Avaefeso 3:1 - Lufingano Lupya

¹ Nambi ukwimila lulo, nene Pawulo, umunyandinde va Kilisito Yesu ukwimila nyenye, ngwifunya kwa Nguluvi.

Avaefeso 3:1 Referans Kwoze

Avakolosayi 1:24

Na kulino ndihekelela penditeseka ukwimila nyenye, pakuva ukukola uluteseko lwangu umu mung'i, nyele nditanga ukukwisa kila chekikepa muneseko sa Kilisito ukwimila umuvili gwakwe, likanisa.

Avaefeso 4:1

Sweno, nene ye ndimunyandinde pakuva ngumupigila Umutwa, nguvagongola mwikalage imikalile igivaje ulukemelo lwemwakemelilwe.

2 Timoti 1:8

Sweno, ulamuwonela inyoni ukumolelela Umutwa vetu, na ulawona nyoni pakuva nene ndili mundinde ukwimila umwene. Ulwene hangage muneseko ukwimila Ulukani Ulunofu, wigelela uludali lulula lwewipelwa na Nguluvi.

Avaefeso 6:20

Ukwimila lulo nene ndimutume muminyololo sambi ngine ukudalika ndawe lumbaje.

Filimoni 1:9

neke ukwimila uwende ndiwona iikiba hela ngusuke nene Pawulo mbe mutume na lino kangi munyandinde ukwimila Kilisito Yesu.

Avafilipi 1:7

Ulo lwelulo lwelumbaje ndivahosekese, pakuva nguviwuka mbepali munumbula yangu. Kangi pakuva nyenye mbemuli mukahangite mu wunofu weamelye Nguluvi, wa ukululolela nu kulukangasa Ulukani Ulunofu, lino pendili mundinde na kangi pala pamwandi pende ndimutemapangu.

Filimoni 1:1

Nene Pawulo, umunyandinde ukwimila Kilisito Yesu, na umunyalukolo Timoti, ngukwandikila veve Filimoni, umunyawende na umunyakupiga muyetu,

Ifipigo 23:18

Munyigalu amwegwe yula umukwamisi, akumulongosa mbaka kwa Umuvina va avanyigalu, itigila, “Yula Pawulo yeali mundinde ang'emelye swe akusuka ndimulete umukwamisi uyu kwa veve pakuva ina lukani lwa ukukulongela.”

Luka 21:12

Neke pesiva sikaali siwoneke iso mbesili, vavibata, vavatesa nu kuvasindika mumasinagogi neke vavasope mundinde; samusindikwa pa vatema na avanzagila vakuvavala lilitawa lyangu.

Filimoni 1:23

Epafala umunyandinde muyangu ukwimila Kilisito Yesu, akukuhungila.

Ifipigo 26:29

Neke Pawulo amupitwe, “Ngumusuka Nguluvi ukutigila, kwa ulusika ludodo naluve lukomi, si veve hela nditigila mbevali vevakumulikisa neng'ino vavelage ndawe nene, pesi ulwa valava na iminyololo.”

2 Timoti 1:16

Umutwa avadegepelage va mukaye ya Onesifolo; pakuva mbepali uyo ambuyapige, siamboneligi inyoni pakuva ndilimundinde,

Avakolosayi 4:18

Ngwandika isi kwa iliwoko lyangu yinene; inyungila isi sihuma kwa nene Pawulo. Mwiwukage ukuta nene ndimusope mundinde. Uwuwuya wa Nguluvi wuvesage pamwinga na yinyenye.

Avakolosayi 4:3

Na kangi pemukwifunya mutwiwukage na yihwehwe sambi Nguluvi adindule umulyango ugwa ulukani lwa ikinyele cha Kilisito ulukumbika nene mbe mundinde.

2 Avakolindo 11:23

Avene vakami va Kilisito? Na yinene ndilonga ulo witigila ngulwike ndi mukami va Kilisito ukulutila avene. Nene ngapigite ikipigo ikitalamu ukulutila, ngikalite mundinde kolofu ukulutila, ngatofilwe kolofu ukulutila, supwe ukuwulagwa nako kolofu.

2 Avakolindo 10:1

Nene ye yinene Pawulo, yendiwoneka ulwa ndimulele pendilipamwi nanyenye, neke ndimukali pendilipataali nanyenye, nguvasuka kwa ulusungu nu wunofu wakwe Kilisito.

Ifipigo 21:33

Umuvina va avanyigalu alaje vamwibate nu kumupinga ni minyololo givili. Sweno ndawe awusige, “Uyu ye nani, na agisile kiki?”

Uwugubulilwe wa Yohane 2:10

Ulava na muhwehwe na ludodo kwa sila isikuvagila uluteseko. Lavage! Setani isaka ukuvagela ikola ukuvasopa avamwi venyu mudinde; nanye muguda kwa lusika lwa filo finyichumi. Muvelage vahuvilwa mbaka pemwifwa, nane sandivapela ingela ya uwumi.

Avaefeso 3:13

Nambi, nguvagongola muladedela imitima pemwilava ukuguda kwetwiguda ukwimila nyenye, pakuva ukuguda uko kuhele kukuvaletela indolo nyenye.

Avagalatiya 5:11

Na kulubali ulwangu, vanyalukolo, wone mbe ngaali ndidalika ukuta ukuwolwa luvaje mbepali, mbi lweki mbe pe ndagiliswa. Wone luke luve ndahihyo, uwudalisi wangu wa umusalaba wa Kilisito siwuke wuleta inyoni sesivesaga.

Avagalatiya 5:2

Lino nene Pawulo nguvalongela ukutigila! Wone mwidikile ukuwoolwa Kilisito ava sikinu savapeli cha kwambula kwa nyenye.

Ifipigo 9:15

Neke umutwa amutigile, “Veve bite hela, pakuva nene ndimuhagwe amigile, adalike ilitawa lyangu kwa vesivamuseli Nguluvi (avamyanza) na avatwa vawo na kuvana va Isilaeli.

2 Avakolindo 1:6

Wone tuve twiguda, sweno lwiva kwa ulunyamaso na uwupoki wenyu. Na kangi petunyamasiwe, lwiva kwa ukwimila ukuvanyamasa nyenye na ukuvatanga muve na uludali lwa ukwikangasa muneseko sisila setwiteseka hwehwe.

Avagalatiya 5:24

Vala avali mwa Kilisito vakawutumbike uwunu wawo wa mung'i na uwudobokesi na amahosa ga mung'i.

Avaefeso 3:8

Nene yendi mudodo ukulutila avanu mbevali va Nguluvi; neke ulwene ndimupele uwuwuya wakwe, sambi ndivadalikile avanu va ing'i isingi uwunono wakwe Kilisito uwugaya kigelo,

Avaefeso 3:11

Nguluvi apigite ulo kwa ukugendela muwulamusi wakwe uwa mbepali na mbepali, ulo lweakalupigite mung'asi ya Kilisito Umutwa vetu.