Avaefeso 2:8 - Lufingano Lupya

⁸ Pakuva, kwa uwuwuya wa Nguluvi nyenye ye mukomboliwe ukwimila ulufuuwo. Ulukani ulu silwihumagi muwupifu wenyu, pesi ukuta icho kipelwa cha Nguluvi.

Avaefeso 2:8 Referans Kwoze

Avaefeso 2:5

nambi we twetufwe ukwimila inzanangifu, atupelye uwumi pamwinga na Kilisito. Ukukola uwuwuya wa Nguluvi nyenye mupokitwe.

Avalumi 4:16

Na ukwimila lulo, ulukani ulu lwakwimila ulufuuwo, palulo uluhuviso ulo lwihumaga mu wuwuya wa Nguluvi na ukuta uluhuviso ulo lwavisilwe kwa avanu mbevali si kwa vala avakwinatila indagilo pesi na kwa vavala avakwikala mulufuuwo ndawe Abulahamu umwene ye dadetu mbetuli.

Avalumi 10:17

Sweno, ulufuuwo lwakusa kwa kupulika ulukani, na ulukani ulo lwihuma mu lukani lwa Kilisito.”

Ifipigo 16:31

Avene ndawe vamupitulige, “Mufuuwage Umutwa Yesu nave upokwa veve na mbevali avali mukaye yako.”

Yohane 6:37

Mbevali veakumela Dada vasa kwa nene; kangi yeyeasaga kwa nene sisandimutaga kwivala nda.

Yohane 5:24

“Nachene nguvalongela umwene umunya kupulika ulukani lwangu na ukumufuuwa umunyakundeta ina uwumi wa mbepali. Na siingila mu luhigilo nda, iva alutye uluhuma kuvafwe nu kwingila ku wumi.

Yohane 4:10

Yesu swe akumulongela, “Nda uke uve ukulukagula ikipelwa cha Nguluvi nave ye nani yakukulongela: ‘Mele ululenga nywe,’ uke ukumusuka umwene na ake akupela ululenga ulunya wumi.”

Luka 7:50

Swe akumulongela yula umung'inetu, “Ulufuuwo lwako lukupokite, wibitilage chesa mutima.”

Maliko 16:16

Yula yeyeavesaga ifuuwa na ukubatisiwa saapokwa, neke yesiifuuwa saahigwa.

Yohane 3:36

Yakumufuuwa umwana ina uwumi wa mbepali, yesiakumufuuwa Umwana sisaahanga uwumi wa mbepali pakuva ililakali lya Nguluvi limusigalila.”

Avalumi 4:5

Neke umunu yesakwimila ifipigo fyakwe yumwene, pesi ulwa ukumufuuwa Nguluvi yeayidegepela avanyanzanangifu, sweno, Nguluvi ayilava hilo ulufuuwo ulwa umunu uyo, na palulo akumwidikila ukuva mugolofu.

Avaefeso 2:10

Hwehwe twi figawa fyakwe Nguluvi, na kwa ukuhanga na Kilisito Yesu, atugafile sambi twikale muwupiga inofu sealatuviche tupigage.

Avagalatiya 3:22

Neke ulwene silwindahihyo Uwandike Uwelu watigee idaha, ukuta konivala mbekuli kwagwilye mu wutema wa inzanangifu, palulo, ukukola ukumufuuwa Yesu Kilisito avanyalufuuwo vipelwa lula uluhuviso.

Avagalatiya 3:14

Ulu lwapigike sambi uwufunyilile wula wapelitwe Abulahamu wuvafikile avamyanza kwa ukukola kwa Kilisito Yesu, sambi kwa ukukola mulufuuwo, twanukile yula Umuhe va Nguluvi ye alatuhuvise.

Yohane 6:40

Pakuva seiwenda Dada vangu se isi kwa yeyeamulavaga Umwana nu kumufuuwa avelage na uwumi wa mbepali nane sandimusilibula pa ikimunyi cha uwusililo.”

Yohane 6:35

“Neke Yesu peavalongele nene yenene nde mukate ugwa uwumi. Yeyeavesaga akusa kwa nene sisaawona nzala nda na yeakufuuwa sisaawona ng'elu nda.

Avaefeso 1:19

uwukomi uwulutye wa uludali lwakwe mwahwehwe yetwifuuwa ukuling'ana na ikipigo cha uludali lwakwe ulukomi,

Ifipigo 14:27

Vavelige vifika uko ku Andyokiya vakemelye umukong'ano gwa likanisa gwa apono pala, swe vakuvalongela ing'ani mbesili se Nguluvi akapigite pamwinga nawo, na lwe akavadindulye umulyango avamyanza vingile nawo mulufuuwo.

Yohane 6:65

Swe itigila, “Nambi palulo ndavalonje ulwa asukuli Umunu yeahwanite ukusa kwa nene pesi mukemele na Dada vangu.”

Avakolosayi 2:12

Pakuva, pemwabatisigwe, mwatasilwe pamwi na Kilisito, na mukubatisiwa mwasilibulwe kangi pamwinga nave mulufuuwo lwenyu ukukola uludali lwa Nguluvi, yula yeamusilibwe Kilisito uluhuma kuvafwe.

Yohane 6:44

Asukuli umunu yeahwanite ase kwa nene pesi mukwege na Dada yeandetite nani sandimusilibula paikimunyi cha uwusililo.

1 Petulo 1:5

Uwo sawuva wenyu nyenye ye ukukola ulufuuwo mwilolelwa wunofu muludali lwa Nguluvi akwimila uwupoki wula we yewukwilaniche kukugubulwa pawusililo wa imisika.

Avafilipi 1:29

Pakuva nyenye mwivapele uwunofu mukumupigila Kilisito si ukukola hela ukumufuuwa pesi kangi ukukola ukuteseka ukwimila umwene.

Avalumi 10:14

Mbino vamusuka ndawuli wone sivalamufuuwa? Na kangi; vamufuuwa ndawuli wone sivalapulika ing'ani sakwe? Na vapulika ndawuli ing'ani sakwe wone asupali umudalisi?

Matayo 16:17

Ndawe Yesu amupitulige, “Wimufunyilile Simoni ve mwana va Yona, pakuva uluhala lwa uwunu silukulaji ulukani ulu pesi Dada va nene hela yealikuchanya.

Ifipigo 16:14

Na mwavawo vevatupulikisige epwali umung'inetu uyumwi, yeemunyachoga kwa Nguluvi yeitambulwa Lidiya munyang'i va ku Tiyatila, yee musulusi va imyenda ginyalivala linyakilesi. Umunu ye Umutwa eadindwe inumbula yakwe sambi anukile Ing'ani sila se Pawulo alongige.

2 Avatesaloniki 1:9

Ukuhigwa kwawo sakuva ukuyaga kwa mbepali na mbepali na ukuvikwa pataali na indolo yakwe ingomi,

Ifipigo 15:11

Lulemwe ukuva ndahihyo, neke tufuuwagwe ulwa hwehwe na avene mbetuli twipokwa ukwimila uwuwuya wa Umutwa Yesu.”

Avalumi 9:16

Sweno, mbesili sakwimila mulusungu lwa Nguluvi, si wita mu wupifu nambi uwende wa umunu.

Avaebulaniya 6:4

Pakuva avanu vevakululeka ulufuuwo lwawo lwiima ndawuli kangi ukuvapilula sambi vahongese kangi? Avanu iwo yeve vinje mulung'ali lwa Nguluvi, yevevagesise ikipelwa cha kuchanya na ukupelwa Umuhe Umwelu;

Matayo 20:9

Vavelige vakusa vala ava pa kivalilo icha ichumi na kimwi vahombitwe dinali yimwi yimwi.