Avaefeso 2:2 - Lufingano Lupya

² Ulusika ulo mwikalige we mukwiga imikalile imibi ja mung'i umu, mwagapulikise amasoka manyaludali ga mwilanga, amasoka agakuvasagila lino avanu vesivakumupulika Nguluvi.

Avaefeso 2:2 Referans Kwoze

Avaefeso 6:12

Pakuva iligalu lyenyu si ligalu lya hwehwe na umunu, pesi iligalu lya hwehwe na ililugu ilyanangifu lya mung'i lya ikinyamuhe; tukwihoma na avatema, avavina na vanyaludali avayitemite ing'i iyi iyinya lwisa.

1 Yohane 5:19

Tukulukagula ukuta hwehwe twivanu vakwe Nguluvi nambi we ing'i mbeyili nzagile na yula Umwanangifu.

Avaefeso 2:3

Na kulino de hwehwe mbetuli twetwindawe vavene; twikalige we tukwiga uwudobokesi wetu wa mung'i nu kupiga sila hela isanogelige imivili nu luhala lwetu. Kwa ulubali lwa mung'i, hwehwe nahwe twindawe avene kangi, twetuvaje ililakaali lya Nguluvi.

Yohane 12:31

Ino ikivalilo cha ukuhigwa ing'i iyi kifikite, na umutema va ing'i iyi atoosiwe kwivala.

Avaefeso 5:6

Mulagela mwidikile ukusangwa na umunu kwa ing'ani sakwe isa uwubanga pakuva uwimila ing'ani sesindawe iso ililakali lya Nguluvi lyakuvasila avanu mbevali vesivakumogopa.

Yohane 8:44

Nyenye mwivana va Udadenyu Setani, na uwudobokesi wa udadenyu, Wemuwenda ukupiga. Umwene muwulasi, kangi sakwimagi mu nachene pakuva inachene isumuli mulumwene. Na pealongaga uwudesi; akwilongela isakwe yumwene, ulo lweiwali pakuva mudesi, kangi Dade va uwudesi.

Avaefeso 4:22

Sweno, Mugilekelage ng'ani imigendele jenyu ija pamwandi, ukutigila uwunu wenyu uwulovela wewanangigwe mu wudobokesi wakwe wa uwulyalya.

1 Avakolindo 6:11

Avangi mwa nyenye pamwandi mwapigige siso, neke lino mukave mwiwofuge, mukofwigwe, mukesiwe na ukwilamula na Nguluvi mwitawa lya Umutwa Yesu Kilisito na uwimila Umuhe va Nguluvi vetu.

2 Avakolindo 4:4

Lino iwo sivifuuwa pakuva yula nguluvi va mung'i avapufise uluhala lwawo sambi valemwe ukuluwona ulung'ali lwa Ulukani Ulunofu lwa indolo sa Kilisito, yula ye lwihwano lwa Nguluvi.

1 Yohane 5:4

pakuva yeyeavesaga mwana va Nguluvi ahwanite ukuyidwesa ing'i ulu de lwetukuyidwesa ing'i: kwa ulufuuwo lwetu.

1 Yohane 3:10

Neke yeyeavesaga yesiipiga ing'ani ingolofu, nambi yesakumwenda umunyalukolo vakwe, uyo si mwana va Nguluvi. Na uwo we uwuliwungi uwipwali pagatinagati pa avana va Nguluvi na vala avana va setani.

1 Petulo 1:14

Ndawe avana va Nguluvi vanyachoga mulidikila kangi ukwiga uwudobokesi uwuhonganyoni, wemukapigige pamwandi pemuke mukaali vapuva!

Uwugubulilwe wa Yohane 20:2

Swe akulibata iliyoka lila-Iiyoka lya pidaha kwekutigila Ibilisi, apangi Setani-swe akulipinga myaka mbilima yimwi.

1 Yohane 4:4

Neke nyenye, nye vanangu, mwivanu vakwe Nguluvi na yemuvalemite uludali iwo avavisi va uwudesi; pakuva Umuhe yealimugati mwanyenye ina uludali ululutye kwa umuhe yealimugati ava mung'i.

1 Petulo 4:3

Ulusika ululutye muke na lusika lukomi ukupiga ing'ani sevipigaga avamyanza ndawe imigendele imyaafu, uwusatila penyu, uwugaasi, ulwitakilo na uwusunyalile uwubi wa ifihwananguluvi.

Avakolosayi 1:21

Pamwandi nyenye nanye mwepataali na Nguluvi mwe vatavangu vakwe pakuva amahosa na imigendele jenyu je myaafu.

Avagalatiya 1:4

Kilisito itawe yumwene ukwimila inzanangifu setu, sambi atupoke mung'i iyi iyinyawanangifu iyalino.

Avalumi 12:2

Mulemwa ukwiga imigendele ja mung'i iyi, pesi ulwa mupitukage mugati mwenyu ukwa amahosa genyu. Ipo pepene pe muhwana ukwinatila uwende wa Nguluvi, ulo lwelulagila wunofu, ulukumunogela na ulukwilaniche.

Yakobo 4:4

Nyenye mwivanu yemwigaya uwihuvilwa ndawe avagoni. Mbi simukulukagula ulwa ukuva munyawiyendi va ing'i kwe kuva wimutavangu va Nguluvi? Yeyeawendaga ukuva munyawiyendi va ing'i uyo ayiva mutavangu va Nguluvi.

1 Avakolindo 5:10

Neke ulwene singatigiligi avanu mbevali avali mung'i vagoni, avahatufu, vadesi na vala vevavisunyalila ifihwananguluvi. Sweno, muke muwende ukuvakimbila mbevali iwo apo luke luvanogela nyenye muhegele ng'ani mung'i umu!

Ifipigo 5:3

Sweno, Petulo amuwusise Ananiya itigila, “Ananiya, mbi ndawuli Setani akwinje mu numbula yako, sambi umusange Umuhe Umwelu, ukepule amagobole agalipinga gewugusise lilungulu?

Yohane 15:19

Muke muvelage mwiva mung'i, ing'i yikeyivenda ndamwivayo. Ino pakuva nyenye si mwivamung'i na nene ndavahagwe uluhuma mung'i nambi avamung'i vakuvavipila.

Yohane 14:30

Nene sindonga na nyenye kangi ing'ani nzolofu, pakuva akusa umuvina va ing'i iyi, neke umwene mugaya ludali kwa nene;

2 Petulo 2:14

Amiho gawo gamemile uwugoni na uwutiganu wawo ukupiga inzanangifu wugaya wudugo. Vakuvakwegelesa avanu vesivasikimafu mulufuuwo, avana vanyaluleko.

Yohane 16:11

ulwa ukuhigwa pakuva yula umuvina va mung'i iyi yeahigitwe.

Yohane 13:27

Yuda ave anukile inonge, Setani amwinje. Neke Yesu peamulongele, “Sewisaka upige; wangufye upige!”

Yohane 13:2

Yesu na avanyigendo vakwe vave vikong'ana valye ikilyo cha pamihye. Nave Setani yealamupelye Yuda umwana va Simoni Isikalyote umutima gwa kumupituka Yesu.

Yohane 8:23

Neke avalongele, “Nyenye mwahumile baha pasi nene ndahumite kuchanya. Nyenye mwiva mung'i iyi nene sindiva mung'i iyi.

Yohane 7:7

Avanu avamung'i sivavavipila nyenye, pesi vakumbipila nene, pakuva nene nguwolelela ulwa ifipigo fyawo ifyanangifu.

Matayo 13:38

Umugunda ye ng'i, inyadikwa inofu vevana va uwutwa; ililulu vevana va umwanangifu.

Uwugubulilwe wa Yohane 13:8

Mbevali avakwikalaga mung'i savamusunyalila pesi vavala hela ve amatawa gawo gandikwe uluhuma pamuvango gwa ukugawa ing'i mukitabu cha uwumi cha umwanang'olo umudumule.

1 Yohane 3:8

Neke yeipigaga inzanangifu uyo va umwanangifu, pakuva umwanangifu ipigaga inzanangifu uluhuma pamuvango. Neke Umwana va Nguluvi aasile konivala ukufyananga ifipigo fya umwanangifu.

Yakobo 1:7

Umunu yeindahihyo, yeisina pagati pa isilipavili na umugaya imimile mumigendele jakwe mbegili, alihuvila ukuta saapelwa kinu chechekivesaga ukuhuma kulu Mutwa nangi.

2 Timoti 4:10

Pakuva Dema akayendite ing'i iyi akandesile akwibitilaga ku Tesalonike. Kilesike akahele ku Galatiya na Tito akahele ku Dalumatiya.

Ifipigo 19:35

Pambele umwandisi va iboma iyo ahwanite ukuvakatusa akuvatigila, “Vanyang'i va mu Efeso, mbemuli mukulukagula ukutigila iboma iyi ya Efeso ye yayigosa itembeli ya nguluvi Alitemi na ukugosa ikihwana nguluvi kila chechasulunwike ukuhuma kuchanya.

Luka 22:31

“Simoni, Simoni! Lavage! Setani akuvasaka nyenye, sambi avapete nda ngano.

Luka 16:8

“Ndawe umuvina yula amusumilige umwimilisi yula yesimuhuvilwa, uwimila palula lweapigite kwa luhala. Pakuva avana va mung'i mumbegalo yawo vaviva vina luhala ukulutila avana va ulung'ali.”

Matayo 11:19

Umwana va umunu aasile ilya na ukunywa neke vatigile, ‘Mulavage muhatufu kangi mugaasi, umunya wiyendi na avakong'asa imbemenenge na avanya nzanangifu!’ Nave ndahihyo uluhala lwa Nguluvi lwalwikagulanika mufipigo fyakwe.”

Uwugubulilwe wa Yohane 16:17

Ndawe umunyivaha va mufung'ati aboholige ikinyandilo chakwe mwilanga! Iliswi likomi lyapulise uluhuma pa kigoda cha Umutwa, mu Tembeli, litigila, “Umudugo yegufikite!”

Uwugubulilwe wa Yohane 13:14

Yavayasise avanyang'i va mung'i ukukola imiitu gijo jeyapelitwe ukupiga pa ing'oko yila iya ukutala. Ing'oko yavalonje ava mung'i vawuyapage ikiganiso ukwimila ululumbo lwa yila ing'oko yeyeyitesike yina livamba lya ilimage neke yananite kangi.

Uwugubulilwe wa Yohane 12:9

Sweno, liyoka lilyo ilikomi lyatosiwe kwivala. Liyoka ilyo ye yula liyoka lya pidaha yuyo yeitambulwagwa kangi, Ibilisi apangi Setani. Ye akuyisanga ing'i mbeyili. Nachene, atoosiwe mung'i, na ililugu lyakwe mbelili pamwinga nave.

Matayo 13:22

Inyadikwa isembyale mumifwa, sihwana umunu yula yeaipulika ulukani, neke uwudobofu uwa ifya mung'i nu wunono fikumutindasa neke alemwe ukuveleka nambi kinu.

Maliko 4:19

Neke kwa uwuhuguvafu uwa mung'i, na ukuwenda uwunono, na ukudobokela ifinu ifingi, ifi pefinje fya fitova ulukani ulo, neke valemwe pakuveleka kinu.

Avaefeso 1:21

Uko, Kilisito atemile muvalongola mbevali, uwuvina na uludali na uwutwa mung'i uwuvina wewewuvesaga wewitambulwa mung'i umu na kung'i iyikusa.

Avaefeso 2:11

Nyenye kukilamuko mwatambuligwe, vasila kuwolwa mwalula lwelwitambulwa kuwolwa ulwapigikige na amawoko mumivili jawo.

Avaefeso 2:13

Neke lino de, kwa ukuhanga na Kilisito Yesu, nyenye ye pamwandi mwe muli pataali, yemuhegelisiwe ukwimila idanda yakwe Kilisito.

Avaefeso 4:17

Sweno, mwitawa lya Umutwa, nguvakenyela mulikala kangi ndawe avanu vesivamuseli Nguluvi, ve amahosa gawo gapufile,

Avaefeso 5:8

Pamwandi nyenye mwe mulwisa, neke lino nyenye mulimulung'ali kwa ukuhanga na Umutwa. Sweno mwikalage nda mwivana va ulung'ali:

Yakobo 1:27

Ulufuuwo ulofuge na ulugaya wananzi pa Nguluvi Dada lwe ulu: Ukuvatanga avana avakiva na avang'inetu avafwile mulugudo lwawo, na ukwikomalila wunofu ukuta mulatifuswa na isa mung'i umu.