Avaebulaniya 9:15 - Lufingano Lupya

¹⁵ Palulo Kilisito, yeagosise Ulufingano ulupya sambi vala avakemele na Nguluvi vanukile uwufunyilile wa mbepali na mbepali wealavahuvise, pakuva ifwa yiwonike iyikombolaga avanu uluhuma mula mu wananzi wevapigite ulusika lwa ulufingano ululovela.

Avaebulaniya 9:15 Referans Kwoze

Avalumi 8:30

Sweno Nguluvi avakemelye vala veavahagwe na iwo veavakemelye avawuyipe kangi vidikilwe palumwene; na iwo veavawuyipe vidikilwe palumwene, avahanzise kangi mundolo sakwe.

Avalumi 8:28

Tukulukagula ulwa, mwa mbefili, Nguluvi aipiga kipigo na ukukwisa pamwinga na mbevali avamwenda, kwe kutigila vala ve avakemelye, ndawe lweeadonyite.

Avaebulaniya 9:12

Umwene inje Apono Apelu sukumwi hela, kangi sieategwi nambi danda ya mene nambi ya senga, pesi ulwa inje kwa danda yakwe yumwene, swe akutupela uwukombolwa uwutasila.

Avaebulaniya 10:36

Lwinoga muvelage vakangalisi, sambi muhwane ukupiga sila seiwenda Nguluvi nu kwanukila kila cheahuvise.

1 Timoti 2:5

Pakuva kwali Nguluvi yumwi, kangi kwaliyumwi umunyakuvatang'asa avanu Nguluvi na umunu uyo ye Kilisito Yesu,

Avaebulaniya 12:24

Mufikite kwa Yesu ye awuyipe ulufingano ulupya, na ye idanda yakwe yeyabohwike yilonga ing'ani inofu hilo ukulutila yila ya Habeli.

Avaebulaniya 7:22

Uwimila ukusutana uko, Yesu ave kipingiko cha ulufingano ulunofu ululutye hilo.

1 Petulo 3:18

Pakuva Kilisito yumwene afwee ukwimila inzanangifu setu; afwee sukumwi hela swe lwikwila, umunu umunofu ukwimila avanangifu, sambi avasindike nyenye kwa Nguluvi, vamuwulige umuvili neke iva mumi ku lubali lwa umuhe;

Avaebulaniya 13:20

Lino Nguluvi umunyawikalakunoga ye amusilibwe Umutwa vetu Yesu Kilisito umukwamila-ng'olo umuvina ukwimila idanda yakwe va ulufingano ulwa mbepali na mbepali,

Avalumi 5:6

Ulusika lwave lukwilye, Kilisito afwe ukwimila hwehwe twevananzi!

Avaebulaniya 9:28

lwindahihyo nave Kilisito itawe nambika sukumwi hela sambi asihese inzanangifu sa awolofu. Pesaiwoneka ulwa kavili, siwita kangi akusa kukwihoma na inzanangifu, pesi ukuta kukuvapoka vala avakumusindila umwene.

Avaebulaniya 6:13

Nguluvi peamuhuvisige Abulahamu, ilapye ilitawa lyakwe yumwene, pakuva sikwali umuvina ukumulutila Nguluvi, ye kwa yuyo ake ahwana ukumwilapila.

Avaebulaniya 3:1

Vanyalukolo vangu, nye vanu va Nguluvi yemuvakemele na Nguluvi kuchanya, mwihose ulwa Yesu ye Nguluvi amutumite ave Mutambisi Muvina va ulufuuwo lwetukulwindika.

Avaebulaniya 2:14

Sweno, pakuva avana iwo, ndawe lweakuvakemela, iwo vanu vanya muvili na idanda, Yesu yumwene ave ndawe avene nu kuhanga uwunu wawo. Apigite ndahihyo sambi kwa ukugendela ifwa yakwe amwanange umwananzi, yula umunyalulagi lwa ifwa.

Uwugubulilwe wa Yohane 5:9

Sweno, ndawe vimbige ulwimbo ulu ulupya: “Veve winogela ukutegula icho ikitabu na ukuhesa indoni sacho. Pakuva veve wimudumule, na ukukola idanda yako yeumugulye Nguluvi avanu uluhuma mung'olo mbesili, indongele, amalugu, na avanu va ing'i mbesili.

Avaebulaniya 8:13

Na mukulonga sa ulufingano ulupya, Nguluvi alusakise lula ulwa ukutala; na chechekivesaga ikisakalaga nu kuva kilovela icho sikihaavagi ukuyaga.

Tito 3:7

Sambi kwa uwuwuya wakwe twidikilwe ukuva vagolofu na ukwanukila uwumi wa mbepali wetwihuvye.

Tito 1:2

lwe uluhuvi lwa ukupelwa uwumi wa mbepali we Nguluvi yesilongagi uwudesi, atuhuvise uwumi wuwo, pidaha hilo wesigilavanga imisika,

2 Timoti 2:10

Na ukukola lulo, nene ndikangalila mbefili ukwimila avahagule va Nguluvi, sambi nawo vapelwe uwukombolwa uwiletwagwa mung'asi ya Yesu Kilisito, na wuwo wiletaga indolo isa mbepali na mbepali.

Yohane 10:28

Ndangusipela uwumi wa mbepali, na sisasiyaga nda. Na sikwali umunu yeahwanite asaanuke mwiwoko lyangu.

Matayo 19:29

Na yeyeavesaga ayilesile ikaye nave avanyalukolo vakwe nave avahase nave udade nave uyuve nave vana nave migunda, ukwimila ilitawa lyangu saavanukila kanyigana na ukuhaha uwumi uwa mbepali.

1 Yohane 2:25

Nu luhuviso lweatuhuvise hwehwe lwe ulu: Uwumi uwutasila.

1 Petulo 5:10

Neke pemuve mutesiike lusika ludodo, Nguluvi yula ye yumwene che kilamuko cha uwuwuya mbewuli na yemwene yeakuvakemela muhange indolo sakwe isa mbepali ukukola ukuhanga na Kilisito. Yemwene yeavakwilanisa na ukuvawuyapila uwukwilanifu, uludali na ulutu ulukange.

Yakobo 1:12

Alikiba umunu yula umufunyilile yeisigala muhuvilwa mu ukugelwa, pakuva peakangalye ukugelwa saapelwa ikipelwa cha uwumi we Nguluvi alavahuvise vala avamwenda umwene.

Avaebulaniya 11:13

Avanu mbevali vafwe kono we vina lufuuwo. Vafwe wesivalava vanukila sila ing'ani se Nguluvi alavahuvise; neke kwa apataali vasiwene, swe viheya nu kuhekelela, nu kwidikila pawelu hela ukuta avene vevagenzi na avagaya pakusikimala mung'i.

2 Avatesaloniki 2:14

Nguluvi avakemelelye mulukani ulu ukukola Ulukani Ulunofu lwetwavadaliche; avakemelye sambi mwanukile ililila lyenyu mu ndolo ya Umutwa vetu Yesu Kilisito.

Avalumi 6:23

Pakuva amahombo ga inzanangifu ye fwa, neke ikipelwa cheitawula Nguluvi we wumi wa mbepali mukuva kinu kimwi na Kilisito Yesu Umutwa vetu.

Avaebulaniya 9:16

Na mbepali ulwandiko lwa uwulagise wa umunu yeaihagula yula umunu yategula amalila ga uwunono wakwe paumwene yaafwe, ulo lwakwidikilwa pala pe ifwa yakwe yiva yeyifikite.

2 Avakolindo 3:6

pakuva umwene yeileka tulupigile ulufingano ulupya lwesi lufingano lwa indagilo inzandike, pesi ukuta ulufingano lwa Umuhe. Pakuva indagilo inzandike sasiwulaga, neke Umuhe ayileta uwumi.

Avalumi 9:24

Pakuva ye hwehwe yeatukemelye si ukutigila uluhuma ku Vayudaya, pesi ukuhuma ku vamyanza.

Avalumi 5:10

Pakuva petwetukaali twivatavangu vakwe, Nguluvi alamwe twilamule nave ukukola ifwa ya umwanakwe. Na pakuva lino yetwilamwe nave, lulipawelu hilo ulwa satupokwa ukukola uwumi wa Kilisito.

Avalumi 5:8

Neke Nguluvi atulaje hwehwe lwe atwenda. Pakuva ulusika lwe twe twivanyanzanangifu, Kilisito afwe ukwimila hwehwe.

Luka 18:18

Umunu uyumwi umutema va Avayudaya, amuwusise Yesu itigila, “Mwigisi ve munofu, ngitage ndawuli pa kuhala uwumi wa mbepali?”

Maliko 10:17

Na Yesu peavangige ulugendo umunu uyumwi aasile kikimbila neke amufugamile amuwuse, “Ve mwigisi vemunofu, ngite ndawuli sambi nzingile kuwumi wa mbepali?”

Matayo 25:36

pende wufuula mwafwikite; pende mutamwa mwaasile ukundava; pende mudindile mwaasile ukundava.’

Matayo 25:34

Neke umutwa saatigila kwa vala avali kwiwoko ilya kundyo: ‘Muse nyevafunyilile na Dada; mwanukile Uwutwa uwewuvike uluhuma ukuvikwa ulutu ulwa ing'i.

Avaefeso 1:7

Pakuva kwa idanda yakwe Kilisito hwehwe twivakombole, kwekuta inzanangifu setu sihesiswe. Ulo lwelwiwali ukwimila uwukomi wa uwuwuya wakwe,

Matayo 22:3

Neke pe atume avakami vakwe kukulaalika avanu kuluwungo; neke valemwe ukusa.

Luka 22:20

Peyevalye ndahihyo ategwe ikinywelo itigila, “Ikinywelo iki lwe lufingano ulupya lwa Nguluvi ulwikangaswa mudanda yangu, iyikwitika ukwimila nyenye.]

Ifipigo 20:32

“Na swe lino, nguvavika nyenye mumawoko ga Nguluvi avakwamile mulukani lwa uwuwuya wakwe. Umwene yeahwanite ukuvakangasa nyenye sambi muhwane ukupelwa uwufunyilile wula weavaviche avanu vakwe.

Avagalatiya 3:20

Neke nachene, umulamusi siayisakwa ave pwali, wone ulukani ulwene lwitigila munu yumwi; na Nguluvi ye yumwi.

Avaebulaniya 6:15

Abulahamu asindye kwa kukangalila nambi anuche kila checheilapilwe na Nguluvi.

Avaebulaniya 10:34

Mwahanzile uluteseko na vanyandinde, na pevavaposile uwunono wenyu mwakangalye muluhekelelo, pakuva mwalukagwe ukuta mwina uwunono uwulutye na uwutasila.