Avaefeso 3:7 - Lufingano Lupya

⁷ Nane ndawuyipwe mbe mukami va Ulukani Ulunofu ukwimila uwuwuya wakwe Nguluvi uwuliyena, weamelye muludali lwakwe ulukomi.

Avaefeso 3:7 Referans Kwoze

Avaefeso 1:19

uwukomi uwulutye wa uludali lwakwe mwahwehwe yetwifuuwa ukuling'ana na ikipigo cha uludali lwakwe ulukomi,

Avaefeso 3:20

Kulumwene ye kwa uludali lwakwe ulwipigaga ifipigo mugati umwetu ahwana ukupiga ingomi ukulutila mbesili setuhwanite ukumusuka nambi ukwihosa,

Avaefeso 3:2

Ndihuvye ukuta mukapulike ukuta Nguluvi, kwa uwuwuya wakwe, amelye ikipigo iki sambi nyenye mwambule.

2 Avakolindo 3:6

pakuva umwene yeileka tulupigile ulufingano ulupya lwesi lufingano lwa indagilo inzandike, pesi ukuta ulufingano lwa Umuhe. Pakuva indagilo inzandike sasiwulaga, neke Umuhe ayileta uwumi.

Avaebulaniya 13:21

avakwilanisage muchechekivesaga kipigo kinofu, sambi mupigage isimuvaje umwene awuyapage mugati mwa nyenye, ukwimila mwa Kilisito sila isikumunogela umwene. Indolo yivelage kulu mwene, mbepali na mbepali! Ena.

1 Avatesaloniki 2:13

Kangi twina lukani lungi ulwa ukumulumba nguluvi: petwavaletelige ulukani lwa Nguluvi, nanye mwalupulike, swe mukulwanukila, si wita lukani lwa munu, pesi wita lukani lwa Nguluvi, nachenne welwiwali. Pakuva Nguluvi ahele ipiga mugati umwenyu nyenye ye mwifuuwa.

Avakolosayi 1:29

Sambi lupigike ulu nene ndipiga ikipigo kwa kukangala ndikola uludali ulukomi lwa Kilisito ulwipiga mugati mwanene.

1 Avakolindo 15:10

Neke, kwa uwuwuya wakwe Nguluvi, ngave de lwendiwali, na uwuwuya wakwe Nguluvi we si wa malanga. Nene ngapigite ukulutila mbevali; neke siyinene nachene, pesi uwuwuya wa Nguluvi wewipiga pamwi na nene.

1 Avakolindo 3:5

Mbi Apolo ye nani? Na Pawulo yenani? Hwehwe twivakami hela yetwavaletye nyenye ulufuuwo. Yeyeavesaga mwahwehwe ipiga ikipigo che apelitwe nu Mutwa.

Avalumi 15:16

wukuva mukami va Yesu Kilisito kuvanu avamyanza. Icho che kipigo changu cha uwutambisi, ukudalika Ulukani Ulunofu lwa Nguluvi sambi avanu avamyanza vave nambika iyikwidikilwa na Nguluvi, inambika iyesiwe na Umuhe Umwelu.

Avalumi 1:5

Ukukola mulumwene, nene ndimupele uwuwuya wukuva mwigendo, sambi ukwimila umwene ndivalongose avanu va ing'i mbesili vafuuwe na ukuva na choga.

Avaefeso 4:16

pasi pa uwulongola wakwe, ifigawamuvili mbefili fya umuvili pefihangila, nu muvili mbeguli gwisikimala kwa uwutanzi wa ifigawamuvili fyakwe, sweno, ikigawamuvili chechekivesaga kikwisage ikipigo chakwe ulukivaje, umuvili mbeguli gwivina nu kwisenga mu wende.

Avaefeso 3:8

Nene yendi mudodo ukulutila avanu mbevali va Nguluvi; neke ulwene ndimupele uwuwuya wakwe, sambi ndivadalikile avanu va ing'i isingi uwunono wakwe Kilisito uwugaya kigelo,

Avagalatiya 2:8

Pakuva, yula yealesile Petulo ahwane ukuva mwigendo kwa Avayudaya, ye yuyo yealesile nane nywane ukuva mwigendo kwa avanu avamyanza.

2 Avakolindo 4:1

Sweno, Nguluvi kwa ulusungu lwakwe ulukomi, atupelye ikipigo iki nambi nahwe sitwifulugala.

Ifipigo 9:15

Neke umutwa amutigile, “Veve bite hela, pakuva nene ndimuhagwe amigile, adalike ilitawa lyangu kwa vesivamuseli Nguluvi (avamyanza) na avatwa vawo na kuvana va Isilaeli.

Avalumi 12:3

Ukwimila uwuwuya weamelye Nguluvi nguvalongela nyenye mbemuli: mulidudumba ukuta mwina kinu ikilutye mwilutisa kwa lula uluvavaje luvelage. Amahosa genyu gavelage gakwilaniche ikigelo cha ulufuuwo lwe Nguluvi amugavye yeyeavesaga mumu.