Avaefeso 2:16 - Lufingano Lupya

¹⁶ Kwa umuvili gakwe, Kilisito awulige uwutavangu wawo; kwa umusalaba gakwe ndawe ahanzise ing'olo iso luve lukolo lumwi na awuyipe uwilamule na Nguluvi.

Avaefeso 2:16 Referans Kwoze

Avalumi 5:10

Pakuva petwetukaali twivatavangu vakwe, Nguluvi alamwe twilamule nave ukukola ifwa ya umwanakwe. Na pakuva lino yetwilamwe nave, lulipawelu hilo ulwa satupokwa ukukola uwumi wa Kilisito.

Avakolosayi 2:14

ademulye ng'ani ulwandiko lula lwa umukole lwetwetulaving'ine ulunyamusilo aluhesise nu kulutovelela pa musalaba.

Avaefeso 2:15

Ahesise lula ululagilo lwa Avayudaya na indagilo na imisimu, sambi ing'olo iso isivili agawe lukolo lumwi ulupya mu wulilumwi nave na palulo aletite uwikalakunoga.

Avagalatiya 2:20

na kulino ndimumi, ulwene si nene kangi pesi Kilisito yeinana mugati mwa nene. Uwumi uwu we ndinana lino, ndinanila mu lufuuwo ukukola Umwana va Nguluvi yeanzendite mbaka awutawule uwumi wakwe ukwimila nene.

Avalumi 8:3

Nguluvi akakwisise ulukani lula lwe indagilo sisahwaniti ukukwisa uwimila uwuhomefu wa uwunu. Nguluvi amuletite umwanakwe iva ina muvili ugutegine ni mivili jetu hwehwe vanyanzanangifu, sambi ihome na inzanangifu, na kwa umuvili gugo adwesise inzanangifu.

Avalumi 8:7

Pakuva yula yeatemilwe na amahosa ga umuvili uyo mutavangu va Nguluvi, siakwinatilagi indagilo sa Nguluvi na sahwana nambi ukusinatila.

Avalumi 6:6

Tukulukagula ulwa uwunu wetu uwulovela watumbikwe pamwinga na Kilisito sambi wula uwunyanzanangifu wanangwe, sambi tulemwe ukuva vanyawingi va inzanangifu.

1 Avakolindo 10:17

Pakuva umukate ugo gumwi, hwehwe, nambi twiwolofu, twimuvili gumwi, pakuva mbetuli twihanga umukate gugo gumwi.

Avaefeso 3:6

Ikinyele ichene che iki, ukukola Ulukani Ulunofu avanu va ing'i isingi vakwanukila iligawo lyawo pamwinga na Avayudaya mu wufunyilile wula wa Nguluvi; nawo viva figawamuvili fya umuvili gugula, na vihanga mu luhuviso lwe Nguluvi aluwuyipe ukukola mwa Kilisito Yesu.

Avaefeso 4:4

Koguli muvili gumwi nu Muhe yumwi, ndawe uluhuvi lumwi lwemwakemelilwe.

Avakolosayi 3:15

Nawo uwikalakunoga wa Kilisito wusagilage munumbula senyu, pakuva ukwimila lulo nyenye mwakemelitwe mumuvili gugo gumwi. Kangi muvelage na ikilumbo!