Avaefeso 2:3 - Lufingano Lupya

³ Na kulino de hwehwe mbetuli twetwindawe vavene; twikalige we tukwiga uwudobokesi wetu wa mung'i nu kupiga sila hela isanogelige imivili nu luhala lwetu. Kwa ulubali lwa mung'i, hwehwe nahwe twindawe avene kangi, twetuvaje ililakaali lya Nguluvi.

Avaefeso 2:3 Referans Kwoze

Tito 3:3

Pakuva, ulusika ulungi hwehwe twetwivapuva, avagaya kwipulika na avayasi. Twe twivanyawingi wa uwudobokesi na isa mung'i wewevuvesaga. Twikalige muwanangifu na mu gila; neke avanu vatuvipile swe nahwe tukuvavipila.

1 Petulo 1:14

Ndawe avana va Nguluvi vanyachoga mulidikila kangi ukwiga uwudobokesi uwuhonganyoni, wemukapigige pamwandi pemuke mukaali vapuva!

Avaefeso 4:22

Sweno, Mugilekelage ng'ani imigendele jenyu ija pamwandi, ukutigila uwunu wenyu uwulovela wewanangigwe mu wudobokesi wakwe wa uwulyalya.

Avalumi 13:14

Mumufwalage Umutwa Yesu Kilisito nda mwenda, mulemwa ukuleka muwudobokesi nambi ukwisa siso.

Avalumi 6:12

Sweno, inzanangifu silatema mu mivili jenyu iginya kufwa, nambi mwidikile ukutemwa mu wudobokesi wayo.

1 Yohane 2:16

Ifinu mbefili fya mung'i, uwudobokesi wa umuvili, ifinu fyevakufiwona avanu nu kufidobokela, ulwiwono ulukwambuswaga na uwunono ifyo mbefili sifihumagi kwa Dada, pesi ukuta fihumaga mung'i.

Avaefeso 2:2

Ulusika ulo mwikalige we mukwiga imikalile imibi ja mung'i umu, mwagapulikise amasoka manyaludali ga mwilanga, amasoka agakuvasagila lino avanu vesivakumupulika Nguluvi.

Yohane 8:44

Nyenye mwivana va Udadenyu Setani, na uwudobokesi wa udadenyu, Wemuwenda ukupiga. Umwene muwulasi, kangi sakwimagi mu nachene pakuva inachene isumuli mulumwene. Na pealongaga uwudesi; akwilongela isakwe yumwene, ulo lweiwali pakuva mudesi, kangi Dade va uwudesi.

2 Avakolindo 7:1

Sweno, Vanyawende vangu, kono we twivapele inyuviso isi mbesili, twiyeesage mwa mbesili sesihwanite ukutifusa imivili na inumbula setu, sambi tuve tweesile hilo, na twikalage we tukumogopa Nguluvi.

1 Avakolindo 4:7

Mbi nani yakukuwona veve ulwa uli pachanya ya avangi? Mbi lino wina kiki veve chesiwimupele na Nguluvi? Na wone wapelitwe, lwakiki widuduvila icho wiva nda siwapelitwi?

Avalumi 7:18

Ngulukagula ulwa lusumuli ulunofu ulweluvesaga mugati muwunu wangu. Pakuva nambi ndiwenda ukupiga ulunofu, na baho ndilemwa.

Maliko 4:19

Neke kwa uwuhuguvafu uwa mung'i, na ukuwenda uwunono, na ukudobokela ifinu ifingi, ifi pefinje fya fitova ulukani ulo, neke valemwe pakuveleka kinu.

Avalumi 11:30

Pamwandi nyenye mwe mugayite ichoga kwa Nguluvi, neke lino mwanuche uwudeke wakwe ukwimila uwugaya ichoga wawo.

Avalumi 9:22

Na lwindahihyo kwa Nguluvi. Awendige alagile ililakali lyakwe na ukulukagulanisa uludali lwakwe. Sweno; ali na uwusindile hilo, akuvakangalila vala veve vadonyitwe na ililakali lyakwe, veve vavagilwe ukwanangwa.

Yohane 1:13

Vevegilwe kwa uludali lwa Nguluvi na si kwa uludali lwa munu nambi ing'asi isa uwunu.

2 Petulo 2:18

Vilongaga ing'ani isalwitupyo na isa uwupuva, na ukukola uwudobokesi wawo uwaafu uwa imivili ukuvagwilisa vala vevakilegite ifilo fya pipi uluhuma kuvanu avakwikala muwanangifu.

2 Petulo 2:14

Amiho gawo gamemile uwugoni na uwutiganu wawo ukupiga inzanangifu wugaya wudugo. Vakuvakwegelesa avanu vesivasikimafu mulufuuwo, avana vanyaluleko.

1 Timoti 6:9

Neke vala veviwenda ukuva vanono, vavigwila mukugelwa, na ukwibatika mulutego lwa uwudobokesi uwubi wa kipuva sesakuvakwegela kuwanangifu.

Avagalatiya 3:22

Neke ulwene silwindahihyo Uwandike Uwelu watigee idaha, ukuta konivala mbekuli kwagwilye mu wutema wa inzanangifu, palulo, ukukola ukumufuuwa Yesu Kilisito avanyalufuuwo vipelwa lula uluhuviso.

Avalumi 1:24

Na ukwimila lulo, Nguluvi avalesile vafwile mu wudobokesi uwubi wa inumbula sawo na ukwipigila inzanangifu mumivili jawo.

1 Yohane 2:8

Nambi ndahihyo, ululagilo ulu lwenguvandikila lwe lulagilo ulupya, na inachene iyo yiwoneka mugati mwa Kilisito na mugati umwenyu kangi. Pakuva ulwisa lwikimbila na ulung'ali ulwa nachene yeluvanzile ukung'alika.

Ifipigo 14:16

Pidaha Nguluvi avatawe avanu mbevali vigendele mweviwendela vavene.

Avalumi 2:14

Ngali tutigile avamyanza vagaya indagilo sa Musa; neke pevikwisa sa indagilo viva vilongoswa na imitima jawo, vavene viva kigelo cha indagilo nave sivakusikagula indagilo.

Avalumi 5:9

Pakuva lino tupelitwe uwugolofu mu danda ya Kilisito, lulipawelu hilo ulwa yeatupokite ukuhuma mulilakali lya Nguluvi!

Avalumi 5:10

Pakuva petwetukaali twivatavangu vakwe, Nguluvi alamwe twilamule nave ukukola ifwa ya umwanakwe. Na pakuva lino yetwilamwe nave, lulipawelu hilo ulwa satupokwa ukukola uwumi wa Kilisito.

Avakolosayi 1:21

Pamwandi nyenye nanye mwepataali na Nguluvi mwe vatavangu vakwe pakuva amahosa na imigendele jenyu je myaafu.

1 Avatesaloniki 4:13

Vanyalukolo, twiwenda mulukagule ulwa nachene lwa vala vevafwe, sambi mulemwe ukuhuguvala ndawe avanu vangi avagaya uluhuvi.

1 Avatesaloniki 5:6

Ino, tulavasa tulo ndawe avangi, lutuvaje ukwikala miho na twivatuunafu.