Avaefeso 4:12 - Lufingano Lupya

¹² Apigite ulo sambi avagelanise avanu mbevali va Nguluvi uwimila ikipigo cha Kilisito sambi umuvili gwa Kilisito gusengwe,

Avaefeso 4:12 Referans Kwoze

Avaefeso 4:16

pasi pa uwulongola wakwe, ifigawamuvili mbefili fya umuvili pefihangila, nu muvili mbeguli gwisikimala kwa uwutanzi wa ifigawamuvili fyakwe, sweno, ikigawamuvili chechekivesaga kikwisage ikipigo chakwe ulukivaje, umuvili mbeguli gwivina nu kwisenga mu wende.

1 Avakolindo 12:27

Sweno, nyenye mbemuli mwi muvili gwa Kilisito na yeyeavesaga iva kigawamuvili cha umuvili gugo.

Avalumi 15:14

Vanyalukolo vangu, nene yinene, ngulukagula nachene ukuta nyenye mumemile uwunofu, na uwimbi mbewuli, na muhwanite ukwiyisa yinyenye kwa yinyenye.

1 Avakolindo 14:26

Vanyalukolo, tulonge kiki, lino? Pemwikong'ana uyumwi ina lwimbo, uyungi lwigiso, uyungi uwugubulilwe indongele ingenzi apangi uwuganusi. Mbesili sivelage kwa ukulitanga likanisa.

Avalumi 14:19

Sweno, twinatilage mbepali ing'ani isiletaga uwikalakunoga na isikututanga ukwisenga yihwehwe kwa yihwehwe.

1 Timoti 1:12

Ngumulumba Umutwa vetu Yesu Kilisito yeamelye uludali mu kipigo changu. Ngumulumba pakuva ambwene nene ukuta nywanite swe akunyagula ndimupigile,

1 Avakolindo 14:12

Sweno, lwindahihyo na kwa nyenye, pakuva mwidoboka ukuva na ifipelwa fya Umuhe, musugunalage hilo, ukwanukila ifipelwa fila fyefikulitanga likanisa.

Avaebulaniya 13:17

Muvelage na ichoga ku valongosi venyu nu kwinatila indagilo sawo; avene vahele vilolela inumbula senyu, pakuva sawolelela isa uwupisi wawo kwa Nguluvi. Muvaleke vapige ifipigo fyawo kwa luhekelelo, si wuhuguvafu, na pa ulo nyenye simwambula uwinome.

Avaebulaniya 6:1

Sweno, tusilekage inzigiso isa pamuvango isa Kilisito na tubitage kidonya ku nzigiso isa kivina, tulavika ulutu ulungi ulwa ukupela ukuhuma mufipigo ififwe na isa ulufuuwo ulwidonya kwa Nguluvi.

2 Avakolindo 6:3

Sambi ukupiga kwetu kulemwe ukulongwa fibi na umunu yeyeavesaga, sitwiwenda ukumuvikila yeyeavesaga ikikuvaso chechekivesaga.

2 Avakolindo 5:18

Mbesili isi che kipigo cha Nguluvi umunya kutulamula hwehwe nave, ukwimila Kilisito, swe akutupela nahwe ulwa ukuvalongela avangi vilamule nave.

Luka 22:32

Neke ulwene ngusuche veve ulwa ulufuuwo lwako lulatindagila, nave pupitwike ukangasage vanyalukolo vako.”

2 Timoti 4:5

Neke, veve wikalage, miho mwa mbesili, kangalilage ineseko, pigage ikipigo cha uwudalisi wa Ulukani Ulunofu kwisage hilo ikipigo chako.

Avakolosayi 4:17

Mumulongelage Alikipo, akomalilage ukukwisa ikipigo kila cheapelitwe na Umutwa.

Avakolosayi 1:28

Na ukwimila lulo tukumudalika ku vanu mbevali; tukuvakenyela na ukuvigisa mbevali muluhala mbeluli, sambi tumulete yeyeavesaga kwa Nguluvi iva akange mukuhanga na Kilisito.

Avakolosayi 1:24

Na kulino ndihekelela penditeseka ukwimila nyenye, pakuva ukukola uluteseko lwangu umu mung'i, nyele nditanga ukukwisa kila chekikepa muneseko sa Kilisito ukwimila umuvili gwakwe, likanisa.

Avaefeso 1:23

Likanisa gwe muvili gwa Kilisito, na uwukwilanifu wakwe yumwene yeikwilanisa mbefili na apono bahapavesaga.

2 Avakolindo 12:19

Apangi mukwihosa ukuta mbaka kulino hwehwe tukaali petwiyaamila kanisa pa nyenye! Neke ulwene tuhele twilongela ing'ani isi pa Nguluvi, kono we tuhanzile na Kilisito. Neke ing'ani isi mbesili sikwimila ukuvawuyapa wunofu nyenye vanyawende vetu.

2 Avakolindo 7:1

Sweno, Vanyawende vangu, kono we twivapele inyuviso isi mbesili, twiyeesage mwa mbesili sesihwanite ukutifusa imivili na inumbula setu, sambi tuve tweesile hilo, na twikalage we tukumogopa Nguluvi.

2 Avakolindo 4:1

Sweno, Nguluvi kwa ulusungu lwakwe ulukomi, atupelye ikipigo iki nambi nahwe sitwifulugala.

2 Avakolindo 3:8

sweno, uwupisi wa Umuhe wina indolo isilutye hilo.

1 Avakolindo 14:14

Pakuva, wone ngwifunyila mu ndongele ingenzi inumbula yangu hela ye yikwifunya, neke uluhala lwangu lwisigala lugaya kinu.

Avalumi 15:29

Ngulukagula ukuta penzusile ukwenyu ndivasila mu uwufunyilile mbewuli wa Kilisito.

Avalumi 15:2

Yeyeavesaga munu mwa hwehwe lumuvaje amunogelage munyafivawo vakwe muwunofu, sambi uyo isenge mulufuuwo.

Avalumi 12:7

Umunyakipelwa cha uwupisi nave akipigilage lulo. Uwunyakipelwa cha uwigisi avelage mwa lulo.

Ifipigo 20:28

Mwikomalilage yunyenye; muligosage lila lilugu lye Umuhe Umwelu akavavisile nyenye muve valongola va ilikanisa. Mulikwamilage likanisa lya Nguluvi lyealigusile kwa idanda ya Umwanakwe.

Ifipigo 20:24

Nene, sindihosa hilo ulwa uwumi wangu ukuva kinu hilo kwa nene pesi kula ukukwisa na ukusinda ikipigo chendatumitwe na ukupelwa na Umutwa Yesu sambi migage, kwekutigila ndalikage ulukani ulunofu lwa uwuwuya wa Nguluvi.

Ifipigo 11:23

Avelige ifika uko na ukwilavila uwuwuya wa Nguluvi kuvanu vala, ahekelye na ukuvasukanisa mbevali vaginage muwuhuvilwa wawo kulu Mutwa.

Ifipigo 9:31

Ulusika ulo ilikanisa mbelili lya mu Yudaya, na mu Galilaya na mu Samaliya lyave muwikalakunoga. Ilikanisa lyaginite ukongelekela na ukusikimala mu choga kulu Mutwa na ukoloka avanu mu ludali lwa Umuhe Umwelu.

Ifipigo 1:25

sambi ahalile mukipigo nu wigendo uwu, weawulesile Yuda, neke ibitilage apakwe yumwene.”

Ifipigo 1:17

Pakuva Yuda alimuyetu na hwehwe, pakuva alimuhagule ukuhanga na hwehwe mukipigo iki.” (

2 Timoti 4:11

Luka, iyena hela yeakasige pamwi na nene ipa. Wusage na Maliko, pakuva ahwana ukunanga mukipigo changu.

Avaefeso 4:29

na ing'ani sa uwaafu silapulisa kangi kwa nyenye; mbepali ing'ani senyu sivelage nofu na isihwanite sivasenge nu kuvatanga avangi, sambi sivapele uwuwuya avipulikisa.

Avaefeso 4:4

Koguli muvili gumwi nu Muhe yumwi, ndawe uluhuvi lumwi lwemwakemelilwe.

2 Avakolindo 13:9

Neke ulwene twihekelela ukuta twivahomefu, neke nyenye mwina ludali, nambi tukuvasukila nyenye muwufikile uwukwilanifu.

1 Avakolindo 12:7

Yeyeavesaga munu aipelwa uwenzelufu wa Umuhe kwa uwambule wa mbevali.

Avalumi 12:5

Lwindahihyo nambi hwehwe twiwolofu, twimuvili gumwi pamwi na Kilisito, na yeyeavesaga munu iva lubali lwa umuyagwe.

2 Avakolindo 13:11

Pendisindilisa, vanyalukolo vangu nguvatigila twiwonaga! mukwilanikilage, mwinatilage hilo uwigisi wangu, mwilaganila kumwi, mwikalilage mu wikalakunoga. Na Nguluvi umunya uwende na uwikalakunoga ava pamwi na nyenye.