Avaefeso 1:13 - Lufingano Lupya

¹³ Kangi nyenye mulumwene mukapulike ulukani ulwa nachene, Ulukani Ulunofu ulwa uwupoki, mukamufuuvitwe umwene, mwatemitwe uluhagi ukwimila uluhuviso lwa Umuhe Umwelu.

Avaefeso 1:13 Referans Kwoze

2 Avakolindo 1:22

na ye mwene yeatutemite uluhagi sambi tuve uwunono wakwe yumwene na ukutupela Umuhe munumbula setu sambi ave kipingiko kwa mbesili seatuviche.

Avaefeso 4:30

Mulagela mumuvifye Umuhe Umwelu va Nguluvi pakuva Umuhe uyo chekilagilo cha Nguluvi kwa nyenye, ulwa nyenye mwivanu vakwe, na ye wolelesi ukuta ikimunyi sachusa pe Nguluvi saavakombola nyenye.

2 Timoti 2:19

Neke ulutu lweavikite Nguluvi lukimee lulibahala hela, na pachanya pa ulutu peandike ing'ani isi; “Umutwa avasele avanu vakwe,” na “Yeyeavesaga akwitigila umwene va Nguluvi, lumuvaje awulekelage ng'ani uwanangifu.”

1 Avatesaloniki 2:13

Kangi twina lukani lungi ulwa ukumulumba nguluvi: petwavaletelige ulukani lwa Nguluvi, nanye mwalupulike, swe mukulwanukila, si wita lukani lwa munu, pesi wita lukani lwa Nguluvi, nachenne welwiwali. Pakuva Nguluvi ahele ipiga mugati umwenyu nyenye ye mwifuuwa.

Avalumi 4:11

Abulahamu awoolitwe pelulutye ulo, nu kuwoolwa uko kwe kilagilo ikikangasa ulwa Nguluvi amwidiche ukuva mugolofu ukwimila ulufuuwo lwakwe lweenalo wesialawoolwa. Uwimila lulo, Abulahamu akave ye dadawo va vala mbevali, nambi wesivawoole, avakamufuuvitwe Nguluvi nu kuwuyapwa vagolofu.

Tito 2:11

Pakuva uwuwuya wa Nguluvi wukave pawelu ukwimila uwupoki wa avanu mbevali.

Avagalatiya 3:14

Ulu lwapigike sambi uwufunyilile wula wapelitwe Abulahamu wuvafikile avamyanza kwa ukukola kwa Kilisito Yesu, sambi kwa ukukola mulufuuwo, twanukile yula Umuhe va Nguluvi ye alatuhuvise.

Avalumi 1:16

Singuluwonela inyoni Ulukani Ulunofu, ulwene lwe ludali lwa Nguluvi lwelwakuvapoka mbevali vevifuuwa ukutala Avayudaya neke vase avamyanza.

Ifipigo 2:33

Yesu akung'umikwe pachanya mbaka kulubali lwa kundyo kwa Nguluvi, na ukwanukila ukuhuma kulu Dade kila ikipelwa cha Umuhe Umwelu, che alavahuvise nambi isi mbesili semukusiwona lino nu kupulika, kwe kwiswa kwa uyo Umuhe.

Yohane 14:26

neke uyo Umutanzi, uyo Umuhe Umwelu, ye Dada amuleta mwitawa lyangu, avigisa mbesili na ukuviwusa mbesili sendendivalonje.

Yohane 1:17

Pakuva ululagilo lwasile ukukola mwa Musa, uwuwuya na uwanachene fyasile ukukola mwa Yesu Kilisito.

Luka 24:49

Na wonage nane ndivaletela yula ye Dada vangu aliihuvise ukumutuma, neke ulwene muvelage pemusindila mumu muboma mbaka pemuva yemupelitwe lula uludali ulwihuma kuchanya.”

1 Petulo 2:10

Ulusika ulungi nyenye simwe mwivanu, neke lino mukave mwivanu vakwe Nguluvi ulusika ulungi kangi simwe mwivawonele ulusungu, neke lino yemulwanuche ulusungu ulo.

Avalumi 6:17

Nambi pamwandi mwe mwivanyawingi va inzanangifu, neke lino ngumulumba Nguluvi mukinatye kwa inumbula mbeyili uwulagile na inzigiso semukanuche.

Ifipigo 1:4

Na peyevakong'ine mbevali, swe ndawe avalagilige de: “Mulahega ipa pa Yelusalemu, muvela pemusindila ulufingano lula lwa Dada lula lwemwamulike nene nguvalongela ulwa ikipelwa.

Yohane 15:26

“Peasile uyo umutanzi, yendivaletela uluhuma kwa Dada, uyo Muhe va nachene yeihuma kwa Dada, anzolelela.

Ifipigo 13:26

“Vanyalukolo, nyenye ye mwivana va ulukolo lwa Abulahamu, na avangi mbevali vevakumufuuwa Nguluvi! Ulukani ulu ulwa uwupoki luletitwe kwa nyenye.

Yohane 6:27

Mulakipigila kipigo ichakulya ikikwanangika, pesi ulwa mupigilage ichakulya ikinanaga ukwimila uwumi wa mbepali, icho che avapela Umwana va Umunu. Pakuva uyo, ye muteme uluhagi na dada Nguluvi.”

Luka 11:13

Pe nyenye, nyevanangifu, mulusele ukuvapela avanenyu ifinu ifinofu. Nachene Dada venyu va kuchanya alutisa pakomi, avapela Umuhe Umwelu vakwe vala avakumusuka.”

Uwugubulilwe wa Yohane 7:2

ndawe ndamuwonige umunyivaha uyungi akwilila pachanya uluhuma kumihago weakolye ikitemelo cha Nguluvi umumi. Ihugite liswi na ukuvalongela iwo avanyivaha avatayi avapele ukuyananga ing'i na ibahali,

Yakobo 1:18

Ukwimila ukuwenda kwakwe yumwene atwejee ukukola ulukani lwakwe ulwa nachene, sambi hwehwe tuve wita amalongola mufigawa mbefili.

Avaebulaniya 2:3

Ino, hwehwe tupokwa ndawuli pesitwituga uwupoki uwukomi we windawe uwu? Kwa ukutala Umutwa yumwene awulaalike uwupoki uwu, na vala vevawupulike vatolelelye ulwa wa nachene.

2 Timoti 3:15

ukwiwuka ukuta uluhuma pa wudodo wako uwukagwe Uwandike Uwelu wewuhwana ukukupela uluhala ulwiletaga uwupoki ukwimila ulufuuwo mwa Kilisito Yesu.

2 Timoti 2:15

Tiganage ukupelwa uwidikile na Nguluvi umunyakupiga yesakukiwonela inyoni ikipigo chakwe, na yeakwigisa wunofu lula ulukani lwa nachene.

Avaefeso 4:21

Neke lulipawelu ukuta mwapulike wunofu ing'ani sakwe, na pakuva nyenye mukumuninila, mwivigisi inachene weyiwali mwa Kilisito.

2 Avakolindo 6:7

kwa ulukani ulwa nachene na muludali lwa Nguluvi. Uwugolofu lye lihomelo lyetu ilya ulubali lwa kundyo na ulubali lwa kung'igi.

Yohane 3:33

Umwene yawidiche uwolelesi wakwe ayisigihila wuwo ulwa Nguluvi va nachene.

Yakobo 1:21

Sweno mugilekelage ng'ani imigendele imyaafu na imikalile imibi; mwanukilage kwa uwulele na lula uluhwanite ukusipoka inumbula senyu.