Nguluvi uva nachene; twikale mu uwulilumwi na Nguluvi uva nachene mukuhanga na Umwanakwe, Yesu Kilisito. Uyu ye Nguluvi uva nachene, na uwu we wumi uwutasila.

Avaefeso 1:13

Kangi nyenye mulumwene mukapulike ulukani ulwa nachene, Ulukani Ulunofu ulwa uwupoki, mukamufuuvitwe umwene, mwatemitwe uluhagi ukwimila uluhuviso lwa Umuhe Umwelu.

Avakolosayi 2:7

Luvavaje muyavilage indela mulumwene, uwunani wenyu wimilage hilo mulumwene, nu kukangala mulufuuwo lwenyu, ndawe lwemwigisiwe. Na muvelage mumemile ululumbo.

Yohane 14:17

Ye Muhe, vanachene yesianukilwa na avanu va ing'i, pakuva sivakumuwona nambi ukumukagula. Neke nyenye mukumukagula, pakuva akwikala kwa nyenye nave ava mugati mwa nyenye.

2 Avakolindo 11:10

Ngwihuvisa ukwimila uwa nachene mwa Kilisito we wuli mugati mwa nene, ulwa kisukuli ikinu chekihwana ukunanila ukwihala mulukani ulo apono baha pavesaga mu Akaya.

2 Avakolindo 1:20

Pakuva mulumwene inyuviso mbesili sa Nguluvi sikave “Ena, Nambi kwa lulo “Ena” yetu yilongwa ukwimila umwene, ukumupela indolo Nguluvi.

Yohane 14:6

Yesu amupitwe, “Nene ye ng'asi, inachene na uwumi, sikwali umunu yeabita kwa Dada pesiakweti kwa nene.”

Yohane 10:27

Ing'olo sangu sasipulika iliswi lyangu; na ndisikagwe, na sasikuninila.

Yohane 1:17

Pakuva ululagilo lwasile ukukola mwa Musa, uwuwuya na uwanachene fyasile ukukola mwa Yesu Kilisito.

Luka 10:16

Sweno ndawe atigilige yakuvapulikisa nyenye akumulikisa nene, “Yula yeyeavesaga akuvapulika nyenye akumulika nene, na yeakubihila ukuvanukila nyenye, ibihila ukunzanukila nene. Na yeyeavelage akumbihila ukunzanukila nene ibihila ukumwanukila yula yeanumite.”

Matayo 17:5

Petulo we pealonga, ilifufu lyelu lyaasile pevevipwali neke iliswi lyahumite mwifufu litigila, “Uyu ye Mwanangu umwende vangu, yendinogelwa nave, mu mupulikage yuyo.”

Avalumi 10:14

Mbino vamusuka ndawuli wone sivalamufuuwa? Na kangi; vamufuuwa ndawuli wone sivalapulika ing'ani sakwe? Na vapulika ndawuli ing'ani sakwe wone asupali umudalisi?

Avaefeso 2:17

Sweno, Kilisito aasile idalika Ulukani Ulunofu lwa uwikalakunoga kwa nyenye mwe vanu va ing'i isingi yemwe pataali na Nguluvi, na kangi kwa Avayudaya avali pipi na Nguluvi.

Avakolosayi 1:5

Pelufikite lula ulukani ulwa nachene, Ulukani Ulunofu ulwasile pakutala kwa nyenye mwapulike ulwa uluhuvi ulwihuma umo ino ulufuuwo na uwende lukwimila mu luhuvi lulo, lwemwivavikile wunofu kuchanya.

Avakolosayi 1:6

Ulukani Ulunofu lwigina ukuveleka nu kutagalila mung'i mbesili ndawe we lukapigite ukwenyu nyenye uluhuma ikimunyi kila pemwalupulike lwilongwa ulwa uwuwuya wa Nguluvi na ukuyikagula inachene.