Avaefeso 4:10 - Lufingano Lupya

¹⁰ Sweno, uyo yeasulunwike pa ing'i ye yuyo yeahele kuchanya hilo sambi afimemye mbefili.

Avaefeso 4:10 Referans Kwoze

Avaebulaniya 7:26

Sweno, Yesu ye mutambisi umuvina yeakwilaniche hilo mu wugulumu wetu. Umwene mwelu, mugaya wananzi nambi nzanangifu mulumwene; asumuli mwa vanyanzanangifu na apelitwe indolo mbaka kuchanya.

Avaebulaniya 4:14

Sweno, lutuvaje ukwinatila hilo ulufuuwo lwetukulwidikila. Pakuva twinave Umutambisi Umuvina yeinje mbaka kwa Nguluvi yumwene—Yesu, Umwana va Nguluvi.

Avakolosayi 2:9

Pakuva, mugati mwakwe Kilisito muwunu wakwe, mowoli uwukwilanifu mbewuli wa Nguluvi,

Avakolosayi 1:19

Pakuva Nguluvi alamwe uwukwilanifu wakwe wave mulumwanakwe.

Matayo 24:34

Nachene nguvalongela, imbegalo iyi siyilutila mbaka ifi mbefili peyefikwilye.

1 Timoti 3:16

Pagaya kusina ukwimila uwukomi wa ikinyele cha ulufuuwo lwetu. Awonike mu lwihwano lwa umunu, olelilwe na Umuhe ukuta mugolofu, awonike kwa vanyivaha, adalikwe ku vamyanza, vamufuuvitwe mung'i mbeyili inwilwe kuchanya mu ndolo.

Avaefeso 3:19

Ena, sambi muwukagule uwende wa Kilisito uwulutye uwimbi mbewuli, mumemage hilo uwukwilanifu mbewuli wa Nguluvi.

Ifipigo 1:9

Avelige ilonga iso, mbevali wevakumulava ndawe, anyanyuligwe kuchanya; lifufu limusikage pamiho gawo sivamuweni kangi.

Avaebulaniya 8:1

Sweno, ululutye mwa mbesili setwilonga lwe ulu: hwehwe twinave Umutambisi Umuvina yeindahihyo, yula ye akong'ome kundyo kwa ikigoda cha uwutwa cha umunyaludali Nguluvi kuchanya.

Ifipigo 3:18

Neke Nguluvi lweasikwisise ndahihyo, sila sealaje idaha ikola imilomo ja avavisi mbevali, ulwa Kilisito vakwe saateseka.

Ifipigo 2:33

Yesu akung'umikwe pachanya mbaka kulubali lwa kundyo kwa Nguluvi, na ukwanukila ukuhuma kulu Dade kila ikipelwa cha Umuhe Umwelu, che alavahuvise nambi isi mbesili semukusiwona lino nu kupulika, kwe kwiswa kwa uyo Umuhe.

Ifipigo 1:11

Swe vitigila, “Nyela mwevanu va mu Galilaya! mbi ndawuli mwimite mwilava kuchanya? Yesu uyu yeibita kuchanya ukuhuma kwa nyenye saasa kangi ndahihyo ndawe lwemumuwene ibita kuchanya.”

Yohane 19:36

Pakuva iso save ndahihyo sambi Uwandike wukwile “Sipokili ikisege chakwe chesakidenywa.”

Yohane 19:28

Yesu alukagwe ulwa mbesili yesikwilye; na sambi Uwandike Uwelu wukwilye atige, “Ng'elwike.”

Yohane 19:24

Ndawe Avanyigalu valonganige ulwa, “Tulademulasa tuyitovele isimbi sambi yive ya nani.” Ulu lwapigike sambi wukwile uwandike Uwelu uwitigila: “Vagavine imyenda jangu, na yisopeka yangu vatovye isimbi.” Na ulu lwelwene lwevapigite avanyigalu.

Yohane 1:16

Ukuhuma mumikwilanikile jakwe hwehwe mbetuli twanuche uwufunyilile wa uwuwuya wolofu.

Luka 24:44

Ndawe avatigilige, “Iso se ng'ani sangu sendavalongelige, pende ndilipamwi na nyenye ukuta luvaje sikwilage mbesili sendandikilwe mu ndagilo sa Musa na muwuvisi na mukitabu cha Sabuli.”

2 Avakolindo 12:2

Ndimusele umunu uyumwi mwa Kilisito, ye kwa imyaka minyichumi na gitayi lino igilutye, umunu uyo emwegule nu kusindikwa kuchanya kula ukwa wudatu (singulukagula wone e mumuvili apangi mu muhe; Nguluvi ye alukagwe)