Avaefeso 1:18 - Lufingano Lupya

¹⁸ sambi mugine ukumukagula hilo munumbula senyu ulwa uluhuvi lweavakemelelye mu wunono na indolo ingomi iya ililila lyeavaviche avanu avelu vakwe,

Avaefeso 1:18 Referans Kwoze

Ifipigo 26:18

Veve uvadindula amiho gawo sambi uvawuyape vahume mu lwisa vingile ku welu; vahume mu wutema wa Setani, vamupitukile Nguluvi, sambi pevafuuvitwe, vadegepelwe inzanangifu sawo sambi vahange na vala avana va Nguluvi.’

2 Avakolindo 4:6

Nguluvi yagafile itigila, “Ulung'ali lung'alikage uluhuma mulwisa,” yeyula yeing'alika inumbula setu, nu kutupela ulung'ali lwa ukusikagula ing'ani isa indolo sa Nguluvi sesikutung'alikila uluhuma muwusu wa Kilisito.

Luka 24:45

Pepene peavagubulye uluhala lwawo sambi vawukagule Uwandike Uwelu.

Avaefeso 1:7

Pakuva kwa idanda yakwe Kilisito hwehwe twivakombole, kwekuta inzanangifu setu sihesiswe. Ulo lwelwiwali ukwimila uwukomi wa uwuwuya wakwe,

Avaefeso 5:8

Pamwandi nyenye mwe mulwisa, neke lino nyenye mulimulung'ali kwa ukuhanga na Umutwa. Sweno mwikalage nda mwivana va ulung'ali:

Avaefeso 3:16

Ngumusuka Nguluvi, mwesigelye indolo sakwe, avapelage uludali lwa Umuhe vakwe, uludali lwa ukukangala mumitima jenyu,

Avaefeso 4:4

Koguli muvili gumwi nu Muhe yumwi, ndawe uluhuvi lumwi lwemwakemelilwe.

Tito 3:7

Sambi kwa uwuwuya wakwe twidikilwe ukuva vagolofu na ukwanukila uwumi wa mbepali wetwihuvye.

2 Avatesaloniki 1:11

Nambi kwa lulo tukuvasukila mbepali. Tukumusuka Nguluvi vetu avatange munogele imikalile je mwakemelilwe mugendele. Tukumusuka, ukukola uludali lwakwe, akwise uwudobofu wenyu uwa ukupiga inofu na ukukwisa ikipigo chenyu icha ulufuuwo.

Avaefeso 4:1

Sweno, nene ye ndimunyandinde pakuva ngumupigila Umutwa, nguvagongola mwikalage imikalile igivaje ulukemelo lwemwakemelilwe.

1 Timoti 6:12

Dadambale wunofu muligalu ilya ulufuuwo, wibatilile uwumi wa mbepali wewakemelitwe, ulusika lwewalwidikilige ulufuuwo pa wolelesi wa awolofu.

1 Petulo 5:10

Neke pemuve mutesiike lusika ludodo, Nguluvi yula ye yumwene che kilamuko cha uwuwuya mbewuli na yemwene yeakuvakemela muhange indolo sakwe isa mbepali ukukola ukuhanga na Kilisito. Yemwene yeavakwilanisa na ukuvawuyapila uwukwilanifu, uludali na ulutu ulukange.

Avaefeso 1:11

Ifinu mbefili fyafigawa kwa ukwimila muwukele na uwulamusi wa Nguluvi; nave Nguluvi atuhagwe hwehwe sambi tuve vanu vakwe kwa uwende wakwe mukuhanga na Kilisito, ndawe lweeawendite yumwene mukuhanga na Kilisito ukwimila uwulamusi wakwe wealakelite.

Avaebulaniya 10:32

Mwiwukage sesawonike ifilo fila ifya pamwandi pemwang'alikilwe ulung'ali lwa Nguluvi. Nambi ifilo ifyo mwatesike pakomi munzolofu.

1 Avatesaloniki 2:12

Twavakangise imitima, na ukusikimika na ukuvalamusa sambi mwikalage mumigendele je gikumunogela Nguluvi ye avakemelye muhange mu wutwa na indolo sakwe.

2 Avakolindo 4:4

Lino iwo sivifuuwa pakuva yula nguluvi va mung'i avapufise uluhala lwawo sambi valemwe ukuluwona ulung'ali lwa Ulukani Ulunofu lwa indolo sa Kilisito, yula ye lwihwano lwa Nguluvi.

Tito 2:13

kono wetwisindila ikimunyi kila cha uwunofu chetukwihuvila, ulusika pe indolo sa Nguluvi umuvina na umupoki vetu Yesu Kilisito pesasiwoneka.

2 Avatesaloniki 2:16

Tukwifunya Kulumutwa vetu Yesu Kilisito yumwene na Nguluvi udadetu ye atwendite, na mu uwuwuya wakwe atupelye ulusikimiko lwa mbepali na mbepali na uluhuvi ulunofu,

1 Avatesaloniki 5:8

Pakuva hwehwe twivanu va ikimunyi luvaje tuvelage vatuunafu, lutuvaje ukwifwika ingwembe ya ulufuuwo na uwende na uluhuvi lwa uwupoki wita nda kofiya ya ichuma.

Avaefeso 3:8

Nene yendi mudodo ukulutila avanu mbevali va Nguluvi; neke ulwene ndimupele uwuwuya wakwe, sambi ndivadalikile avanu va ing'i isingi uwunono wakwe Kilisito uwugaya kigelo,

Matayo 13:15

Pakuva inumbula isa avanu iva nalamu, na mapulikilo gawo gadibe sigipulika wunofu, na amiho gawo gasisinise, sambi valemwe ukulava na amiho gawo, na ukupulika na amapulikilo gawo, na ukulukagula munumbula sawo sambi vamitukile nene ndivaponie.’

1 Petulo 3:9

Mulihombela ku vanu isa uwanangifu, liligo nanye mukwipilulila liligo; pesi muvasukilage uwufunyilile, pakuva nyenye mwakemelitwe na Nguluvi mwanukile uwufunyilile.

Avaebulaniya 6:4

Pakuva avanu vevakululeka ulufuuwo lwawo lwiima ndawuli kangi ukuvapilula sambi vahongese kangi? Avanu iwo yeve vinje mulung'ali lwa Nguluvi, yevevagesise ikipelwa cha kuchanya na ukupelwa Umuhe Umwelu;

Avakolosayi 3:15

Nawo uwikalakunoga wa Kilisito wusagilage munumbula senyu, pakuva ukwimila lulo nyenye mwakemelitwe mumuvili gugo gumwi. Kangi muvelage na ikilumbo!

Avakolosayi 1:23

Ino luvavaje muginage ukuva mulufuuwo kono wemuvisilwe na ukusigalila mulutu ulukangafu, mulidikila ukuhogaswa uluhuma muluhuvi lula lwemwapelitwe pemwapulikige Ulukani Ulunofu. Nene Pawulo ngave mukami va Ulukani Ulunofu lulo ulukadalikwe kulu munu yeyeavesaga mung'i.

Avakolosayi 1:5

Pelufikite lula ulukani ulwa nachene, Ulukani Ulunofu ulwasile pakutala kwa nyenye mwapulike ulwa uluhuvi ulwihuma umo ino ulufuuwo na uwende lukwimila mu luhuvi lulo, lwemwivavikile wunofu kuchanya.

Avaefeso 2:12

Mwiyiwukage lwemwemulekine na Nguluvi pamwandi mwe mwiva genzi; mwe kwivala mulukolo lwa Vaisilaeli; mwe mwivagenzi na simwemuhanzili nambi kinu mwa lula ulufingano ulwa inyuviso, mwemugayite uluhuvi, na wita avanu vesivamuseli Nguluvi umu mung'i.

Avagalatiya 5:5

Neke kulubali lwetu hwehwe, twilavisa kwa luhuvi ukuta muludali lwa Umuhe twiwuyapwa vagolofu ukwimila ulufuuwo.

1 Petulo 1:3

Alumbwagwe Nguluvi na Dada va Umutwa vetu Yesu Kilisito! Ukukola ulusungu lwake ulukomi atuwuyipe twegalwe wupya muluhuvi ulunyawumi ukusilibukwa Yesu uluhuma kuvafwe,

Ifipigo 16:14

Na mwavawo vevatupulikisige epwali umung'inetu uyumwi, yeemunyachoga kwa Nguluvi yeitambulwa Lidiya munyang'i va ku Tiyatila, yee musulusi va imyenda ginyalivala linyakilesi. Umunu ye Umutwa eadindwe inumbula yakwe sambi anukile Ing'ani sila se Pawulo alongige.

Avafilipi 3:14

Ino, ndikimbila sogwe ku kidonya changu, sambi meelwe ikipelwa kila, na ulo lwe lukemelo lwa Nguluvi ku wumi wa kuchanya ukukola mulumwene Kilisito Yesu.

Maliko 10:17

Na Yesu peavangige ulugendo umunu uyumwi aasile kikimbila neke amufugamile amuwuse, “Ve mwigisi vemunofu, ngite ndawuli sambi nzingile kuwumi wa mbepali?”

Avalumi 2:4

Apangi ngali wibedala uwuwuya wakwe uwukomi, na uwukangalifu wakwe, na lwikangaliso lwakwe na uwunsindile wakwe sukulukagula ukuta mbesili isi sidonya veve sambi uhongese nu kupela?

Avalumi 11:29

Pakuva Nguluvi peavapelye avanu ifipelwa fyakwe na ukuvahagula, siayihuguvala peapigite ulo.

Avakolosayi 1:12

Muluhekelelo mumulumbage Dada yealekite nayi nyenye muve na ililila lyenyu mufinu fila fye Nguluvi alavaviche avanu vakwe kuwutwa uwa ulung'ali.

Avakolosayi 1:27

Lwealavisile Nguluvi lwelwa ukuvalagila pawelu avanu vakwe, ikinyele iki ikikomi na kinyandolo che kikwimila avanu mbevali. Na ikinyele ichene che iki. Kilisito mugati mwenyu, ye luhuvi lwa indolo.

Avakolosayi 2:2

Ndipiga ulu sambi inumbula sawo sisikimikwe na ukong'aswa pamwinga muwende, pepene pe vamema uwukwilanifu mbewuli uwiletwagwa na uwukagusi wa nachene. Ipo pevakikagula ikinyele cha Nguluvi na ikinyele ichene ye Kilisito.