Avaefeso 1:7 - Lufingano Lupya

⁷ Pakuva kwa idanda yakwe Kilisito hwehwe twivakombole, kwekuta inzanangifu setu sihesiswe. Ulo lwelwiwali ukwimila uwukomi wa uwuwuya wakwe,

Avaefeso 1:7 Referans Kwoze

1 Petulo 2:24

Yuyumwene asitegwe inzanangifu setu mumuvili gwakwe pala pa Musalaba, sambi tufwe ku nzanangifu, na ukunana ukwimila uwugolofu. Ukukola amavamba gakwe, nyenye yemuponite.

Avalumi 3:24

Neke pa ikipelwa icha uwuwuya wa Nguluvi, avanu mbevali vakwidikilwa ulwa vagolofu kwa ing'asi ya Yesu Kilisito yeakuvakombola.

Avakolosayi 1:14

ye ukukola kulumwene twiva na uwukombolwa na ukudegepelwa inzanangifu setu.

Avaebulaniya 9:22

Ena, nachene uwimila indagilo, fikwenda ifinu mbefili fihwane ukofugwa na idanda, na inzanangifu naso sidegepelwaga hela wone idanda yeyibohwike.

Matayo 26:28

Pakuva iyi ye danda yangu ya lufingano ye yikwitika wimila awolofu vadegepelwe inzanangifu.

Uwugubulilwe wa Yohane 5:9

Sweno, ndawe vimbige ulwimbo ulu ulupya: “Veve winogela ukutegula icho ikitabu na ukuhesa indoni sacho. Pakuva veve wimudumule, na ukukola idanda yako yeumugulye Nguluvi avanu uluhuma mung'olo mbesili, indongele, amalugu, na avanu va ing'i mbesili.

1 Yohane 2:12

Nguvandikila nyenye nyevana, pakuva inzanangifu senyu sidegepilwe mwitawa lya Kilisito.

Avafilipi 4:19

Sweno, Nguluvi vangu, muwunono wakwe uwukomi ukukola kwa Kilisito, avapela mbefili fyemwiguluma.

Avaefeso 2:7

Ulo lweawendite ukululagila kuvanu va imisika igikusa uwukomi wa uwuwuya wakwe weatupelye kwa ulusungu lwa ukuhanga kwetu na Kilisito Yesu.

1 Avakolindo 1:30

Umwene ye kilamuko cha uwumi wenyu mwa Kilisito Yesu ye Nguluvi amuwuyipe ave luhala lwetu, uwugolofu wetu na ukweswa kwetu na uwukombolwa.

Avaefeso 3:16

Ngumusuka Nguluvi, mwesigelye indolo sakwe, avapelage uludali lwa Umuhe vakwe, uludali lwa ukukangala mumitima jenyu,

2 Avakolindo 8:9

Pakuva nyenye ndita muwusele uwuwuya wa Umutwa vetu Yesu Kilisito: nambi umwene, ali mwenafyo va mbefili, nambi ndahihyo iwuyipe mumikaa ukwimila nyenye, sambi nyenye munonele mu wumikaa wakwe.

Avalumi 2:4

Apangi ngali wibedala uwuwuya wakwe uwukomi, na uwukangalifu wakwe, na lwikangaliso lwakwe na uwunsindile wakwe sukulukagula ukuta mbesili isi sidonya veve sambi uhongese nu kupela?

1 Yohane 2:2

Kilisito ye nambika yeyayihesa inzanangifu setu; na siukuta inzanangifu setu hwehwe hela, pesi na inzanangifu sa konivala mbekuli.

Tito 2:14

Umwene itawe yumwene ukwimila hwehwe sambi atukombole mu wanangifu mbewuli na ukutwesa tuve twivanu vakwe yumwene, avanu vevidobokela isa uwunofu.

Ifipigo 2:38

Petulo avapitwe, “Muhongesage nu kubatisiwa mbemuli, mwitawa lya Yesu Kilisito, sambi mudegepelwe inzanangifu senyu, nu kwanukila kila ikipelwa, Umuhe Umwelu.

Matayo 20:28

Lwindahihyo kwa Umwana va Umunu si aasili ukupigilwa nda pesi ulwa aasile ave mukami va avangi na ukutawula uwumi wakwe sambi luve wukombolwa kwa avanu wolofu ukuhuma munzanangifu sawo.”

1 Yohane 4:10

Mwa ulu we uwende! Siukuta hwehwe yetwatasile ukumwenda Nguluvi, pesi ulwa umwene yeatwendite hwehwe nambi amutumite Umwanakwe ave nambika ya ukutuhesekesa inzanangifu setu.

Ifipigo 20:28

Mwikomalilage yunyenye; muligosage lila lilugu lye Umuhe Umwelu akavavisile nyenye muve valongola va ilikanisa. Mulikwamilage likanisa lya Nguluvi lyealigusile kwa idanda ya Umwanakwe.

1 Petulo 3:18

Pakuva Kilisito yumwene afwee ukwimila inzanangifu setu; afwee sukumwi hela swe lwikwila, umunu umunofu ukwimila avanangifu, sambi avasindike nyenye kwa Nguluvi, vamuwulige umuvili neke iva mumi ku lubali lwa umuhe;

Avaefeso 3:8

Nene yendi mudodo ukulutila avanu mbevali va Nguluvi; neke ulwene ndimupele uwuwuya wakwe, sambi ndivadalikile avanu va ing'i isingi uwunono wakwe Kilisito uwugaya kigelo,

Ifipigo 10:43

Avavisi mbevali valonzile isa umwene ulwa umunu yeyeavesaga akumufuuwa saadegepelwa inzanangifu sakwe mbesili mwitawa lyakwe.”

Yohane 20:23

Wone muvadegepele avanu inzanangifu, vava vadegepilwe, wone mutane ukuvadegepela, vava sivadegepelwi.”

Maliko 14:24

Swe akuvatigila, “Iyi ye danda yangu ya ulufingano, yeyikwitika ukwimila awolofu.

Tito 3:6

Nguluvi atugimbite ukutupela hwehwe Umuhe Umwelu ukukola kwa Yesu Kilisito, Umupoki vetu,

1 Timoti 2:6

ye itawe yumwene ukuvakombola avanu mbevali uwukombolwa wesawolelelwa palusika ulukwilaniche.

Avakolosayi 2:13

Pamwandi nyenye, mwemufwe ukwimila uwananzi wenyu na pakuva mwe mwivamyanza. Neke lino Nguluvi avapelye nyenye uwumi pamwi na Kilisito. Nguluvi atudegepye inzanangifu setu mbesili,

Avakolosayi 2:2

Ndipiga ulu sambi inumbula sawo sisikimikwe na ukong'aswa pamwinga muwende, pepene pe vamema uwukwilanifu mbewuli uwiletwagwa na uwukagusi wa nachene. Ipo pevakikagula ikinyele cha Nguluvi na ikinyele ichene ye Kilisito.

Avakolosayi 1:27

Lwealavisile Nguluvi lwelwa ukuvalagila pawelu avanu vakwe, ikinyele iki ikikomi na kinyandolo che kikwimila avanu mbevali. Na ikinyele ichene che iki. Kilisito mugati mwenyu, ye luhuvi lwa indolo.

Avaefeso 2:4

Neke Nguluvi munyalusungu lukomi. Atwendite na uwende uwugaya wulongo,

Avalumi 9:23

Na awendige kangi alagile uwolofu wa indolo sakwe, seatuboholye hwehwe ye twe tudonyitwe ulusungu lwakwe, hwehwe yeatugelanise ukwanukila indolo sakwe.

Ifipigo 3:19

Sweno, mupitulage imigendele jenyu ja uwanangifu, mumupitukile Nguluvi, nave peavahesekesa inzanangifu senyu,

Luka 24:47

na ulwa, avanu mbevali vadalikilwa mwitawa lyakwe, ulwa luvavaje avanu mbevali vahongesage na ukupela inzanangifu ukuvangila baha pa Yelusalemu.

Luka 1:77

ukuvadalikila avanu vakwe ukutigila vapokwa na ukudegepelwa inzanangifu sawo.

Uwugubulilwe wa Yohane 14:4

Avanu vawo, vevala vesivisopiti muwuhongawinya vagendanile na avang'inetu, pakuva veva tunaafu. Avene, vakumuninilaga Umwanang'olo kukwe abitaga. Iwo vevala avagule uluhuma muvanu awolofu, kangi vave ve va ukutala ukutawulwa kwa Nguluvi na kulumwanang'olo.

Avaefeso 1:6

pakulumba uwuwuya wakwe uwunyandolo wetwapelitwe hwehwe Mumwanakwe Umwende!

Matayo 6:12

Utudegepelage inzanangifu setu, ndawe hwehwe lwe twakuvadegepela avatwananje.

Avalumi 3:25

Nguluvi amutawe Yesu sambi kwa idanda yakwe ave ng'asi ya ukuvahesekesa avanu inzanangifu sawo ukwimila ulufuuwo lwawo kulumwene. Agisile ndahihyo sambi alagile ulwa umwene mugolofu. Pidaha Nguluvi akangalilige satugigi ulwa inzanangifu sa avanu;

Avaefeso 1:8

weatupelye uwugaya nambi kigelo! Kwa uluhala na uwuseela wakwe mbewuli.

Avaefeso 1:14

Uyu Umuhe che kipingiko cha ililila lya fila mbefili fye Nguluvi fyealavahuvise avanu vakwe, na ulukani ulu lukutulagila ukuta Nguluvi avakombolela ng'ani avanu vakwe mbevali. Tusilumbage indolo sakwe!

Avaefeso 1:18

sambi mugine ukumukagula hilo munumbula senyu ulwa uluhuvi lweavakemelelye mu wunono na indolo ingomi iya ililila lyeavaviche avanu avelu vakwe,