Avaefeso 3:10 - Lufingano Lupya

¹⁰ sambi lino, kwa ukukola likanisa, avavina na vanyalulumbo va kuchanya valukagule uluhala lwa Nguluvi ululi polofu.

Avaefeso 3:10 Referans Kwoze

1 Petulo 1:12

Nguluvi avagubulye ukuta ulusika pevalongige siso ing'ani se nyenye umo yemupulike ukuhuma kwa vala avatume vevavalaaliche Ulukani Ulunofu ukukola uludali lwa Umuhe Umwelu yeatumitwe uluhuma kuchanya, ikipigo chawo siche kwa ukwambula kwawo avene, pesi ukwimila nyenye. Iso se ng'ani se na vanyivaha vake vawenda ukusikagula.

Avaefeso 6:12

Pakuva iligalu lyenyu si ligalu lya hwehwe na umunu, pesi iligalu lya hwehwe na ililugu ilyanangifu lya mung'i lya ikinyamuhe; tukwihoma na avatema, avavina na vanyaludali avayitemite ing'i iyi iyinya lwisa.

1 Avakolindo 2:7

Uluhala lwetwikola hwehwe, lwe luhala lwa ulukani lwa Nguluvi ululi ku kinyele, uluhala ulufihe, lwe luhala lwe Nguluvi ealugafile uluhuma pidaha ukwimila indolo setu.

Avalumi 11:33

Uwunono na uluhala na uwuseela wa Nguluvi uwukomi ukulutila! Na ulusungu lwakwe silwawulongo! Na ing'asi sakwe nalamu ukukagulanika! Ndawe Uwandike Uwelu wewitigila:

Avaefeso 1:21

Uko, Kilisito atemile muvalongola mbevali, uwuvina na uludali na uwutwa mung'i uwuvina wewewuvesaga wewitambulwa mung'i umu na kung'i iyikusa.

Avaefeso 1:3

Alumbwagwe Nguluvi na Udade va Umutwa vetu Yesu Kilisito! Pakuva, kwa ukuhanga na Kilisito atufunyilye kwa ukutupela ifipelwa mbefili fya Mumuhe ukuhuma kuchanya.

1 Avakolindo 1:24

Neke kwa vala avakemele, Avayudaya na Avagiliki, Kilisito ye uludali na uluhala lwa Nguluvi.

1 Petulo 3:22

yula yeahele kuchanya na lino akong'ome ulubali lwa kundyo lwa Nguluvi, pamwi na avanyivaha imbali mbesili mbike kulumwene.

Avakolosayi 1:16

Pakuva ukukola kwa yuyo ifinu mbefili fyagafilwe, mung'i na kuchanya, ifiwonekaga na fyesifiwonekagi; ifigoda ifya uwutwa, apangi uwubana malungulu, apangi uludali lwa amasoka, apangi indagi. Mbefili fyagafilwe ukukola mulumwene na ukwimila mulumwene.

1 Timoti 3:16

Pagaya kusina ukwimila uwukomi wa ikinyele cha ulufuuwo lwetu. Awonike mu lwihwano lwa umunu, olelilwe na Umuhe ukuta mugolofu, awonike kwa vanyivaha, adalikwe ku vamyanza, vamufuuvitwe mung'i mbeyili inwilwe kuchanya mu ndolo.

Avaefeso 1:8

weatupelye uwugaya nambi kigelo! Kwa uluhala na uwuseela wakwe mbewuli.

Avalumi 8:38

Ngulukagula hilo ulwa kisukuli chekihwana ukutugava hwehwe uluhuma muwende wakwe: nave ifwa nave wumi; nave vanyivaha nave uludali lwa kuchanya; nambi isiwoneka lino, nave sesasiwoneka pambele, nave uwutema,

Avaefeso 1:23

Likanisa gwe muvili gwa Kilisito, na uwukwilanifu wakwe yumwene yeikwilanisa mbefili na apono bahapavesaga.

Avakolosayi 2:10

nanye mupelitwe uwumi uwukwilaniche mukuhanga nave. Umwene ye muvina kwa amasoka agatemile mbegali na avanzagila mbevali.

Avakolosayi 2:15

Uko Kilisito apokite uludali lwago igo amasoka agatemile na avanzagila; alekite vave kinu cha kwinyinyalwa pamalugu na ukuvakuluna wita avagalule mulugendo lwa uludweso lwakwe.